מִזְמוֹר לְאָסָף אַךְ טוֹב לְיִשְׂרָאֵל אֱלֹהִים לְבָרֵי לֵבָב׃
Mizmor léasafe akh tov lé-Ysraël Élo-him lévaré lévav
וַאֲנִי כִּמְעַט נטוי [נָטָיוּ] רַגְלָי כְּאַיִן שפכה [שֻׁפְּכוּ] אֲשֻׁרָי׃
Vaani kimʹate natayou ragulaï kéayine choupékhou achouraï
כִּי־קִנֵּאתִי בַּהוֹלְלִים שְׁלוֹם רְשָׁעִים אֶרְאֶה׃
Ki-kinéti bahollime chélome réchaʹime èré
כִּי אֵין חַרְצֻבּוֹת לְמוֹתָם וּבָרִיא אוּלָם׃
Ki ène ʹhartsoubote lémotame ouvari oulame
בַּעֲמַל אֱנוֹשׁ אֵינֵמוֹ וְעִם־אָדָם לֹא יְנֻגָּעוּ׃
Baʹamal énoche énémo véʹime-adame lo yénougaʹou
לָכֵן עֲנָקַתְמוֹ גַאֲוָה יַעֲטָף־שִׁית חָמָס לָמוֹ׃
Lakhène ʹanakatmo gaava yaʹatafe-chite ʹhamase lamo
יָצָא מֵחֵלֶב עֵינֵמוֹ עָבְרוּ מַשְׂכִּיּוֹת לֵבָב׃
Yatsa méʹhélèv ʹénémo ʹavrou maskiote lévav
יָמִיקוּ וִידַבְּרוּ בְרָע עֹשֶׁק מִמָּרוֹם יְדַבֵּרוּ׃
Yamikou vidabérou véraʹ ʹochèk mimarome yédabérou
שַׁתּוּ בַשָּׁמַיִם פִּיהֶם וּלְשׁוֹנָם תִּהֲלַךְ בָּאָרֶץ׃
Chatou vachamayime pihème oulchoname tihalakh baarèts
לָכֵן ישיב [יָשׁוּב] עַמּוֹ הֲלֹם וּמֵי מָלֵא יִמָּצוּ לָמוֹ׃
Lakhène yachouv ʹamo halome oumé malé yimatsou lamo
וְאָמְרוּ אֵיכָה יָדַע־אֵל וְיֵשׁ דֵּעָה בְעֶלְיוֹן׃
Véamrou ékha yada-èle véyèche déʹa véʹèlyone
הִנֵּה־אֵלֶּה רְשָׁעִים וְשַׁלְוֵי עוֹלָם הִשְׂגּוּ־חָיִל׃
Hiné-élé réchaʹime véchalvé ʹolame hisguou-ʹhayil
אַךְ־רִיק זִכִּיתִי לְבָבִי וָאֶרְחַץ בְּנִקָּיוֹן כַּפָּי׃
Akh-rik zikiti lévavi vaèrʹhats bénikayone kapaï
וָאֱהִי נָגוּעַ כָּל־הַיּוֹם וְתוֹכַחְתִּי לַבְּקָרִים׃
Vaéhi naguouaʹ kole-hayome vétokhaʹhti labékarime
אִם־אָמַרְתִּי אֲסַפְּרָה כְמוֹ הִנֵּה דוֹר בָּנֶיךָ בָגָדְתִּי׃
Ime-amarti asapéra khémo hiné dor banékha vagadti
וָאֲחַשְּׁבָה לָדַעַת זֹאת עָמָל היא [הוּא] בְעֵינָי׃
Vaaʹhachva ladaʹate zote ʹamal hou véʹénaï
עַד־אָבוֹא אֶל־מִקְדְּשֵׁי־אֵל אָבִינָה לְאַחֲרִיתָם׃
ʹAd-avo el-mikdéché-èle avina léaʹharitame
אַךְ בַּחֲלָקוֹת תָּשִׁית לָמוֹ הִפַּלְתָּם לְמַשּׁוּאוֹת׃
Akh baʹhalakote tachite lamo hipaltame lémachouote
אֵיךְ הָיוּ לְשַׁמָּה כְרָגַע סָפוּ תַמּוּ מִן־בַּלָּהוֹת׃
Èkh hayou léchama khéragaʹ safou tammou mine-balahote
כַּחֲלוֹם מֵהָקִיץ אֲדֹנָי בָּעִיר צַלְמָם תִּבְזֶה׃
Kaʹhalome méhakits ado-naï baʹir tsalmame tivzé
כִּי יִתְחַמֵּץ לְבָבִי וְכִלְיוֹתַי אֶשְׁתּוֹנָן׃
Ki yitʹhamèts lévavi vékhilyotaï èchtonane
וַאֲנִי־בַעַר וְלֹא אֵדָע בְּהֵמוֹת הָיִיתִי עִמָּךְ׃
Vaani-vaʹar vélo édaʹ béhémote hayiti ʹimakh
וַאֲנִי תָמִיד עִמָּךְ אָחַזְתָּ בְּיַד־יְמִינִי׃
Vaani tamide ʹimakh aʹhazta béyade-yémini
בַּעֲצָתְךָ תַנְחֵנִי וְאַחַר כָּבוֹד תִּקָּחֵנִי׃
Baʹatsatkha tanʹhéni véaʹhar kavode tikaʹhéni
מִי־לִי בַשָּׁמָיִם וְעִמְּךָ לֹא־חָפַצְתִּי בָאָרֶץ׃
Mi-li vachamayime véʹimékha lo-ʹhafatsti vaarèts
כָּלָה שְׁאֵרִי וּלְבָבִי צוּר־לְבָבִי וְחֶלְקִי אֱלֹהִים לְעוֹלָם׃
Kala chééri oulvavi tsour-lévavi véʹhèlki Élo-him léʹolame
כִּי־הִנֵּה רְחֵקֶיךָ יֹאבֵדוּ הִצְמַתָּה כָּל־זוֹנֶה מִמֶּךָּ׃
Ki-hiné réʹhékékha yovédou hitsmata kole-zoné miméka
וַאֲנִי קִרֲבַת אֱלֹהִים לִי־טוֹב שַׁתִּי בַּאדֹנָי יְהֹוִה מַחְסִי לְסַפֵּר כָּל־מַלְאֲכוֹתֶיךָ׃
Vaani kiravate Élo-him li-tov chati badonaï Ado-naï maʹhsi lésapèr kole-malakhotékha