לַמְנַצֵּחַ בִּנְגִינוֹת עַל־הַשְּׁמִינִית מִזְמוֹר לְדָוִד׃
Lamnatséaʹh binguinote ʹal-hachminite mizmor lédavide
יְהוָה אַל־בְּאַפְּךָ תוֹכִיחֵנִי וְאַל־בַּחֲמָתְךָ תְיַסְּרֵנִי׃
Ado-naï al-béapékha tokhiʹhéni véal-baʹhamatkha téyaséréni
חָנֵּנִי יְהוָה כִּי אֻמְלַל אָנִי רְפָאֵנִי יְהוָה כִּי נִבְהֲלוּ עֲצָמָי׃
ʹHanéni Ado-naï ki oumlal ani réfaéni Ado-naï ki nivhalou ʹatsamaï
וְנַפְשִׁי נִבְהֲלָה מְאֹד ואת [וְאַתָּה] יְהוָה עַד־מָתָי׃
Vénafchi nivhala méode véata Ado-naï ʹad-mataï
שׁוּבָה יְהוָה חַלְּצָה נַפְשִׁי הוֹשִׁיעֵנִי לְמַעַן חַסְדֶּךָ׃
Chouva Ado-naï ʹhalétsa nafchi hochiʹéni lémaʹane ʹhasdékha
כִּי אֵין בַּמָּוֶת זִכְרֶךָ בִּשְׁאוֹל מִי יוֹדֶה־לָּךְ׃
Ki ène bamavète zikhrékha bichol mi yodé-lakh
יָגַעְתִּי בְּאַנְחָתִי אַשְׂחֶה בְכָל־לַיְלָה מִטָּתִי בְּדִמְעָתִי עַרְשִׂי אַמְסֶה׃
Yagaʹti béanʹhati asʹhé békhol-layla mitati bédimʹati ʹarsi amsé
עָשְׁשָׁה מִכַּעַס עֵינִי עָתְקָה בְּכָל־צוֹרְרָי׃
ʹAchcha mikaʹase ʹéni ʹatka békhol-tsorraï
סוּרוּ מִמֶּנִּי כָּל־פֹּעֲלֵי אָוֶן כִּי־שָׁמַע יְהוָה קוֹל בִּכְיִי׃
Sourou miméni kole-poʹalé avène ki-chamaʹ Ado-naï kol bikhyi
שָׁמַע יְהוָה תְּחִנָּתִי יְהוָה תְּפִלָּתִי יִקָּח׃
Chamaʹ Ado-naï téʹhinati Ado-naï téfilati yikaʹh
יֵבֹשׁוּ וְיִבָּהֲלוּ מְאֹד כָּל־אֹיְבָי יָשֻׁבוּ יֵבֹשׁוּ רָגַע׃
Yévochou véyibahalou méode kole-oyvaï yachouvou yévochou ragaʹ