לַמְנַצֵּחַ מִזְמוֹר לְדָוִד׃
Lamnatséaʹh mizmor lédavide
בְּבוֹא־אֵלָיו נָתָן הַנָּבִיא כַּאֲשֶׁר־בָּא אֶל־בַּת־שָׁבַע׃
Bévo-élav natane hanavi kaachère-ba el-bate-chavaʹ
חָנֵּנִי אֱלֹהִים כְּחַסְדֶּךָ כְּרֹב רַחֲמֶיךָ מְחֵה פְשָׁעָי׃
ʹHanéni Élo-him kéʹhasdékha kérov raʹhamékha méʹhé féchaʹaï
הרבה [הֶרֶב] כַּבְּסֵנִי מֵעֲוֺנִי וּמֵחַטָּאתִי טַהֲרֵנִי׃
Hérèv kabéséni méʹaoni ouméʹhatati taharéni
כִּי־פְשָׁעַי אֲנִי אֵדָע וְחַטָּאתִי נֶגְדִּי תָמִיד׃
Ki-féchaʹaï ani édaʹ véʹhatati nègudi tamide
לְךָ לְבַדְּךָ חָטָאתִי וְהָרַע בְּעֵינֶיךָ עָשִׂיתִי לְמַעַן תִּצְדַּק בְּדָבְרֶךָ תִּזְכֶּה בְשָׁפְטֶךָ׃
Lékha lévadékha ʹhatati véharaʹ béʹénékha ʹasiti lémaʹane titsdak bédavrékha tizké véchaftékha
הֵן־בְּעָווֹן חוֹלָלְתִּי וּבְחֵטְא יֶחֱמַתְנִי אִמִּי׃
Hène-béʹavone ʹholalti ouvʹhète yéʹhématni imi
הֵן־אֱמֶת חָפַצְתָּ בַטֻּחוֹת וּבְסָתֻם חָכְמָה תוֹדִיעֵנִי׃
Hène-éméte ʹhafatsta vatouʹhote ouvsatoume ʹhokhma todiʹéni
תְּחַטְּאֵנִי בְאֵזוֹב וְאֶטְהָר תְּכַבְּסֵנִי וּמִשֶּׁלֶג אַלְבִּין׃
Téʹhatééni véézov véèthar tékhabéséni oumichélègu albine
תַּשְׁמִיעֵנִי שָׂשׂוֹן וְשִׂמְחָה תָּגֵלְנָה עֲצָמוֹת דִּכִּיתָ׃
Tachmiʹéni sasone vésimʹha taguèlna ʹatsamote dikita
הַסְתֵּר פָּנֶיךָ מֵחֲטָאָי וְכָל־עֲוֺנֹתַי מְחֵה׃
Hastèr panékha méʹhataaï vékhol-ʹaonotaï méʹhé
לֵב טָהוֹר בְּרָא־לִי אֱלֹהִים וְרוּחַ נָכוֹן חַדֵּשׁ בְּקִרְבִּי׃
Lèv tahor béra-li Élo-him vérouaʹh nakhone ʹhadèche békirbi
אַל־תַּשְׁלִיכֵנִי מִלְּפָנֶיךָ וְרוּחַ קָדְשְׁךָ אַל־תִּקַּח מִמֶּנִּי׃
Al-tachlikhéni miléfanékha vérouaʹh kadchékha al-tikaʹh miméni
הָשִׁיבָה לִּי שְׂשׂוֹן יִשְׁעֶךָ וְרוּחַ נְדִיבָה תִסְמְכֵנִי׃
Hachiva li sésone yichʹékha vérouaʹh nédiva tismékhéni
אֲלַמְּדָה פֹשְׁעִים דְּרָכֶיךָ וְחַטָּאִים אֵלֶיךָ יָשׁוּבוּ׃
Alaméda fochʹime dérakhékha véʹhataime élékha yachouvou
הַצִּילֵנִי מִדָּמִים אֱלֹהִים אֱלֹהֵי תְּשׁוּעָתִי תְּרַנֵּן לְשׁוֹנִי צִדְקָתֶךָ׃
Hatsiléni midamime Élo-him élohé téchouʹati téranène léchoni tsidkatékha
אֲדֹנָי שְׂפָתַי תִּפְתָּח וּפִי יַגִּיד תְּהִלָּתֶךָ׃
Ado-naï séfataï tif-taʹh oufi yaguide téhilatékha
כִּי לֹא־תַחְפֹּץ זֶבַח וְאֶתֵּנָה עוֹלָה לֹא תִרְצֶה׃
Ki lo-taʹhpots zévaʹh vééténa ʹola lo tirtsé
זִבְחֵי אֱלֹהִים רוּחַ נִשְׁבָּרָה לֵב־נִשְׁבָּר וְנִדְכֶּה אֱלֹהִים לֹא תִבְזֶה׃
Zivʹhé Élo-him rouaʹh nichbara lèv-nichbar vénidké Élo-him lo tivzé
הֵיטִיבָה בִרְצוֹנְךָ אֶת־צִיּוֹן תִּבְנֶה חוֹמוֹת יְרוּשָׁלִָם׃
Hétiva virtsonkha ète-tsione tivné ʹhomote yérouchalame
אָז תַּחְפֹּץ זִבְחֵי־צֶדֶק עוֹלָה וְכָלִיל אָז יַעֲלוּ עַל־מִזְבַּחֲךָ פָרִים׃
Az taʹhpotse zivʹhé-tsédèk ʹola vékhalil az yaʹalou ʹal-mizbaʹhakha farime