מַשְׂכִּיל לְאָסָף הַאֲזִינָה עַמִּי תּוֹרָתִי הַטּוּ אָזְנְכֶם לְאִמְרֵי־פִי׃
Maskil léasafe haazina ʹami torati hatou aznékhème léimré-fi
אֶפְתְּחָה בְמָשָׁל פִּי אַבִּיעָה חִידוֹת מִנִּי־קֶדֶם׃
Èftéʹha vémachal pi abiʹa ʹhidote mini-kédème
אֲשֶׁר שָׁמַעְנוּ וַנֵּדָעֵם וַאֲבוֹתֵינוּ סִפְּרוּ־לָנוּ׃
Achère chamaʹnou vanédaʹème vaavoténou sipérou-lanou
לֹא נְכַחֵד מִבְּנֵיהֶם לְדוֹר אַחֲרוֹן מְסַפְּרִים תְּהִלּוֹת יְהוָה וֶעֱזוּזוֹ וְנִפְלְאוֹתָיו אֲשֶׁר עָשָׂה׃
Lo nékhaʹhède mibénéhème lédor aʹharone mésapérime téhilote Ado-naï véʹézouzo vénifléotav achère ʹasa
וַיָּקֶם עֵדוּת בְּיַעֲקֹב וְתוֹרָה שָׂם בְּיִשְׂרָאֵל אֲשֶׁר צִוָּה אֶת־אֲבוֹתֵינוּ לְהוֹדִיעָם לִבְנֵיהֶם׃
Vayakème ʹédoute béyaʹakov vé-torah same béyisraèl achère tsiva ète-avoténou léhodiʹame livnéhème
לְמַעַן יֵדְעוּ דּוֹר אַחֲרוֹן בָּנִים יִוָּלֵדוּ יָקֻמוּ וִיסַפְּרוּ לִבְנֵיהֶם׃
Lémaʹane yèdʹou dor aʹharone banime yivalédou yakoumou visapérou livnéhème
וְיָשִׂימוּ בֵאלֹהִים כִּסְלָם וְלֹא יִשְׁכְּחוּ מַעַלְלֵי־אֵל וּמִצְוֺתָיו יִנְצֹרוּ׃
Véyasimou vélohime kislame vélo yichkéʹhou maʹallé-èle oumitsotav yintsorou
וְלֹא יִהְיוּ כַּאֲבוֹתָם דּוֹר סוֹרֵר וּמֹרֶה דּוֹר לֹא־הֵכִין לִבּוֹ וְלֹא־נֶאֶמְנָה אֶת־אֵל רוּחוֹ׃
Vélo yihyou kaavotame dor sorèr oumoré dor lo-hékhine libo vélo-néèmna ète-èle rouʹho
בְּנֵי־אֶפְרַיִם נוֹשְׁקֵי רוֹמֵי־קָשֶׁת הָפְכוּ בְּיוֹם קְרָב׃
Béné-èfrayime nochké romé-kachète hafkhou béome kérav
לֹא שָׁמְרוּ בְּרִית אֱלֹהִים וּבְתוֹרָתוֹ מֵאֲנוּ לָלֶכֶת׃
Lo chamrou bérite Élo-him ouvtorato méanou lalékhète
וַיִּשְׁכְּחוּ עֲלִילוֹתָיו וְנִפְלְאוֹתָיו אֲשֶׁר הֶרְאָם׃
Vayichkéʹhou ʹalilotav vénifléotav achère hèrame
נֶגֶד אֲבוֹתָם עָשָׂה פֶלֶא בְּאֶרֶץ מִצְרַיִם שְׂדֵה־צֹעַן׃
Néguède avotame ʹasa félé béérèts mitsrayime sédé-tsoʹane
בָּקַע יָם וַיַּעֲבִירֵם וַיַּצֶּב־מַיִם כְּמוֹ־נֵד׃
Bakaʹ yame vayaʹavirème vayatsèv-mayime kémo-nède
וַיַּנְחֵם בֶּעָנָן יוֹמָם וְכָל־הַלַּיְלָה בְּאוֹר אֵשׁ׃
Vayanʹhème béʹanane yomame vékhol-halayla béor èche
יְבַקַּע צֻרִים בַּמִּדְבָּר וַיַּשְׁקְ כִּתְהֹמוֹת רַבָּה׃
Yévakaʹ tsourime bamidbar vayachké kithomote raba
וַיּוֹצִא נוֹזְלִים מִסָּלַע וַיּוֹרֶד כַּנְּהָרוֹת מָיִם׃
Vayotsi nozlime misalaʹ vayorède kanéharote mayime
וַיּוֹסִיפוּ עוֹד לַחֲטֹא־לוֹ לַמְרוֹת עֶלְיוֹן בַּצִּיָּה׃
