לַמְנַצֵּחַ אַל־תַּשְׁחֵת לְדָוִד מִכְתָּם בְּבָרְחוֹ מִפְּנֵי־שָׁאוּל בַּמְּעָרָה׃
Lamnatséaʹh al-tachʹhète lédavide mikhtame bévarʹho mipéné-chaoul baméʹara
חָנֵּנִי אֱלֹהִים חָנֵּנִי כִּי בְךָ חָסָיָה נַפְשִׁי וּבְצֵל־כְּנָפֶיךָ אֶחְסֶה עַד יַעֲבֹר הַוּוֹת׃
ʹHanéni Élo-him ʹhanéni ki vékha ʹhasaya nafchi ouv-tséle-kénafékha èʹhsé ʹad yaʹavor haouote
אֶקְרָא לֵאלֹהִים עֶלְיוֹן לָאֵל גֹּמֵר עָלָי׃
Èkra lélohime ʹèlyone laèl gomèr ʹalaï
יִשְׁלַח מִשָּׁמַיִם וְיוֹשִׁיעֵנִי חֵרֵף שֹׁאֲפִי סֶלָה יִשְׁלַח אֱלֹהִים חַסְדּוֹ וַאֲמִתּוֹ׃
Yichlaʹh michamayime véochiʹéni ʹhérèfe choafi séla yichlaʹh Élo-him ʹhasdo vaamito
נַפְשִׁי בְּתוֹךְ לְבָאִם אֶשְׁכְּבָה לֹהֲטִים בְּנֵי־אָדָם שִׁנֵּיהֶם חֲנִית וְחִצִּים וּלְשׁוֹנָם חֶרֶב חַדָּה׃
Nafchi bétokh lévaime èchkéva lohatime béné-adame chinéhème ʹhanite véʹhitsime oulchoname ʹhéréve ʹhada
רוּמָה עַל־הַשָּׁמַיִם אֱלֹהִים עַל כָּל־הָאָרֶץ כְּבוֹדֶךָ׃
Rouma ʹal-hachamayime Élo-him ʹal kole-haaréts kévodékha
רֶשֶׁת הֵכִינוּ לִפְעָמַי כָּפַף נַפְשִׁי כָּרוּ לְפָנַי שִׁיחָה נָפְלוּ בְתוֹכָהּ סֶלָה׃
Réchète hékhinou lifʹamaï kafafe nafchi karou léfanaï chiʹha naflou vétokha séla
נָכוֹן לִבִּי אֱלֹהִים נָכוֹן לִבִּי אָשִׁירָה וַאֲזַמֵּרָה׃
Nakhone libi Élo-him nakhone libi achira vaazaméra
עוּרָה כְבוֹדִי עוּרָה הַנֵּבֶל וְכִנּוֹר אָעִירָה שָּׁחַר׃
ʹOura khévodi ʹoura hanévèl vékhinor aʹira chaʹhar
אוֹדְךָ בָעַמִּים אֲדֹנָי אֲזַמֶּרְךָ בַּל־אֻמִּים׃
Odkha vaʹamime ado-naï azamèrkha bal-oumime
כִּי־גָדֹל עַד־שָׁמַיִם חַסְדֶּךָ וְעַד־שְׁחָקִים אֲמִתֶּךָ׃
Ki-gadol ʹad-chamaïm ʹhasdékha véʹade-chéʹhakime amitékha
רוּמָה עַל־שָׁמַיִם אֱלֹהִים עַל כָּל־הָאָרֶץ כְּבוֹדֶךָ׃
Rouma ʹal-chamaïm Élo-him ʹal kole-haaréts kévodékha