מַשְׂכִּיל לְאֵיתָן הָאֶזְרָחִי׃
Maskil léétane haèzraʹhi
חַסְדֵי יְהוָה עוֹלָם אָשִׁירָה לְדֹר וָדֹר אוֹדִיעַ אֱמוּנָתְךָ בְּפִי׃
ʹHasdé Ado-naï ʹolame achira lédor vador odiaʹ émounatkha béfi
כִּי־אָמַרְתִּי עוֹלָם חֶסֶד יִבָּנֶה שָׁמַיִם תָּכִן אֱמוּנָתְךָ בָהֶם׃
Ki-amarti ʹolame ʹhésède yibané chamaïm takhine émounatkha vahème
כָּרַתִּי בְרִית לִבְחִירִי נִשְׁבַּעְתִּי לְדָוִד עַבְדִּי׃
Karati vérite livʹhiri nichbaʹti lédavide ʹavdi
עַד־עוֹלָם אָכִין זַרְעֶךָ וּבָנִיתִי לְדֹר־וָדוֹר כִּסְאֲךָ סֶלָה׃
ʹAd-ʹolame akhine zarʹékha ouvaniti lédor-vador kisakha séla
וְיוֹדוּ שָׁמַיִם פִּלְאֲךָ יְהוָה אַף־אֱמוּנָתְךָ בִּקְהַל קְדֹשִׁים׃
Véodou chamaïm pilakha Ado-naï afe-émounatkha bikhal kédochime
כִּי מִי בַשַּׁחַק יַעֲרֹךְ לַיהוָה יִדְמֶה לַיהוָה בִּבְנֵי אֵלִים׃
Ki mi vachaʹhak yaʹarokh laïhva yidmé laïhva bivné élime
אֵל נַעֲרָץ בְּסוֹד־קְדֹשִׁים רַבָּה וְנוֹרָא עַל־כָּל־סְבִיבָיו׃
Èle naʹarats bésode-kédochime raba vénora ʹal-kole-sévivav
יְהוָה אֱלֹהֵי צְבָאוֹת מִי־כָמוֹךָ חֲסִין יָהּ וֶאֱמוּנָתְךָ סְבִיבוֹתֶיךָ׃
Ado-naï élohé tsévaote mi-khamokha ʹhasine yah véémounatkha sévivotékha
אַתָּה מוֹשֵׁל בְּגֵאוּת הַיָּם בְּשׂוֹא גַלָּיו אַתָּה תְשַׁבְּחֵם׃
Ata mochèl béguéoute hayame béso galav ata téchabéʹhème
אַתָּה דִכִּאתָ כֶחָלָל רָהַב בִּזְרוֹעַ עֻזְּךָ פִּזַּרְתָּ אוֹיְבֶיךָ׃
Ata dikita khéʹhalal rahav bizroaʹ ʹouzékha pizarta oyvékha
לְךָ שָׁמַיִם אַף־לְךָ אָרֶץ תֵּבֵל וּמְלֹאָהּ אַתָּה יְסַדְתָּם׃
Lékha chamaïm afe-lékha aréts tévèl oumloa ata yésadtame
צָפוֹן וְיָמִין אַתָּה בְרָאתָם תָּבוֹר וְחֶרְמוֹן בְּשִׁמְךָ יְרַנֵּנוּ׃
Tsafone véyamine ata vératame tavor véʹhèrmone béchimkha yéranénou
לְךָ זְרוֹעַ עִם־גְּבוּרָה תָּעֹז יָדְךָ תָּרוּם יְמִינֶךָ׃
Lékha zéroaʹ ʹime-guévoura taʹoz yadkha taroume yéminékha
צֶדֶק וּמִשְׁפָּט מְכוֹן כִּסְאֶךָ חֶסֶד וֶאֱמֶת יְקַדְּמוּ פָנֶיךָ׃
Tsédèk oumichpate mékhone kisékha ʹhésède véémète yékadémou fanékha
אַשְׁרֵי הָעָם יוֹדְעֵי תְרוּעָה יְהוָה בְּאוֹר־פָּנֶיךָ יְהַלֵּכוּן׃
Achré haʹame yodʹé térouʹa Ado-naï béor-panékha yéhalékhoune
בְּשִׁמְךָ יְגִילוּן כָּל־הַיּוֹם וּבְצִדְקָתְךָ יָרוּמוּ׃