Vayosifou ʹod laʹhato-lo lamrote ʹèlyone batsiya
וַיְנַסּוּ־אֵל בִּלְבָבָם לִשְׁאָל־אֹכֶל לְנַפְשָׁם׃
Vaynasou-èle bilvavame lichal-okhèl lénafchame
וַיְדַבְּרוּ בֵּאלֹהִים אָמְרוּ הֲיוּכַל אֵל לַעֲרֹךְ שֻׁלְחָן בַּמִּדְבָּר׃
Vaydabérou bélohime amrou hayoukhal èle laʹarokh choulʹhane bamidbar
הֵן הִכָּה־צוּר וַיָּזוּבוּ מַיִם וּנְחָלִים יִשְׁטֹפוּ הֲגַם־לֶחֶם יוּכַל תֵּת אִם־יָכִין שְׁאֵר לְעַמּוֹ׃
Hène hika-tsour vayazouvou mayime ounʹhalime yichtofou hagame-léʹhème youkhal tète ime-yakhine chéèr léʹamo
לָכֵן שָׁמַע יְהוָה וַיִּתְעַבָּר וְאֵשׁ נִשְּׂקָה בְיַעֲקֹב וְגַם־אַף עָלָה בְיִשְׂרָאֵל׃
Lakhène chamaʹ Ado-naï vayitʹabar véèche niséka véyaʹakov végame-afe ʹala véyisraèl
כִּי לֹא הֶאֱמִינוּ בֵּאלֹהִים וְלֹא בָטְחוּ בִּישׁוּעָתוֹ׃
Ki lo hééminou bélohime vélo vatʹhou bichouʹato
וַיְצַו שְׁחָקִים מִמָּעַל וְדַלְתֵי שָׁמַיִם פָּתָח׃
Vaytsav chéʹhakime mimaʹal védalté chamaïm pataʹh
וַיַּמְטֵר עֲלֵיהֶם מָן לֶאֱכֹל וּדְגַן־שָׁמַיִם נָתַן לָמוֹ׃
Vayamtèr ʹaléhème mane léékhol oudgane-chamaïm natane lamo
לֶחֶם אַבִּירִים אָכַל אִישׁ צֵידָה שָׁלַח לָהֶם לָשֹׂבַע׃
Léʹhème abirime akhal iche tséda chalaʹh lahème lasovaʹ
יַסַּע קָדִים בַּשָּׁמָיִם וַיְנַהֵג בְּעֻזּוֹ תֵימָן׃
Yasaʹ kadime bachamayime vaynahègu béʹouzo témane
וַיַּמְטֵר עֲלֵיהֶם כֶּעָפָר שְׁאֵר וּכְחוֹל יַמִּים עוֹף כָּנָף׃
Vayamtèr ʹaléhème kéʹafar chéèr oukhʹhol yamime ʹofe kanafe
וַיַּפֵּל בְּקֶרֶב מַחֲנֵהוּ סָבִיב לְמִשְׁכְּנֹתָיו׃
Vayapèl békérèv maʹhanéhou saviv lémichkénotav
וַיֹּאכְלוּ וַיִּשְׂבְּעוּ מְאֹד וְתַאֲוָתָם יָבִא לָהֶם׃
Vayokhlou vayisbéʹou méode vétaavatame yavi lahème
לֹא־זָרוּ מִתַּאֲוָתָם עוֹד אָכְלָם בְּפִיהֶם׃
Lo-zarou mitaavatame ʹod akhlame béfihème
וְאַף אֱלֹהִים עָלָה בָהֶם וַיַּהֲרֹג בְּמִשְׁמַנֵּיהֶם וּבַחוּרֵי יִשְׂרָאֵל הִכְרִיעַ׃
Véafe Élo-him ʹala vahème vayaharogu bémichmanéhème ouvaʹhouré ysraël hikhriaʹ
בְּכָל־זֹאת חָטְאוּ־עוֹד וְלֹא־הֶאֱמִינוּ בְּנִפְלְאוֹתָיו׃
Békhol-zote ʹhatou-ʹod vélo-hééminou bénifléotav
וַיְכַל־בַּהֶבֶל יְמֵיהֶם וּשְׁנוֹתָם בַּבֶּהָלָה׃
Vaykhal-bahévèl yéméhème ouchnotame babéhala
אִם־הֲרָגָם וּדְרָשׁוּהוּ וְשָׁבוּ וְשִׁחֲרוּ־אֵל׃
Ime-haragame oudrachouhou véchavou véchiʹharou-èle
וַיִּזְכְּרוּ כִּי־אֱלֹהִים צוּרָם וְאֵל עֶלְיוֹן גֹּאֲלָם׃
