יֹשֵׁב בְּסֵתֶר עֶלְיוֹן בְּצֵל שַׁדַּי יִתְלוֹנָן׃
Yochèv bésétèr ʹèlyone bétsèl chaddaï yitlonane
אֹמַר לַיהוָה מַחְסִי וּמְצוּדָתִי אֱלֹהַי אֶבְטַח־בּוֹ׃
Omar laïhva maʹhsi oumtsoudati Élohé èvtaʹh-bo
כִּי הוּא יַצִּילְךָ מִפַּח יָקוּשׁ מִדֶּבֶר הַוּוֹת׃
Ki hou yatsilkha mipaʹh yakouche midévèr haouote
בְּאֶבְרָתוֹ יָסֶךְ לָךְ וְתַחַת־כְּנָפָיו תֶּחְסֶה צִנָּה וְסֹחֵרָה אֲמִתּוֹ׃
Béèvrato yasèkh lakh vétaʹhate-kénafav tèʹhsé tsina vésoʹhéra amito
לֹא־תִירָא מִפַּחַד לָיְלָה מֵחֵץ יָעוּף יוֹמָם׃
Lo-tira mipaʹhade laïla méʹhèts yaʹoufe yomame
מִדֶּבֶר בָּאֹפֶל יַהֲלֹךְ מִקֶּטֶב יָשׁוּד צָהֳרָיִם׃
Midévèr baofèl yahalokh mikétèv yachoude tsahorayime
יִפֹּל מִצִּדְּךָ אֶלֶף וּרְבָבָה מִימִינֶךָ אֵלֶיךָ לֹא יִגָּשׁ׃
Yipol mitsidékha élèfe ourvava miminékha élékha lo yigache
רַק בְּעֵינֶיךָ תַבִּיט וְשִׁלֻּמַת רְשָׁעִים תִּרְאֶה׃
Rak béʹénékha tabite véchiloumate réchaʹime tiré
כִּי־אַתָּה יְהוָה מַחְסִי עֶלְיוֹן שַׂמְתָּ מְעוֹנֶךָ׃
Ki-ata Ado-naï maʹhsi ʹèlyone samta méʹonékha
לֹא־תְאֻנֶּה אֵלֶיךָ רָעָה וְנֶגַע לֹא־יִקְרַב בְּאָהֳלֶךָ׃
Lo-téouné élékha raʹa vénégaʹ lo-yikrav béaholékha
כִּי מַלְאָכָיו יְצַוֶּה־לָּךְ לִשְׁמָרְךָ בְּכָל־דְּרָכֶיךָ׃
Ki malakhav yétsavé-lakh lichmarkha békhol-dérakhékha
עַל־כַּפַּיִם יִשָּׂאוּנְךָ פֶּן־תִּגֹּף בָּאֶבֶן רַגְלֶךָ׃
ʹAl-kapayime yisaounkha pène-tigofe baévène raglékha
עַל־שַׁחַל וָפֶתֶן תִּדְרֹךְ תִּרְמֹס כְּפִיר וְתַנִּין׃
ʹAl-chaʹhal vafétène tidrokh tirmose kéfir vétanine
כִּי בִי חָשַׁק וַאֲפַלְּטֵהוּ אֲשַׂגְּבֵהוּ כִּי־יָדַע שְׁמִי׃
Ki vi ʹhachak vaafalétéhou asaguévéhou ki-yada chémi
יִקְרָאֵנִי וְאֶעֱנֵהוּ עִמּוֹ־אָנֹכִי בְצָרָה אֲחַלְּצֵהוּ וַאֲכַבְּדֵהוּ׃
Yikraéni vééʹénéhou ʹimo-anokhi vétsara aʹhalétséhou vaakhabédéhou
אֹרֶךְ יָמִים אַשְׂבִּיעֵהוּ וְאַרְאֵהוּ בִּישׁוּעָתִי׃
Orèkh yamime asbiʹéhou véaréhou bichouʹati