אֵל־נְקָמוֹת יְהוָה אֵל נְקָמוֹת הוֹפִיַע׃
Èle-nékamote Ado-naï èle nékamote hofiyaʹ
הִנָּשֵׂא שֹׁפֵט הָאָרֶץ הָשֵׁב גְּמוּל עַל־גֵּאִים׃
Hinasé chofète haaréts hachèv guémoul ʹal-guéime
עַד־מָתַי רְשָׁעִים יְהוָה עַד־מָתַי רְשָׁעִים יַעֲלֹזוּ׃
ʹAd-mataï réchaʹime Ado-naï ʹad-mataï réchaʹime yaʹalozou
יַבִּיעוּ יְדַבְּרוּ עָתָק יִתְאַמְּרוּ כָּל־פֹּעֲלֵי אָוֶן׃
Yabiʹou yédabérou ʹatak yitamérou kole-poʹalé avène
עַמְּךָ יְהוָה יְדַכְּאוּ וְנַחֲלָתְךָ יְעַנּוּ׃
ʹAmékha Ado-naï yédakéou vénaʹhalatkha yéʹanou
אַלְמָנָה וְגֵר יַהֲרֹגוּ וִיתוֹמִים יְרַצֵּחוּ׃
Almana véguèr yaharoguou vitomime yératséʹhou
וַיֹּאמְרוּ לֹא יִרְאֶה־יָּהּ וְלֹא־יָבִין אֱלֹהֵי יַעֲקֹב׃
Vayomrou lo yiré-ya vélo-yavine élohé yaʹakov
בִּינוּ בֹּעֲרִים בָּעָם וּכְסִילִים מָתַי תַּשְׂכִּילוּ׃
Binou boʹarime baʹame oukhsilime mataï taskilou
הֲנֹטַע אֹזֶן הֲלֹא יִשְׁמָע אִם־יֹצֵר עַיִן הֲלֹא יַבִּיט׃
Hanotaʹ ozène halo yichmaʹ ime-yotsèr ʹayine halo yabite
הֲיֹסֵר גּוֹיִם הֲלֹא יוֹכִיחַ הַמְלַמֵּד אָדָם דָּעַת׃
Hayosèr guoyime halo yokhiaʹh hamlamède adame daʹate
יְהוָה יֹדֵעַ מַחְשְׁבוֹת אָדָם כִּי־הֵמָּה הָבֶל׃
Ado-naï yodéaʹ maʹhchévote adame ki-héma havèl
אַשְׁרֵי הַגֶּבֶר אֲשֶׁר־תְּיַסְּרֶנּוּ יָּהּ וּמִתּוֹרָתְךָ תְלַמְּדֶנּוּ׃
Achré haguévèr achère-téyasérénou ya oumitoratkha télamédénou
לְהַשְׁקִיט לוֹ מִימֵי רָע עַד יִכָּרֶה לָרָשָׁע שָׁחַת׃
Léhachkite lo mimé raʹ ʹad yikaré larachaʹ chaʹhate
כִּי לֹא־יִטֹּשׁ יְהוָה עַמּוֹ וְנַחֲלָתוֹ לֹא יַעֲזֹב׃
Ki lo-yitoche Ado-naï ʹamo vénaʹhalato lo yaʹazov
כִּי־עַד־צֶדֶק יָשׁוּב מִשְׁפָּט וְאַחֲרָיו כָּל־יִשְׁרֵי־לֵב׃
Ki-ʹad-tsédèk yachouv michpate véaʹharav kole-yichré-lèv
מִי־יָקוּם לִי עִם־מְרֵעִים מִי־יִתְיַצֵּב לִי עִם־פֹּעֲלֵי אָוֶן׃
Mi-yakoume li ʹime-méréʹime mi-yityatsèv li ʹime-poʹalé avène
לוּלֵי יְהוָה עֶזְרָתָה לִּי כִּמְעַט שָׁכְנָה דוּמָה נַפְשִׁי׃
Loulé Ado-naï ʹèzrata li kimʹate chakhna douma nafchi
אִם־אָמַרְתִּי מָטָה רַגְלִי חַסְדְּךָ יְהוָה יִסְעָדֵנִי׃
Ime-amarti mata raguli ʹhasdékha Ado-naï yisʹadéni
בְּרֹב שַׂרְעַפַּי בְּקִרְבִּי תַּנְחוּמֶיךָ יְשַׁעַשְׁעוּ נַפְשִׁי׃
Bérov sarʹapaï békirbi tanʹhoumékha yéchaʹachʹou nafchi
הַיְחָבְרְךָ כִּסֵּא הַוּוֹת יֹצֵר עָמָל עֲלֵי־חֹק׃
Hayʹhavrékha kisé haouote yotsèr ʹamal ʹalé-ʹhok
יָגוֹדּוּ עַל־נֶפֶשׁ צַדִּיק וְדָם נָקִי יַרְשִׁיעוּ׃
Yaguodou ʹal-néfèche tsadik védame naki yarchiʹou
וַיְהִי יְהוָה לִי לְמִשְׂגָּב וֵאלֹהַי לְצוּר מַחְסִי׃
Vayhi Ado-naï li lémisgav vélohé létsour maʹhsi
וַיָּשֶׁב עֲלֵיהֶם אֶת־אוֹנָם וּבְרָעָתָם יַצְמִיתֵם יַצְמִיתֵם יְהוָה אֱלֹהֵינוּ׃
Vayachèv ʹaléhème ète-oname ouvraʹatame yatsmitème yatsmitème Ado-naï élo-hénou