לַמְנַצֵּחַ עַל־ידיתון [יְדוּתוּן] לְאָסָף מִזְמוֹר׃
Lamnatséaʹh ʹal-yédoutoune léasafe mizmor
קוֹלִי אֶל־אֱלֹהִים וְאֶצְעָקָה קוֹלִי אֶל־אֱלֹהִים וְהַאֲזִין אֵלָי׃
Koli el-Élo-him véètsʹaka koli el-Élo-him véhaazine élaï
בְּיוֹם צָרָתִי אֲדֹנָי דָּרָשְׁתִּי יָדִי לַיְלָה נִגְּרָה וְלֹא תָפוּג מֵאֲנָה הִנָּחֵם נַפְשִׁי׃
Béome tsarati ado-naï darachti yadi layla niguéra vélo tafougu méana hinaʹhème nafchi
אֶזְכְּרָה אֱלֹהִים וְאֶהֱמָיָה אָשִׂיחָה וְתִתְעַטֵּף רוּחִי סֶלָה׃
Èzkéra Élo-him vééhémaya asiʹha vétitʹatèfe rouʹhi séla
אָחַזְתָּ שְׁמֻרוֹת עֵינָי נִפְעַמְתִּי וְלֹא אֲדַבֵּר׃
Aʹhazta chémourote ʹénaï nifʹamti vélo adabèr
חִשַּׁבְתִּי יָמִים מִקֶּדֶם שְׁנוֹת עוֹלָמִים׃
ʹHichavti yamime mikédème chénote ʹolamime
אֶזְכְּרָה נְגִינָתִי בַּלָּיְלָה עִם־לְבָבִי אָשִׂיחָה וַיְחַפֵּשׂ רוּחִי׃
Èzkéra néguinati balayla ʹime-lévavi asiʹha vayʹhapèse rouʹhi
הַלְעוֹלָמִים יִזְנַח אֲדֹנָי וְלֹא־יֹסִיף לִרְצוֹת עוֹד׃
Halʹolamime yiznaʹh ado-naï vélo-yosife lirtsote ʹod
הֶאָפֵס לָנֶצַח חַסְדּוֹ גָּמַר אֹמֶר לְדֹר וָדֹר׃
Héafèse lanétsaʹh ʹhasdo gamar omèr lédor vador
הֲשָׁכַח חַנּוֹת אֵל אִם־קָפַץ בְּאַף רַחֲמָיו סֶלָה׃
Hachakhaʹh ʹhanote èle ime-kafats béafe raʹhamav séla
וָאֹמַר חַלּוֹתִי הִיא שְׁנוֹת יְמִין עֶלְיוֹן׃
Vaomar ʹhaloti hi chénote yémine ʹèlyone
אזכיר [אֶזְכּוֹר] מַעַלְלֵי־יָהּ כִּי־אֶזְכְּרָה מִקֶּדֶם פִּלְאֶךָ׃
Èzkor maʹallé-yah ki-èzkéra mikédème pilékha
וְהָגִיתִי בְכָל־פָּעֳלֶךָ וּבַעֲלִילוֹתֶיךָ אָשִׂיחָה׃
Véhaguiti békhol-paʹolékha ouvaʹalilotékha asiʹha
אֱלֹהִים בַּקֹּדֶשׁ דַּרְכֶּךָ מִי־אֵל גָּדוֹל כֵּאלֹהִים׃
Élo-him bakodèche darkékha mi-èle gadol kélohime
אַתָּה הָאֵל עֹשֵׂה פֶלֶא הוֹדַעְתָּ בָעַמִּים עֻזֶּךָ׃
Ata haèle ʹosé félé hodaʹta vaʹamime ʹouzékha
גָּאַלְתָּ בִּזְרוֹעַ עַמֶּךָ בְּנֵי־יַעֲקֹב וְיוֹסֵף סֶלָה׃
Gaalta bizroaʹ ʹamékha béné-yaʹakov véosèfe séla
רָאוּךָ מַּיִם אֱלֹהִים רָאוּךָ מַּיִם יָחִילוּ אַף יִרְגְּזוּ תְהֹמוֹת׃
Raoukha mayime Élo-him raoukha mayime yaʹhilou afe yirguézou téhomote
זֹרְמוּ מַיִם עָבוֹת קוֹל נָתְנוּ שְׁחָקִים אַף־חֲצָצֶיךָ יִתְהַלָּכוּ׃
Zormou mayime ʹavote kol natnou chéʹhakime afe-ʹhatsatsékha yithalakhou
קוֹל רַעַמְךָ בַּגַּלְגַּל הֵאִירוּ בְרָקִים תֵּבֵל רָגְזָה וַתִּרְעַשׁ הָאָרֶץ׃
Kol raʹamkha bagalgal héirou vérakime tévèl raguza vatirʹache haaréts
בַּיָּם דַּרְכֶּךָ ושביליך [וּשְׁבִילְךָ] בְּמַיִם רַבִּים וְעִקְּבוֹתֶיךָ לֹא נֹדָעוּ׃
Bayame darkékha ouchvilkha bémayime rabime véʹikévotékha lo nodaʹou
נָחִיתָ כַצֹּאן עַמֶּךָ בְּיַד־מֹשֶׁה וְאַהֲרֹן׃
Naʹhita khatsone ʹamékha béyade-moché véaharone