לַמְנַצֵּחַ לְדָוִד מִזְמוֹר שִׁיר׃
Lamnatséaʹh lédavide mizmor chir
יָקוּם אֱלֹהִים יָפוּצוּ אוֹיְבָיו וְיָנוּסוּ מְשַׂנְאָיו מִפָּנָיו׃
Yakoume Élo-him yafoutsou oyvav véyanousou mésanav mipanav
כְּהִנְדֹּף עָשָׁן תִּנְדֹּף כְּהִמֵּס דּוֹנַג מִפְּנֵי־אֵשׁ יֹאבְדוּ רְשָׁעִים מִפְּנֵי אֱלֹהִים׃
Kéhindofe ʹachane tindofe kéhimèse donagu mipéné-èche yovdou réchaʹime mipéné Élo-him
וְצַדִּיקִים יִשְׂמְחוּ יַעַלְצוּ לִפְנֵי אֱלֹהִים וְיָשִׂישׂוּ בְשִׂמְחָה׃
Vétsadikime yisméʹhou yaʹaltsou lif-né Élo-him véyasisou vésimʹha
שִׁירוּ לֵאלֹהִים זַמְּרוּ שְׁמוֹ סֹלּוּ לָרֹכֵב בָּעֲרָבוֹת בְּיָהּ שְׁמוֹ וְעִלְזוּ לְפָנָיו׃
Chirou lélohime zamérou chémo solou larokhèv baʹaravote béya chémo véʹilzou léfanav
אֲבִי יְתוֹמִים וְדַיַּן אַלְמָנוֹת אֱלֹהִים בִּמְעוֹן קָדְשׁוֹ׃
Avi yétomime védayane almanote Élo-him bimʹone kadcho
אֱלֹהִים מוֹשִׁיב יְחִידִים בַּיְתָה מוֹצִיא אֲסִירִים בַּכּוֹשָׁרוֹת אַךְ סוֹרֲרִים שָׁכְנוּ צְחִיחָה׃
Élo-him mochiv yéʹhidime bayta motsi asirime bakocharote akh sorarime chakhnou tséʹhiʹha
אֱלֹהִים בְּצֵאתְךָ לִפְנֵי עַמֶּךָ בְּצַעְדְּךָ בִישִׁימוֹן סֶלָה׃
Élo-him bétsétkha lif-né ʹamékha bétsaʹdékha vichimone séla
אֶרֶץ רָעָשָׁה אַף־שָׁמַיִם נָטְפוּ מִפְּנֵי אֱלֹהִים זֶה סִינַי מִפְּנֵי אֱלֹהִים אֱלֹהֵי יִשְׂרָאֵל׃
Érèts raʹacha afe-chamaïm natfou mipéné Élo-him zé sinaï mipéné Élo-him élohé ysraël
גֶּשֶׁם נְדָבוֹת תָּנִיף אֱלֹהִים נַחֲלָתְךָ וְנִלְאָה אַתָּה כוֹנַנְתָּהּ׃
Guéchème nédavote tanife Élo-him naʹhalatkha vénila ata khonanta
חַיָּתְךָ יָשְׁבוּ־בָהּ תָּכִין בְּטוֹבָתְךָ לֶעָנִי אֱלֹהִים׃
ʹHayatkha yachvou-va takhine bétovatkha léʹani Élo-him
אֲדֹנָי יִתֶּן־אֹמֶר הַמְבַשְּׂרוֹת צָבָא רָב׃
Ado-naï yitène-omèr hamvasérote tsava rav
מַלְכֵי צְבָאוֹת יִדֹּדוּן יִדֹּדוּן וּנְוַת בַּיִת תְּחַלֵּק שָׁלָל׃
Malekhé tsévaote yidodoune yidodoune ounvate bayite téʹhalèk chalal
אִם־תִּשְׁכְּבוּן בֵּין שְׁפַתָּיִם כַּנְפֵי יוֹנָה נֶחְפָּה בַכֶּסֶף וְאֶבְרוֹתֶיהָ בִּירַקְרַק חָרוּץ׃
Ime-tichkévoune bène chéfatayime kanfé yona nèʹhpa vakésèfe véèvrotéha birakrak ʹharouts
בְּפָרֵשׂ שַׁדַּי מְלָכִים בָּהּ תַּשְׁלֵג בְּצַלְמוֹן׃
Béfarèse chaddaï mélakhime ba-h tachlègu bétsalmone
הַר־אֱלֹהִים הַר־בָּשָׁן הַר גַּבְנֻנִּים הַר־בָּשָׁן׃
Har-Élo-him har-bachane har gavnounime har-bachane
לָמָּה תְּרַצְּדוּן הָרִים גַּבְנֻנִּים הָהָר חָמַד אֱלֹהִים לְשִׁבְתּוֹ אַף־יְהוָה יִשְׁכֹּן לָנֶצַח׃
Lama tératsdoune harime gavnounime hahar ʹhamade Élo-him léchivto afe-Ado-naï yichkone lanétsaʹh
רֶכֶב אֱלֹהִים רִבֹּתַיִם אַלְפֵי שִׁנְאָן אֲדֹנָי בָם סִינַי בַּקֹּדֶשׁ׃
Rékhèv Élo-him ribotayime alfé chinane ado-naï vame sinaï bakodèche
