שִׁגָּיוֹן לְדָוִד אֲשֶׁר־שָׁר לַיהוָה עַל־דִּבְרֵי־כוּשׁ בֶּן־יְמִינִי׃
Chigayone lédavide achère-char laïhva ʹal-divré-khouche bène-yémini
יְהוָה אֱלֹהַי בְּךָ חָסִיתִי הוֹשִׁיעֵנִי מִכָּל־רֹדְפַי וְהַצִּילֵנִי׃
Ado-naï Élohé békha ʹhasiti hochiʹéni mikol-rodfaï véhatsiléni
פֶּן־יִטְרֹף כְּאַרְיֵה נַפְשִׁי פֹּרֵק וְאֵין מַצִּיל׃
Pène-yitrofe kéaryé nafchi porèk vééne matsil
יְהוָה אֱלֹהַי אִם־עָשִׂיתִי זֹאת אִם־יֶשׁ־עָוֶל בְּכַפָּי׃
Ado-naï Élohé ime-ʹasiti zote ime-yèche-ʹavèl békhapaï
אִם־גָּמַלְתִּי שׁוֹלְמִי רָע וָאֲחַלְּצָה צוֹרְרִי רֵיקָם׃
Ime-gamalti cholmi raʹ vaaʹhalétsa tsorri rékame
יִרַדֹּף אוֹיֵב נַפְשִׁי וְיַשֵּׂג וְיִרְמֹס לָאָרֶץ חַיָּי וּכְבוֹדִי לֶעָפָר יַשְׁכֵּן סֶלָה׃
Yiradofe oyèv nafchi véyasègu véyirmose laarèts ʹhayaï oukhvodi léʹafar yachkène séla
קוּמָה יְהוָה בְּאַפֶּךָ הִנָּשֵׂא בְּעַבְרוֹת צוֹרְרָי וְעוּרָה אֵלַי מִשְׁפָּט צִוִּיתָ׃
Kouma Ado-naï béapékha hinasé béʹavrote tsorraï véʹoura élaï michpate tsivita
וַעֲדַת לְאֻמִּים תְּסוֹבְבֶךָּ וְעָלֶיהָ לַמָּרוֹם שׁוּבָה׃
Vaʹadate léoumime tésovvéka véʹaléha lamarome chouva
יְהוָה יָדִין עַמִּים שָׁפְטֵנִי יְהוָה כְּצִדְקִי וּכְתֻמִּי עָלָי׃
Ado-naï yadine ʹamime chafténi Ado-naï kétsidki oukhtoumi ʹalaï
יִגְמָר־נָא רַע רְשָׁעִים וּתְכוֹנֵן צַדִּיק וּבֹחֵן לִבּוֹת וּכְלָיוֹת אֱלֹהִים צַדִּיק׃
Yigumar-na raʹ réchaʹime outkhonène tsadik ouvoʹhène libote oukhlayote Élo-him tsadik
מָגִנִּי עַל־אֱלֹהִים מוֹשִׁיעַ יִשְׁרֵי־לֵב׃
Maguini ʹal-Élo-him mochiaʹ yichré-lèv
אֱלֹהִים שׁוֹפֵט צַדִּיק וְאֵל זֹעֵם בְּכָל־יוֹם׃
Élo-him chofète tsadik véèl zoʹème békhol-yome
אִם־לֹא יָשׁוּב חַרְבּוֹ יִלְטוֹשׁ קַשְׁתּוֹ דָרַךְ וַיְכוֹנְנֶהָ׃
Ime-lo yachouv ʹharbo yiltoche kachto darakh vaykhonnéha
וְלוֹ הֵכִין כְּלֵי־מָוֶת חִצָּיו לְדֹלְקִים יִפְעָל׃
Vélo hékhine kélé-mavète ʹhitsav lédolkime yifʹal
הִנֵּה יְחַבֶּל־אָוֶן וְהָרָה עָמָל וְיָלַד שָׁקֶר׃
Hiné yéʹhabèl-avène véhara ʹamal véyalade chakèr
בּוֹר כָּרָה וַיַּחְפְּרֵהוּ וַיִּפֹּל בְּשַׁחַת יִפְעָל׃
Bor kara vayaʹhpéréhou vayipol béchaʹhate yifʹal
יָשׁוּב עֲמָלוֹ בְרֹאשׁוֹ וְעַל קָדְקֳדוֹ חֲמָסוֹ יֵרֵד׃
Yachouv ʹamalo vérocho véʹal kadkodo ʹhamaso yérède
אוֹדֶה יְהוָה כְּצִדְקוֹ וַאֲזַמְּרָה שֵׁם־יְהוָה עֶלְיוֹן׃
Odé Ado-naï kétsidko vaazaméra chème-Ado-naï ʹèlyone