לַמְנַצֵּחַ עַלְמוּת לַבֵּן מִזְמוֹר לְדָוִד׃
Lamnatséaʹh ʹalmoute labène mizmor lédavide
אוֹדֶה יְהוָה בְּכָל־לִבִּי אֲסַפְּרָה כָּל־נִפְלְאוֹתֶיךָ׃
Odé Ado-naï békhol-libi asapéra kole-nif-léotékha
אֶשְׂמְחָה וְאֶעֶלְצָה בָךְ אֲזַמְּרָה שִׁמְךָ עֶלְיוֹן׃
Èsméʹha vééʹèltsa vakh azaméra chim-kha ʹèlyone
בְּשׁוּב־אוֹיְבַי אָחוֹר יִכָּשְׁלוּ וְיֹאבְדוּ מִפָּנֶיךָ׃
Béchouv-oyvaï aʹhor yikachlou véyovdou mipanékha
כִּי־עָשִׂיתָ מִשְׁפָּטִי וְדִינִי יָשַׁבְתָּ לְכִסֵּא שׁוֹפֵט צֶדֶק׃
Ki-ʹassita michpati védini yachavta lékhisé chofète tsédèk
גָּעַרְתָּ גוֹיִם אִבַּדְתָּ רָשָׁע שְׁמָם מָחִיתָ לְעוֹלָם וָעֶד׃
Gaʹarta guoyime ibadta rachaʹ chémame maʹhita léʹolame vaʹède
הָאוֹיֵב תַּמּוּ חֳרָבוֹת לָנֶצַח וְעָרִים נָתַשְׁתָּ אָבַד זִכְרָם הֵמָּה׃
Haoyèv tamou ʹhoravote lanétsaʹh véʹarime natachta avade zikhrame héma
וַיהוָה לְעוֹלָם יֵשֵׁב כּוֹנֵן לַמִּשְׁפָּט כִּסְאוֹ׃
Vaïhva léʹolame yéchèv konène lamichpate kiso
וְהוּא יִשְׁפֹּט־תֵּבֵל בְּצֶדֶק יָדִין לְאֻמִּים בְּמֵישָׁרִים׃
Véhou yichpote-tévèl bétsédèk yadine léoumime bémécharime
וִיהִי יְהוָה מִשְׂגָּב לַדָּךְ מִשְׂגָּב לְעִתּוֹת בַּצָּרָה׃
Vihi Ado-naï misgav ladakh misgav léʹitote batsara
וְיִבְטְחוּ בְךָ יוֹדְעֵי שְׁמֶךָ כִּי לֹא־עָזַבְתָּ דֹרְשֶׁיךָ יְהוָה׃
Véyivtéʹhou vékha yodʹé chémékha ki lo-ʹazavta dorchékha Ado-naï
זַמְּרוּ לַיהוָה יֹשֵׁב צִיּוֹן הַגִּידוּ בָעַמִּים עֲלִילוֹתָיו׃
Zamérou laïhva yochèv tsione haguidou vaʹamime ʹalilotav
כִּי־דֹרֵשׁ דָּמִים אוֹתָם זָכָר לֹא־שָׁכַח צַעֲקַת עניים [עֲנָוִים׃]
Ki-dorèche damime otame zakhar lo-chakhaʹh tsaʹakate ʹanavime
חָנְנֵנִי יְהוָה רְאֵה עָנְיִי מִשֹּׂנְאָי מְרוֹמְמִי מִשַּׁעֲרֵי מָוֶת׃
ʹHannéni Ado-naï réé ʹanyi misonaï mérommi michaʹaré mavète
לְמַעַן אֲסַפְּרָה כָּל־תְּהִלָּתֶיךָ בְּשַׁעֲרֵי בַת־צִיּוֹן אָגִילָה בִּישׁוּעָתֶךָ׃
Lémaʹane asapéra kole-téhilatékha béchaʹaré vate-tsione aguila bichouʹatékha
טָבְעוּ גוֹיִם בְּשַׁחַת עָשׂוּ בְּרֶשֶׁת־זוּ טָמָנוּ נִלְכְּדָה רַגְלָם׃
Tavʹou guoyime béchaʹhate ʹasou béréchète-zou tamanou nilkéda ragulame
נוֹדַע יְהוָה מִשְׁפָּט עָשָׂה בְּפֹעַל כַּפָּיו נוֹקֵשׁ רָשָׁע הִגָּיוֹן סֶלָה׃
Nodaʹ Ado-naï michpate ʹasa béfoʹal kapav nokèche rachaʹ higayone séla
יָשׁוּבוּ רְשָׁעִים לִשְׁאוֹלָה כָּל־גּוֹיִם שְׁכֵחֵי אֱלֹהִים׃
Yachouvou réchaʹime lichola kole-guoyime chékhéʹhé Élo-him
כִּי לֹא לָנֶצַח יִשָּׁכַח אֶבְיוֹן תִּקְוַת ענוים [עֲנִיִּים] תֹּאבַד לָעַד׃
Ki lo lanétsaʹh yichakhaʹh èvyone tikvate ʹaniyime tovade laʹad
קוּמָה יְהוָה אַל־יָעֹז אֱנוֹשׁ יִשָּׁפְטוּ גוֹיִם עַל־פָּנֶיךָ׃
Kouma Ado-naï al-yaʹoz énoche yichaftou guoyime ʹal-panékha
שִׁיתָה יְהוָה מוֹרָה לָהֶם יֵדְעוּ גוֹיִם אֱנוֹשׁ הֵמָּה סֶּלָה׃
Chita Ado-naï mora lahème yèdʹou guoyime énoche héma séla