Béchimkha yéguiloune kole-hayome ouvtsidkatkha yaroumou
כִּי־תִפְאֶרֶת עֻזָּמוֹ אָתָּה וּבִרְצֹנְךָ תרים [תָּרוּם] קַרְנֵנוּ׃
Ki-tiférète ʹouzamo ata ouvirtsonkha taroume karnénou
כִּי לַיהוָה מָגִנֵּנוּ וְלִקְדוֹשׁ יִשְׂרָאֵל מַלְכֵּנוּ׃
Ki laïhva maguinénou vélikdoche ysraël malkénou
אָז דִּבַּרְתָּ־בְחָזוֹן לַחֲסִידֶיךָ וַתֹּאמֶר שִׁוִּיתִי עֵזֶר עַל־גִּבּוֹר הֲרִימוֹתִי בָחוּר מֵעָם׃
Az dibbarta-véʹhazone laʹhasidékha vatomèr chiviti ʹézèr ʹal-guibor harimoti vaʹhour méʹame
מָצָאתִי דָּוִד עַבְדִּי בְּשֶׁמֶן קָדְשִׁי מְשַׁחְתִּיו׃
Matsati david ʹavdi béchémène kadchi méchaʹhtiv
אֲשֶׁר יָדִי תִּכּוֹן עִמּוֹ אַף־זְרוֹעִי תְאַמְּצֶנּוּ׃
Achère yadi tikone ʹimo afe-zéroʹi téamétsénou
לֹא־יַשִּׁא אוֹיֵב בּוֹ וּבֶן־עַוְלָה לֹא יְעַנֶּנּוּ׃
Lo-yachi oyèv bo ouvène-ʹavla lo yéʹanénou
וְכַתּוֹתִי מִפָּנָיו צָרָיו וּמְשַׂנְאָיו אֶגּוֹף׃
Vékhatoti mipanav tsarav oumsanav éguofe
וֶאֶמוּנָתִי וְחַסְדִּי עִמּוֹ וּבִשְׁמִי תָּרוּם קַרְנוֹ׃
Véémounati véʹhasdi ʹimo ouvichmi taroume karno
וְשַׂמְתִּי בַיָּם יָדוֹ וּבַנְּהָרוֹת יְמִינוֹ׃
Vésamti vayame yado ouvanéharote yémino
הוּא יִקְרָאֵנִי אָבִי אָתָּה אֵלִי וְצוּר יְשׁוּעָתִי׃
Hou yikraéni avi ata éli vétsour yéchouʹati
אַף־אָנִי בְּכוֹר אֶתְּנֵהוּ עֶלְיוֹן לְמַלְכֵי־אָרֶץ׃
Afe-ani békhor èténéhou ʹèlyone lémalkhé-aréts
לְעוֹלָם אשמור־[אֶשְׁמָר־] לוֹ חַסְדִּי וּבְרִיתִי נֶאֱמֶנֶת לוֹ׃
Léʹolame èchmar- lo ʹhasdi ouvriti nééménète lo
וְשַׂמְתִּי לָעַד זַרְעוֹ וְכִסְאוֹ כִּימֵי שָׁמָיִם׃
Vésamti laʹad zarʹo vékhiso kimé chamayime
אִם־יַעַזְבוּ בָנָיו תּוֹרָתִי וּבְמִשְׁפָּטַי לֹא יֵלֵכוּן׃
Ime-yaʹazvou vanav torati ouvmichpataï lo yélékhoune
אִם־חֻקֹּתַי יְחַלֵּלוּ וּמִצְוֺתַי לֹא יִשְׁמֹרוּ׃
Ime-ʹhoukotaï yéʹhalélou oumitsotaï lo yichmorou
וּפָקַדְתִּי בְשֵׁבֶט פִּשְׁעָם וּבִנְגָעִים עֲוֺנָם׃
Oufakadti véchévète pichʹame ouvingaʹime ʹaoname
וְחַסְדִּי לֹא־אָפִיר מֵעִמּוֹ וְלֹא־אֲשַׁקֵּר בֶּאֱמוּנָתִי׃
Véʹhasdi lo-afir méʹimo vélo-achakèr béémounati
לֹא־אֲחַלֵּל בְּרִיתִי וּמוֹצָא שְׂפָתַי לֹא אֲשַׁנֶּה׃
Lo-aʹhalèl bériti oumotsa séfataï lo achané