Vayizkérou ki-Élo-him tsourame véèl ʹèlyone goalame
וַיְפַתּוּהוּ בְּפִיהֶם וּבִלְשׁוֹנָם יְכַזְּבוּ־לוֹ׃
Vayfatouhou béfihème ouvilchoname yékhazévou-lo
וְלִבָּם לֹא־נָכוֹן עִמּוֹ וְלֹא נֶאֶמְנוּ בִּבְרִיתוֹ׃
Vélibame lo-nakhone ʹimo vélo néèmnou bivrito
וְהוּא רַחוּם יְכַפֵּר עָוֺן וְלֹא־יַשְׁחִית וְהִרְבָּה לְהָשִׁיב אַפּוֹ וְלֹא־יָעִיר כָּל־חֲמָתוֹ׃
Véhou raʹhoume yékhapèr ʹavone vélo-yachʹhite véhirba léhachiv apo vélo-yaʹir kole-ʹhamato
וַיִּזְכֹּר כִּי־בָשָׂר הֵמָּה רוּחַ הוֹלֵךְ וְלֹא יָשׁוּב׃
Vayizkor ki-vassar héma rouaʹh holèkh vélo yachouv
כַּמָּה יַמְרוּהוּ בַמִּדְבָּר יַעֲצִיבוּהוּ בִּישִׁימוֹן׃
Kama yamrouhou vamidbar yaʹatsivouhou bichimone
וַיָּשׁוּבוּ וַיְנַסּוּ אֵל וּקְדוֹשׁ יִשְׂרָאֵל הִתְווּ׃
Vayachouvou vaynasou èle oukdoche ysraël hitvou
לֹא־זָכְרוּ אֶת־יָדוֹ יוֹם אֲשֶׁר־פָּדָם מִנִּי־צָר׃
Lo-zakhrou ète-yado yome achère-padame mini-tsar
אֲשֶׁר־שָׂם בְּמִצְרַיִם אֹתוֹתָיו וּמוֹפְתָיו בִּשְׂדֵה־צֹעַן׃
Achère-same bémitsrayime ototav oumoftav bisdé-tsoʹane
וַיַּהֲפֹךְ לְדָם יְאֹרֵיהֶם וְנֹזְלֵיהֶם בַּל־יִשְׁתָּיוּן׃
Vayahafokh lédame yéoréhème vénozléhème bal-yichtayoune
יְשַׁלַּח בָּהֶם עָרֹב וַיֹּאכְלֵם וּצְפַרְדֵּעַ וַתַּשְׁחִיתֵם׃
Yéchalaʹh bahème ʹarov vayokhlème outsfardéaʹ vatachʹhitème
וַיִּתֵּן לֶחָסִיל יְבוּלָם וִיגִיעָם לָאַרְבֶּה׃
Vayitène léʹhasil yévoulame viguiʹame laarbé
יַהֲרֹג בַּבָּרָד גַּפְנָם וְשִׁקְמוֹתָם בַּחֲנָמַל׃
Yaharogu babarade gafname véchikmotame baʹhanamal
וַיַּסְגֵּר לַבָּרָד בְּעִירָם וּמִקְנֵיהֶם לָרְשָׁפִים׃
Vayasguèr labarade béʹirame oumiknéhème larchafime
יְשַׁלַּח־בָּם חֲרוֹן אַפּוֹ עֶבְרָה וָזַעַם וְצָרָה מִשְׁלַחַת מַלְאֲכֵי רָעִים׃
Yéchalaʹh-bame ʹharone apo ʹèvra vazaʹame vétsara michlaʹhate malakhé raʹime
יְפַלֵּס נָתִיב לְאַפּוֹ לֹא־חָשַׂךְ מִמָּוֶת נַפְשָׁם וְחַיָּתָם לַדֶּבֶר הִסְגִּיר׃
Yéfalèse nativ léapo lo-ʹhasakh mimavète nafchame véʹhayatame ladévèr hisguir
וַיַּךְ כָּל־בְּכוֹר בְּמִצְרָיִם רֵאשִׁית אוֹנִים בְּאָהֳלֵי־חָם׃
Vayakh kole-békhor bémitsrayime réchite onime béaholé-ʹhame
וַיַּסַּע כַּצֹּאן עַמּוֹ וַיְנַהֲגֵם כַּעֵדֶר בַּמִּדְבָּר׃
Vayasaʹ katsone ʹamo vaynahaguème kaʹédèr bamidbar
וַיַּנְחֵם לָבֶטַח וְלֹא פָחָדוּ וְאֶת־אוֹיְבֵיהֶם כִּסָּה הַיָּם׃
Vayanʹhème lavétaʹh vélo faʹhadou véète-oyvéhème kisa hayame
