שִׁיר מִזְמוֹר לְאָסָף׃
Chir mizmor léasafe
אֱלֹהִים אַל־דֳּמִי־לָךְ אַל־תֶּחֱרַשׁ וְאַל־תִּשְׁקֹט אֵל׃
Élo-him al-domi-lakh al-téʹhérache véal-tichkote èle
כִּי־הִנֵּה אוֹיְבֶיךָ יֶהֱמָיוּן וּמְשַׂנְאֶיךָ נָשְׂאוּ רֹאשׁ׃
Ki-hiné oyvékha yéhémayoune oumsanékha nasou roche
עַל־עַמְּךָ יַעֲרִימוּ סוֹד וְיִתְיָעֲצוּ עַל־צְפוּנֶיךָ׃
ʹAl-ʹamékha yaʹarimou sode véyityaʹatsou ʹal-tséfounékha
אָמְרוּ לְכוּ וְנַכְחִידֵם מִגּוֹי וְלֹא־יִזָּכֵר שֵׁם־יִשְׂרָאֵל עוֹד׃
Amrou lékhou vénakhʹhidème miguoï vélo-yizakhèr chème-ysraël ʹod
כִּי נוֹעֲצוּ לֵב יַחְדָּו עָלֶיךָ בְּרִית יִכְרֹתוּ׃
Ki noʹatsou lèv yaʹhdav ʹalékha bérite yikhrotou
אָהֳלֵי אֱדוֹם וְיִשְׁמְעֵאלִים מוֹאָב וְהַגְרִים׃
Aholé édome véyichméʹélime moav véhagurime
גְּבָל וְעַמּוֹן וַעֲמָלֵק פְּלֶשֶׁת עִם־יֹשְׁבֵי צוֹר׃
Guéval véʹamone vaʹamalèk péléchète ʹime-yochvé tsor
גַּם־אַשּׁוּר נִלְוָה עִמָּם הָיוּ זְרוֹעַ לִבְנֵי־לוֹט סֶלָה׃
Game-achour nilva ʹimame hayou zéroaʹ livné-lote séla
עֲשֵׂה־לָהֶם כְּמִדְיָן כְּסִיסְרָא כְיָבִין בְּנַחַל קִישׁוֹן׃
ʹAssé-lahème kémidyane késisra khéyavine bénaʹhal kichone
נִשְׁמְדוּ בְעֵין־דֹּאר הָיוּ דֹּמֶן לָאֲדָמָה׃
Nichmédou véʹène-dor hayou domène laadama
שִׁיתֵמוֹ נְדִיבֵמוֹ כְּעֹרֵב וְכִזְאֵב וּכְזֶבַח וּכְצַלְמֻנָּע כָּל־נְסִיכֵמוֹ׃
Chitémo nédivémo kéʹorèv vékhizèv oukhzévaʹh oukhtsalmounaʹ kole-nésikhémo
אֲשֶׁר אָמְרוּ נִירֲשָׁה לָּנוּ אֵת נְאוֹת אֱלֹהִים׃
Achère amrou niracha lanou ète néote Élo-him
אֱלֹהַי שִׁיתֵמוֹ כַגַּלְגַּל כְּקַשׁ לִפְנֵי־רוּחַ׃
Élohé chitémo khagalgal kékache lif-né-rouaʹh
כְּאֵשׁ תִּבְעַר־יָעַר וּכְלֶהָבָה תְּלַהֵט הָרִים׃
Kéèche tivʹar-yaʹar oukhléhava télahète harime
כֵּן תִּרְדְּפֵם בְּסַעֲרֶךָ וּבְסוּפָתְךָ תְבַהֲלֵם׃
Kène tirdéfème bésaʹarékha ouvsoufatkha tévahalème
מַלֵּא פְנֵיהֶם קָלוֹן וִיבַקְשׁוּ שִׁמְךָ יְהוָה׃
Malé fénéhème kalone vivakchou chim-kha Ado-naï
יֵבֹשׁוּ וְיִבָּהֲלוּ עֲדֵי־עַד וְיַחְפְּרוּ וְיֹאבֵדוּ׃
Yévochou véyibahalou ʹadé-ʹad véyaʹhpérou véyovédou
וְיֵדְעוּ כִּי־אַתָּה שִׁמְךָ יְהוָה לְבַדֶּךָ עֶלְיוֹן עַל־כָּל־הָאָרֶץ׃
Véyédéʹou ki-ata chim-kha Ado-naï lévadékha ʹèlyone ʹal-kole-haaréts