אַחַת נִשְׁבַּעְתִּי בְקָדְשִׁי אִם־לְדָוִד אֲכַזֵּב׃
Aʹhate nichbaʹti vékadchi ime-lédavide akhazèv
זַרְעוֹ לְעוֹלָם יִהְיֶה וְכִסְאוֹ כַשֶּׁמֶשׁ נֶגְדִּי׃
Zarʹo léʹolame yihyé vékhiso khachémèche nègudi
כְּיָרֵחַ יִכּוֹן עוֹלָם וְעֵד בַּשַּׁחַק נֶאֱמָן סֶלָה׃
Kéyaréaʹh yikone ʹolame véʹède bachaʹhak néémane séla
וְאַתָּה זָנַחְתָּ וַתִּמְאָס הִתְעַבַּרְתָּ עִם־מְשִׁיחֶךָ׃
Véata zanaʹhta vatimase hitʹabarta ʹime-méchiʹhékha
נֵאַרְתָּה בְּרִית עַבְדֶּךָ חִלַּלְתָּ לָאָרֶץ נִזְרוֹ׃
Néarta bérite ʹavdékha ʹhilalta laarèts nizro
פָּרַצְתָּ כָל־גְּדֵרֹתָיו שַׂמְתָּ מִבְצָרָיו מְחִתָּה׃
Paratsta khole-guédérotav samta mivtsarav méʹhita
שַׁסֻּהוּ כָּל־עֹבְרֵי דָרֶךְ הָיָה חֶרְפָּה לִשְׁכֵנָיו׃
Chasouhou kole-ʹovré darèkh haya ʹhèrpa lichkhénav
הֲרִימוֹתָ יְמִין צָרָיו הִשְׂמַחְתָּ כָּל־אוֹיְבָיו׃
Harimota yémine tsarav hismaʹhta kole-oyvav
אַף־תָּשִׁיב צוּר חַרְבּוֹ וְלֹא הֲקֵימֹתוֹ בַּמִּלְחָמָה׃
Afe-tachiv tsour ʹharbo vélo hakémoto bamilʹhama
הִשְׁבַּתָּ מִטְּהָרוֹ וְכִסְאוֹ לָאָרֶץ מִגַּרְתָּה׃
Hichbata mitéharo vékhiso laarèts migarta
הִקְצַרְתָּ יְמֵי עֲלוּמָיו הֶעֱטִיתָ עָלָיו בּוּשָׁה סֶלָה׃
Hiktsarta yémé ʹaloumav héʹétita ʹalav boucha séla
עַד־מָה יְהוָה תִּסָּתֵר לָנֶצַח תִּבְעַר כְּמוֹ־אֵשׁ חֲמָתֶךָ׃
ʹAd-ma Ado-naï tisatèr lanétsaʹh tivʹar kémo-èche ʹhamatékha
זְכָר־אֲנִי מֶה־חָלֶד עַל־מַה־שָּׁוְא בָּרָאתָ כָל־בְּנֵי־אָדָם׃
Zékhar-ani mé-ʹhalède ʹal-ma-chav barata khole-béné-adame
מִי גֶבֶר יִחְיֶה וְלֹא יִרְאֶה־מָּוֶת יְמַלֵּט נַפְשׁוֹ מִיַּד־שְׁאוֹל סֶלָה׃
Mi guévèr yiʹhyé vélo yiré-mavète yémalète nafcho miyade-chéol séla
אַיֵּה חֲסָדֶיךָ הָרִאשֹׁנִים אֲדֹנָי נִשְׁבַּעְתָּ לְדָוִד בֶּאֱמוּנָתֶךָ׃
Ayé ʹhassadékha harichonime ado-naï nichbaʹta lédavide béémounatékha
זְכֹר אֲדֹנָי חֶרְפַּת עֲבָדֶיךָ שְׂאֵתִי בְחֵיקִי כָּל־רַבִּים עַמִּים׃
Zékhor ado-naï ʹhèrpate ʹavadékha sééti véʹhéki kole-rabime ʹamime
אֲשֶׁר חֵרְפוּ אוֹיְבֶיךָ יְהוָה אֲשֶׁר חֵרְפוּ עִקְּבוֹת מְשִׁיחֶךָ׃
Achère ʹhèrfou oyvékha Ado-naï achère ʹhèrfou ʹikévote méchiʹhékha
בָּרוּךְ יְהוָה לְעוֹלָם אָמֵן וְאָמֵן׃
Baroukh Ado-naï léʹolame amène véamène