וַיְבִיאֵם אֶל־גְּבוּל קָדְשׁוֹ הַר־זֶה קָנְתָה יְמִינוֹ׃
Vayvième el-guévoul kadcho har-zé kanta yémino
וַיְגָרֶשׁ מִפְּנֵיהֶם גּוֹיִם וַיַּפִּילֵם בְּחֶבֶל נַחֲלָה וַיַּשְׁכֵּן בְּאָהֳלֵיהֶם שִׁבְטֵי יִשְׂרָאֵל׃
Vaygarèche mipénéhème guoyime vayapilème béʹhévèl naʹhala vayachkène béaholéhème chivté ysraël
וַיְנַסּוּ וַיַּמְרוּ אֶת־אֱלֹהִים עֶלְיוֹן וְעֵדוֹתָיו לֹא שָׁמָרוּ׃
Vaynasou vayamrou ète-Élo-him ʹèlyone véʹédotav lo chamarou
וַיִּסֹּגוּ וַיִּבְגְּדוּ כַּאֲבוֹתָם נֶהְפְּכוּ כְּקֶשֶׁת רְמִיָּה׃
Vayisoguou vayivguédou kaavotame nèhpékhou kékéchète rémiya
וַיַּכְעִיסוּהוּ בְּבָמוֹתָם וּבִפְסִילֵיהֶם יַקְנִיאוּהוּ׃
Vayakhʹisouhou bévamotame ouvifsiléhème yakniouhou
שָׁמַע אֱלֹהִים וַיִּתְעַבָּר וַיִּמְאַס מְאֹד בְּיִשְׂרָאֵל׃
Chamaʹ Élo-him vayitʹabar vayimase méode béyisraèl
וַיִּטֹּשׁ מִשְׁכַּן שִׁלוֹ אֹהֶל שִׁכֵּן בָּאָדָם׃
Vayitoche michkane chilo ohèl chikène baadame
וַיִּתֵּן לַשְּׁבִי עֻזּוֹ וְתִפְאַרְתּוֹ בְיַד־צָר׃
Vayitène lachvi ʹouzo vétifarto véyade-tsar
וַיַּסְגֵּר לַחֶרֶב עַמּוֹ וּבְנַחֲלָתוֹ הִתְעַבָּר׃
Vayasguèr laʹhérèv ʹamo ouvnaʹhalato hitʹabar
בַּחוּרָיו אָכְלָה־אֵשׁ וּבְתוּלֹתָיו לֹא הוּלָּלוּ׃
Baʹhourav akhla-èche ouvtoulotav lo houlalou
כֹּהֲנָיו בַּחֶרֶב נָפָלוּ וְאַלְמְנֹתָיו לֹא תִבְכֶּינָה׃
Kohanav baʹhérèv nafalou véalménotav lo tivkéna
וַיִּקַץ כְּיָשֵׁן אֲדֹנָי כְּגִבּוֹר מִתְרוֹנֵן מִיָּיִן׃
Vayikats kéyachène ado-naï kéguibor mitronène miyayine
וַיַּךְ־צָרָיו אָחוֹר חֶרְפַּת עוֹלָם נָתַן לָמוֹ׃
Vayakh-tsarav aʹhor ʹhèrpate ʹolame natane lamo
וַיִּמְאַס בְּאֹהֶל יוֹסֵף וּבְשֵׁבֶט אֶפְרַיִם לֹא בָחָר׃
Vayimase béohèl yosèfe ouvchévète èfrayime lo vaʹhar
וַיִּבְחַר אֶת־שֵׁבֶט יְהוּדָה אֶת־הַר צִיּוֹן אֲשֶׁר אָהֵב׃
Vayivʹhar ète-chévète yéhouda ète-har tsione achère ahèv
וַיִּבֶן כְּמוֹ־רָמִים מִקְדָּשׁוֹ כְּאֶרֶץ יְסָדָהּ לְעוֹלָם׃
Vayivène kémo-ramime mikdacho kéérèts yésada léʹolame
וַיִּבְחַר בְּדָוִד עַבְדּוֹ וַיִּקָּחֵהוּ מִמִּכְלְאֹת צֹאן׃
Vayivʹhar bédavide ʹavdo vayikaʹhéhou mimikhléote tsone
מֵאַחַר עָלוֹת הֱבִיאוֹ לִרְעוֹת בְּיַעֲקֹב עַמּוֹ וּבְיִשְׂרָאֵל נַחֲלָתוֹ׃
Méaʹhar ʹalote hévio lirʹote béyaʹakov ʹamo ouv-Ysraël naʹhalato
וַיִּרְעֵם כְּתֹם לְבָבוֹ וּבִתְבוּנוֹת כַּפָּיו יַנְחֵם׃
Vayirʹème kétome lévavo ouvitvounote kapav yanʹhème