עָלִיתָ לַמָּרוֹם שָׁבִיתָ שֶּׁבִי לָקַחְתָּ מַתָּנוֹת בָּאָדָם וְאַף סוֹרְרִים לִשְׁכֹּן יָהּ אֱלֹהִים׃
ʹAlita lamarome chavita chévi lakaʹhta matanote baadame véafe sorrime lichkone yah Élo-him
בָּרוּךְ אֲדֹנָי יוֹם יוֹם יַעֲמָס־לָנוּ הָאֵל יְשׁוּעָתֵנוּ סֶלָה׃
Baroukh ado-naï yome yome yaʹamase-lanou haèle yéchouʹaténou séla
הָאֵל לָנוּ אֵל לְמוֹשָׁעוֹת וְלֵיהוִה אֲדֹנָי לַמָּוֶת תּוֹצָאוֹת׃
Haèle lanou èle lémochaʹote vélèhvi ado-naï lamavète totsaote
אַךְ־אֱלֹהִים יִמְחַץ רֹאשׁ אֹיְבָיו קָדְקֹד שֵׂעָר מִתְהַלֵּךְ בַּאֲשָׁמָיו׃
Akh-Élo-him yimʹhats roche oyvav kadkode séʹar mithalèkh baachamav
אָמַר אֲדֹנָי מִבָּשָׁן אָשִׁיב אָשִׁיב מִמְּצֻלוֹת יָם׃
Amar ado-naï mibachane achiv achiv mimétsoulote yame
לְמַעַן תִּמְחַץ רַגְלְךָ בְּדָם לְשׁוֹן כְּלָבֶיךָ מֵאֹיְבִים מִנֵּהוּ׃
Lémaʹane timʹhats ragulékha bédame léchone kélavékha méoyvime minéhou
רָאוּ הֲלִיכוֹתֶיךָ אֱלֹהִים הֲלִיכוֹת אֵלִי מַלְכִּי בַקֹּדֶשׁ׃
Raou halikhotékha Élo-him halikhote éli malki vakodèche
קִדְּמוּ שָׁרִים אַחַר נֹגְנִים בְּתוֹךְ עֲלָמוֹת תּוֹפֵפוֹת׃
Kidémou charime aʹhar nogunime bétokh ʹalamote toféfote
בְּמַקְהֵלוֹת בָּרְכוּ אֱלֹהִים יְהוָה מִמְּקוֹר יִשְׂרָאֵל׃
Bémakhélote barkhou Élo-him Ado-naï mimékor ysraël
שָׁם בִּנְיָמִן צָעִיר רֹדֵם שָׂרֵי יְהוּדָה רִגְמָתָם שָׂרֵי זְבֻלוּן שָׂרֵי נַפְתָּלִי׃
Chame binyamine tsaʹir rodème saré yéhouda rigumatame saré zévouloune saré naftali
צִוָּה אֱלֹהֶיךָ עֻזֶּךָ עוּזָּה אֱלֹהִים זוּ פָּעַלְתָּ לָּנוּ׃
Tsiva élohékha ʹouzékha ʹouza Élo-him zou paʹalta lanou
מֵהֵיכָלֶךָ עַל־יְרוּשָׁלִָם לְךָ יוֹבִילוּ מְלָכִים שָׁי׃
Méhékhalékha ʹal-yérouchalame lékha yovilou mélakhime chaï
גְּעַר חַיַּת קָנֶה עֲדַת אַבִּירִים בְּעֶגְלֵי עַמִּים מִתְרַפֵּס בְּרַצֵּי־כָסֶף בִּזַּר עַמִּים קְרָבוֹת יֶחְפָּצוּ׃
Guéʹar ʹhayate kané ʹadate abirime béʹègulé ʹamime mitrapèse bératsé-khasèfe bizar ʹamime kéravote yèʹhpatsou
יֶאֱתָיוּ חַשְׁמַנִּים מִנִּי מִצְרָיִם כּוּשׁ תָּרִיץ יָדָיו לֵאלֹהִים׃
Yéétayou ʹhachmanime mini mitsrayime kouche tarits yadav lélohime
מַמְלְכוֹת הָאָרֶץ שִׁירוּ לֵאלֹהִים זַמְּרוּ אֲדֹנָי סֶלָה׃
Mamlékhote haaréts chirou lélohime zamérou ado-naï séla
לָרֹכֵב בִּשְׁמֵי שְׁמֵי־קֶדֶם הֵן יִתֵּן בְּקוֹלוֹ קוֹל עֹז׃
Larokhèv bichmé chémé-kédème hène yitène békolo kol ʹoz
תְּנוּ עֹז לֵאלֹהִים עַל־יִשְׂרָאֵל גַּאֲוָתוֹ וְעֻזּוֹ בַּשְּׁחָקִים׃
Ténou ʹoz lélohime ʹal-ysraël gaavato véʹouzo bachʹhakime
נוֹרָא אֱלֹהִים מִמִּקְדָּשֶׁיךָ אֵל יִשְׂרָאֵל הוּא נֹתֵן עֹז וְתַעֲצֻמוֹת לָעָם בָּרוּךְ אֱלֹהִים׃
Nora Élo-him mimikdachékha èle ysraël hou notène ʹoz vétaʹatsoumote laʹame baroukh Élo-him