לַמְנַצֵּחַ עַל־יוֹנַת אֵלֶם רְחֹקִים לְדָוִד מִכְתָּם בֶּאֱחֹז אֹתוֹ פְלִשְׁתִּים בְּגַת׃
Lamnatséaʹh ʹal-yonate élème réʹhokime lédavide mikhtame bééʹhoz oto félichtime bégate
חָנֵּנִי אֱלֹהִים כִּי־שְׁאָפַנִי אֱנוֹשׁ כָּל־הַיּוֹם לֹחֵם יִלְחָצֵנִי׃
ʹHanéni Élo-him ki-chéafani énoche kole-hayome loʹhème yilʹhatséni
שָׁאֲפוּ שׁוֹרְרַי כָּל־הַיּוֹם כִּי־רַבִּים לֹחֲמִים לִי מָרוֹם׃
Chaafou chorraï kole-hayome ki-rabime loʹhamime li marome
יוֹם אִירָא אֲנִי אֵלֶיךָ אֶבְטָח׃
Yome ira ani élékha èvtaʹh
בֵּאלֹהִים אֲהַלֵּל דְּבָרוֹ בֵּאלֹהִים בָּטַחְתִּי לֹא אִירָא מַה־יַּעֲשֶׂה בָשָׂר לִי׃
Bélohime ahalèl dévaro bélohime bataʹhti lo ira ma-yaʹasé vassar li
כָּל־הַיּוֹם דְּבָרַי יְעַצֵּבוּ עָלַי כָּל־מַחְשְׁבֹתָם לָרָע׃
Kole-hayome dévaraï yéʹatsévou ʹalaï kole-maʹhchévotame laraʹ
יָגוּרוּ יצפינו [יִצְפּוֹנוּ] הֵמָּה עֲקֵבַי יִשְׁמֹרוּ כַּאֲשֶׁר קִוּוּ נַפְשִׁי׃
Yaguourou yitsponou héma ʹakévaï yichmorou kaachère kiouou nafchi
עַל־אָוֶן פַּלֶּט־לָמוֹ בְּאַף עַמִּים הוֹרֵד אֱלֹהִים׃
ʹAl-avène palète-lamo béafe ʹamime horède Élo-him
נֹדִי סָפַרְתָּה אָתָּה שִׂימָה דִמְעָתִי בְנֹאדֶךָ הֲלֹא בְּסִפְרָתֶךָ׃
Nodi safarta ata sima dimʹati vénodékha halo bésifratékha
אָז יָשׁוּבוּ אוֹיְבַי אָחוֹר בְּיוֹם אֶקְרָא זֶה־יָדַעְתִּי כִּי־אֱלֹהִים לִי׃
Az yachouvou oyvaï aʹhor béome èkra zé-yadaʹti ki-Élo-him li
בֵּאלֹהִים אֲהַלֵּל דָּבָר בַּיהוָה אֲהַלֵּל דָּבָר׃
Bélohime ahalèl davar baïhva ahalèl davar
בֵּאלֹהִים בָּטַחְתִּי לֹא אִירָא מַה־יַּעֲשֶׂה אָדָם לִי׃
Bélohime bataʹhti lo ira ma-yaʹasé adame li
עָלַי אֱלֹהִים נְדָרֶיךָ אֲשַׁלֵּם תּוֹדֹת לָךְ׃
ʹAlaï Élo-him nédarékha achalème todote lakh
כִּי הִצַּלְתָּ נַפְשִׁי מִמָּוֶת הֲלֹא רַגְלַי מִדֶּחִי לְהִתְהַלֵּךְ לִפְנֵי אֱלֹהִים בְּאוֹר הַחַיִּים׃
Ki hitsalta nafchi mimavète halo ragulaï midéʹhi léhithalèkh lif-né Élo-him béor haʹhaïm