מַשְׂכִּיל לְאָסָף לָמָה אֱלֹהִים זָנַחְתָּ לָנֶצַח יֶעְשַׁן אַפְּךָ בְּצֹאן מַרְעִיתֶךָ׃
Maskil léasafe lama Élo-him zanaʹhta lanétsaʹh yèʹchane apékha bétsone marʹitékha
זְכֹר עֲדָתְךָ קָנִיתָ קֶּדֶם גָּאַלְתָּ שֵׁבֶט נַחֲלָתֶךָ הַר־צִיּוֹן זֶה שָׁכַנְתָּ בּוֹ׃
Zékhor ʹadatkha kanita kédème gaalta chévète naʹhalatékha har-tsione zé chakhanta bo
הָרִימָה פְעָמֶיךָ לְמַשֻּׁאוֹת נֶצַח כָּל־הֵרַע אוֹיֵב בַּקֹּדֶשׁ׃
Harima féʹamékha lémachouote nétsaʹh kole-héraʹ oyèv bakodèche
שָׁאֲגוּ צֹרְרֶיךָ בְּקֶרֶב מוֹעֲדֶךָ שָׂמוּ אוֹתֹתָם אֹתוֹת׃
Chaaguou tsorrékha békérèv moʹadékha samou ototame otote
יִוָּדַע כְּמֵבִיא לְמָעְלָה בִּסֲבָךְ־עֵץ קַרְדֻּמּוֹת׃
Yivadaʹ kémévi lémaʹla bisavakh-ʹèts kardoumote
ועת [וְעַתָּה] פִּתּוּחֶיהָ יָּחַד בְּכַשִּׁיל וְכֵילַפֹּת יַהֲלֹמוּן׃
Véʹata pitouʹhéha yaʹhade békhachil vékhélapote yahalomoune
שִׁלְחוּ בָאֵשׁ מִקְדָּשֶׁךָ לָאָרֶץ חִלְּלוּ מִשְׁכַּן־שְׁמֶךָ׃
Chilʹhou vaèche mikdachékha laarèts ʹhilélou michkane-chémékha
אָמְרוּ בְלִבָּם נִינָם יָחַד שָׂרְפוּ כָל־מוֹעֲדֵי־אֵל בָּאָרֶץ׃
Amrou vélibame niname yaʹhade sarfou khole-moʹadé-èle baarèts
אוֹתֹתֵינוּ לֹא רָאִינוּ אֵין־עוֹד נָבִיא וְלֹא־אִתָּנוּ יֹדֵעַ עַד־מָה׃
Ototénou lo rainou ène-ʹod navi vélo-itanou yodéaʹ ʹad-ma
עַד־מָתַי אֱלֹהִים יְחָרֶף צָר יְנָאֵץ אוֹיֵב שִׁמְךָ לָנֶצַח׃
ʹAd-mataï Élo-him yéʹharèfe tsar yénaèts oyèv chim-kha lanétsaʹh
לָמָּה תָשִׁיב יָדְךָ וִימִינֶךָ מִקֶּרֶב חוקך [חֵיקְךָ] כַלֵּה׃
Lama tachiv yadkha viminékha mikérèv ʹhèkkha khalé
וֵאלֹהִים מַלְכִּי מִקֶּדֶם פֹּעֵל יְשׁוּעוֹת בְּקֶרֶב הָאָרֶץ׃
Vélohime malki mikédème poʹèl yéchouʹote békérèv haaréts
אַתָּה פוֹרַרְתָּ בְעָזְּךָ יָם שִׁבַּרְתָּ רָאשֵׁי תַנִּינִים עַל־הַמָּיִם׃
Ata forarta véʹazékha yame chibarta raché taninime ʹal-hamayime
אַתָּה רִצַּצְתָּ רָאשֵׁי לִוְיָתָן תִּתְּנֶנּוּ מַאֲכָל לְעָם לְצִיִּים׃
Ata ritsatsta raché livyatane titénénou maakhal léʹame létsiyime
אַתָּה בָקַעְתָּ מַעְיָן וָנָחַל אַתָּה הוֹבַשְׁתָּ נַהֲרוֹת אֵיתָן׃
Ata vakaʹta maʹyane vanaʹhal ata hovachta naharote étane
לְךָ יוֹם אַף־לְךָ לָיְלָה אַתָּה הֲכִינוֹתָ מָאוֹר וָשָׁמֶשׁ׃
Lékha yome afe-lékha laïla ata hakhinota maor vachamèche
אַתָּה הִצַּבְתָּ כָּל־גְּבוּלוֹת אָרֶץ קַיִץ וָחֹרֶף אַתָּה יְצַרְתָּם׃
Ata hitsavta kole-guévoulote aréts kayits vaʹhorèfe ata yétsartame
זְכָר־זֹאת אוֹיֵב חֵרֵף יְהוָה וְעַם נָבָל נִאֲצוּ שְׁמֶךָ׃
Zékhar-zote oyèv ʹhérèfe Ado-naï véʹame naval niatsou chémékha
אַל־תִּתֵּן לְחַיַּת נֶפֶשׁ תּוֹרֶךָ חַיַּת עֲנִיֶּיךָ אַל־תִּשְׁכַּח לָנֶצַח׃
Al-titène léʹhayate néfèche torékha ʹhayate ʹaniyékha al-tichkaʹh lanétsaʹh
הַבֵּט לַבְּרִית כִּי מָלְאוּ מַחֲשַׁכֵּי־אֶרֶץ נְאוֹת חָמָס׃
Habète labérite ki malou maʹhachaké-érèts néote ʹhamase
אַל־יָשֹׁב דַּךְ נִכְלָם עָנִי וְאֶבְיוֹן יְהַלְלוּ שְׁמֶךָ׃
Al-yachov dakh nikhlame ʹani véèvyone yéhallou chémékha
קוּמָה אֱלֹהִים רִיבָה רִיבֶךָ זְכֹר חֶרְפָּתְךָ מִנִּי־נָבָל כָּל־הַיּוֹם׃
Kouma Élo-him riva rivékha zékhor ʹhèrpatkha mini-naval kole-hayome
אַל־תִּשְׁכַּח קוֹל צֹרְרֶיךָ שְׁאוֹן קָמֶיךָ עֹלֶה תָמִיד׃
Al-tichkaʹh kol tsorrékha chéone kamékha ʹolé tamide