לַמְנַצֵּחַ עַל־שׁוֹשַׁנִּים לְדָוִד׃
Lamnatséaʹh ʹal-chochanime lédavide
הוֹשִׁיעֵנִי אֱלֹהִים כִּי בָאוּ מַיִם עַד־נָפֶשׁ׃
Hochiʹéni Élo-him ki vaou mayime ʹad-nafèche
טָבַעְתִּי בִּיוֵן מְצוּלָה וְאֵין מָעֳמָד בָּאתִי בְמַעֲמַקֵּי־מַיִם וְשִׁבֹּלֶת שְׁטָפָתְנִי׃
Tavaʹti bivène métsoula vééne maʹomade bati vémaʹamaké-mayime véchibolète chétafatni
יָגַעְתִּי בְקָרְאִי נִחַר גְּרוֹנִי כָּלוּ עֵינַי מְיַחֵל לֵאלֹהָי׃
Yagaʹti vékari niʹhar guéroni kalou ʹénaï méyaʹhèl lélohaï
רַבּוּ מִשַּׂעֲרוֹת רֹאשִׁי שֹׂנְאַי חִנָּם עָצְמוּ מַצְמִיתַי אֹיְבַי שֶׁקֶר אֲשֶׁר לֹא־גָזַלְתִּי אָז אָשִׁיב׃
Rabou misaʹarote rochi sonaï ʹhiname ʹatsmou matsmitaï oyvaï chékère achère lo-gazalti az achiv
אֱלֹהִים אַתָּה יָדַעְתָּ לְאִוַּלְתִּי וְאַשְׁמוֹתַי מִמְּךָ לֹא־נִכְחָדוּ׃
Élo-him ata yadaʹta léivalti véachmotaï mimékha lo-nikhʹhadou
אַל־יֵבֹשׁוּ בִי קֹוֶיךָ אֲדֹנָי יְהוִה צְבָאוֹת אַל־יִכָּלְמוּ בִי מְבַקְשֶׁיךָ אֱלֹהֵי יִשְׂרָאֵל׃
Al-yévochou vi kovékha ado-naï Ado-naï tsévaote al-yikalmou vi mévakchékha élohé ysraël
כִּי־עָלֶיךָ נָשָׂאתִי חֶרְפָּה כִּסְּתָה כְלִמָּה פָנָי׃
Ki-ʹalékha nasati ʹhèrpa kiséta khélima fanaï
מוּזָר הָיִיתִי לְאֶחָי וְנָכְרִי לִבְנֵי אִמִּי׃
Mouzar hayiti lééʹhaï vénakhri livné imi
כִּי־קִנְאַת בֵּיתְךָ אֲכָלָתְנִי וְחֶרְפּוֹת חוֹרְפֶיךָ נָפְלוּ עָלָי׃
Ki-kinate bètkha akhalatni véʹhèrpote ʹhorfékha naflou ʹalaï
וָאֶבְכֶּה בַצּוֹם נַפְשִׁי וַתְּהִי לַחֲרָפוֹת לִי׃
Vaèvké vatsome nafchi vatéhi laʹharafote li
וָאֶתְּנָה לְבוּשִׁי שָׂק וָאֱהִי לָהֶם לְמָשָׁל׃
Vaèténa lévouchi sak vaéhi lahème lémachal
יָשִׂיחוּ בִי יֹשְׁבֵי שָׁעַר וּנְגִינוֹת שׁוֹתֵי שֵׁכָר׃
Yasiʹhou vi yochvé chaʹar ounguinote choté chékhar
וַאֲנִי תְפִלָּתִי־לְךָ יְהוָה עֵת רָצוֹן אֱלֹהִים בְּרָב־חַסְדֶּךָ עֲנֵנִי בֶּאֱמֶת יִשְׁעֶךָ׃
Vaani téfilati-lékha Ado-naï ʹète ratsone Élo-him bérav-ʹhasdékha ʹanéni béémète yichʹékha
הַצִּילֵנִי מִטִּיט וְאַל־אֶטְבָּעָה אִנָּצְלָה מִשֹּׂנְאַי וּמִמַּעֲמַקֵּי־מָיִם׃
Hatsiléni mitite véal-ètbaʹa inatsla misonaï oumimaʹamaké-mayime
אַל־תִּשְׁטְפֵנִי שִׁבֹּלֶת מַיִם וְאַל־תִּבְלָעֵנִי מְצוּלָה וְאַל־תֶּאְטַר־עָלַי בְּאֵר פִּיהָ׃
Al-tichtéféni chibolète mayime véal-tivlaʹéni métsoula véal-tètar-ʹalaï béèr piha
עֲנֵנִי יְהוָה כִּי־טוֹב חַסְדֶּךָ כְּרֹב רַחֲמֶיךָ פְּנֵה אֵלָי׃
ʹAnéni Ado-naï ki-tov ʹhasdékha kérov raʹhamékha péné élaï
וְאַל־תַּסְתֵּר פָּנֶיךָ מֵעַבְדֶּךָ כִּי־צַר־לִי מַהֵר עֲנֵנִי׃
Véal-tastèr panékha méʹavdékha ki-tsar-li mahére ʹanéni
קָרְבָה אֶל־נַפְשִׁי גְאָלָהּ לְמַעַן אֹיְבַי פְּדֵנִי׃
Karva el-nafchi guéala lémaʹane oyvaï pédéni
אַתָּה יָדַעְתָּ חֶרְפָּתִי וּבָשְׁתִּי וּכְלִמָּתִי נֶגְדְּךָ כָּל־צוֹרְרָי׃
Ata yadaʹta ʹhèrpati ouvachti oukhlimati nègudékha kole-tsorraï
חֶרְפָּה שָׁבְרָה לִבִּי וָאָנוּשָׁה וָאֲקַוֶּה לָנוּד וָאַיִן וְלַמְנַחֲמִים וְלֹא מָצָאתִי׃
ʹHèrpa chavra libi vaanoucha vaakavé lanoude vaayine vélamnaʹhamime vélo matsati
וַיִּתְּנוּ בְּבָרוּתִי רֹאשׁ וְלִצְמָאִי יַשְׁקוּנִי חֹמֶץ׃
Vayiténou bévarouti roche vélitsmai yachkouni ʹhomèts
יְהִי־שֻׁלְחָנָם לִפְנֵיהֶם לְפָח וְלִשְׁלוֹמִים לְמוֹקֵשׁ׃
Yéhi-choulʹhaname lifnéhème léfaʹh vélichlomime lémokèche
תֶּחְשַׁכְנָה עֵינֵיהֶם מֵרְאוֹת וּמָתְנֵיהֶם תָּמִיד הַמְעַד׃
Tèʹhchakhna ʹénéhème mèrote oumatnéhème tamide hamʹade
שְׁפָךְ־עֲלֵיהֶם זַעְמֶךָ וַחֲרוֹן אַפְּךָ יַשִּׂיגֵם׃
Chéfakh-ʹaléhème zaʹmékha vaʹharone apékha yasiguème
תְּהִי־טִירָתָם נְשַׁמָּה בְּאָהֳלֵיהֶם אַל־יְהִי יֹשֵׁב׃
Téhi-tiratame néchama béaholéhème al-yéhi yochèv
כִּי־אַתָּה אֲשֶׁר־הִכִּיתָ רָדָפוּ וְאֶל־מַכְאוֹב חֲלָלֶיךָ יְסַפֵּרוּ׃
Ki-ata achère-hikita radafou véèl-makhov ʹhalalékha yésapérou
תְּנָה־עָוֺן עַל־עֲוֺנָם וְאַל־יָבֹאוּ בְּצִדְקָתֶךָ׃
Téna-ʹavone ʹal-ʹaoname véal-yavoou bétsidkatékha
יִמָּחוּ מִסֵּפֶר חַיִּים וְעִם צַדִּיקִים אַל־יִכָּתֵבוּ׃
Yimaʹhou miséfèr ʹhaïm véʹime tsaddikime al-yikatévou
וַאֲנִי עָנִי וְכוֹאֵב יְשׁוּעָתְךָ אֱלֹהִים תְּשַׂגְּבֵנִי׃
Vaani ʹani vékhoèv yéchouʹatkha Élo-him tésaguévéni
אֲהַלְלָה שֵׁם־אֱלֹהִים בְּשִׁיר וַאֲגַדְּלֶנּוּ בְתוֹדָה׃
Ahalla chème-Élo-him béchir vaagadélénou vétoda
וְתִיטַב לַיהוָה מִשּׁוֹר פָּר מַקְרִן מַפְרִיס׃
Vétitav laïhva michor par makrine mafrise
רָאוּ עֲנָוִים יִשְׂמָחוּ דֹּרְשֵׁי אֱלֹהִים וִיחִי לְבַבְכֶם׃
Raou ʹanavime yismaʹhou dorché Élo-him viʹhi lévavkhème
כִּי־שֹׁמֵעַ אֶל־אֶבְיוֹנִים יְהוָה וְאֶת־אֲסִירָיו לֹא בָזָה׃
Ki-choméaʹ el-èvyonime Ado-naï véète-asirav lo vaza
יְהַלְלוּהוּ שָׁמַיִם וָאָרֶץ יַמִּים וְכָל־רֹמֵשׂ בָּם׃
Yéhallouhou chamaïm va-aréts yamime vékhol-romèse bame
כִּי אֱלֹהִים יוֹשִׁיעַ צִיּוֹן וְיִבְנֶה עָרֵי יְהוּדָה וְיָשְׁבוּ שָׁם וִירֵשׁוּהָ׃
Ki Élo-him yochiaʹ tsione véyivné ʹaré yéhouda véyachvou chame viréchouha
וְזֶרַע עֲבָדָיו יִנְחָלוּהָ וְאֹהֲבֵי שְׁמוֹ יִשְׁכְּנוּ־בָהּ׃
Vézéraʹ ʹavadav yinʹhalouha véohavé chémo yichkénou-va