מִזְמוֹר לְאָסָף אֵל אֱלֹהִים יְהוָה דִּבֶּר וַיִּקְרָא־אָרֶץ מִמִּזְרַח־שֶׁמֶשׁ עַד־מְבֹאוֹ׃
Mizmor léasafe èle Élo-him Ado-naï dibèr vayikra-aréts mimizraʹh-chémèche ʹad-mévoo
מִצִּיּוֹן מִכְלַל־יֹפִי אֱלֹהִים הוֹפִיעַ׃
Mitsione mikhlal-yofi Élo-him hofiaʹ
יָבֹא אֱלֹהֵינוּ וְאַל־יֶחֱרַשׁ אֵשׁ־לְפָנָיו תֹּאכֵל וּסְבִיבָיו נִשְׂעֲרָה מְאֹד׃
Yavo élo-hénou véal-yéʹhérache èche-léfanav tokhèl ousvivav nisʹara méode
יִקְרָא אֶל־הַשָּׁמַיִם מֵעָל וְאֶל־הָאָרֶץ לָדִין עַמּוֹ׃
Yikra el-hachamayime méʹal véèl-haaréts ladine ʹamo
אִסְפוּ־לִי חֲסִידָי כֹּרְתֵי בְרִיתִי עֲלֵי־זָבַח׃
Isfou-li ʹhasidaï korté vériti ʹalé-zavaʹh
וַיַּגִּידוּ שָׁמַיִם צִדְקוֹ כִּי־אֱלֹהִים שֹׁפֵט הוּא סֶלָה׃
Vayaguidou chamaïm tsidko ki-Élo-him chofète hou séla
שִׁמְעָה עַמִּי וַאֲדַבֵּרָה יִשְׂרָאֵל וְאָעִידָה בָּךְ אֱלֹהִים אֱלֹהֶיךָ אָנֹכִי׃
Chimʹa ʹami vaadabéra ysraël véaʹida bakh Élo-him élohékha anokhi
לֹא עַל־זְבָחֶיךָ אוֹכִיחֶךָ וְעוֹלֹתֶיךָ לְנֶגְדִּי תָמִיד׃
Lo ʹal-zévaʹhékha okhiʹhékha véʹolotékha lénègudi tamide
לֹא־אֶקַּח מִבֵּיתְךָ פָר מִמִּכְלְאֹתֶיךָ עַתּוּדִים׃
Lo-ékaʹh mibètkha far mimikhléotékha ʹatoudime
כִּי־לִי כָל־חַיְתוֹ־יָעַר בְּהֵמוֹת בְּהַרְרֵי־אָלֶף׃
Ki-li khole-ʹhayto-yaʹar béhémote béharré-alèfe
יָדַעְתִּי כָּל־עוֹף הָרִים וְזִיז שָׂדַי עִמָּדִי׃
Yadaʹti kole-ʹofe harime véziz sadaï ʹimadi
אִם־אֶרְעַב לֹא־אֹמַר לָךְ כִּי־לִי תֵבֵל וּמְלֹאָהּ׃
Ime-èrʹav lo-omar lakh ki-li tévèle oumloa
הַאוֹכַל בְּשַׂר אַבִּירִים וְדַם עַתּוּדִים אֶשְׁתֶּה׃
Haokhal bésar abirime védame ʹatoudime èchté
זְבַח לֵאלֹהִים תּוֹדָה וְשַׁלֵּם לְעֶלְיוֹן נְדָרֶיךָ׃
Zévaʹh lélohime toda véchalème léʹèlyone nédarékha
וּקְרָאֵנִי בְּיוֹם צָרָה אֲחַלֶּצְךָ וּתְכַבְּדֵנִי׃
Oukraéni béome tsara aʹhalètskha outkhabédéni
וְלָרָשָׁע אָמַר אֱלֹהִים מַה־לְּךָ לְסַפֵּר חֻקָּי וַתִּשָּׂא בְרִיתִי עֲלֵי־פִיךָ׃
Vélarachaʹ amar Élo-him ma-lékha lésapèr ʹhoukaï vatisa vériti ʹalé-fikha
וְאַתָּה שָׂנֵאתָ מוּסָר וַתַּשְׁלֵךְ דְּבָרַי אַחֲרֶיךָ׃
Véata sanéta mousar vatachlèkh dévaraï aʹharékha
אִם־רָאִיתָ גַנָּב וַתִּרֶץ עִמּוֹ וְעִם מְנָאֲפִים חֶלְקֶךָ׃
Ime-raita ganav vatirèts ʹimo véʹime ménaafime ʹhèlkékha
פִּיךָ שָׁלַחְתָּ בְרָעָה וּלְשׁוֹנְךָ תַּצְמִיד מִרְמָה׃
Pikha chalaʹhta véraʹa oulchonkha tatsmide mirma
תֵּשֵׁב בְּאָחִיךָ תְדַבֵּר בְּבֶן־אִמְּךָ תִּתֶּן־דֹּפִי׃
Téchèv béaʹhikha tédabèr bévène-imékha titène-dofi
אֵלֶּה עָשִׂיתָ וְהֶחֱרַשְׁתִּי דִּמִּיתָ הֱיוֹת־אֶהְיֶה כָמוֹךָ אוֹכִיחֲךָ וְאֶעֶרְכָה לְעֵינֶיךָ׃
Élé ʹassita véhéʹhérachti dimita héote-èhyé khamokha okhiʹhakha vééʹèrkha léʹénékha
בִּינוּ־נָא זֹאת שֹׁכְחֵי אֱלוֹהַּ פֶּן־אֶטְרֹף וְאֵין מַצִּיל׃
Binou-na zote chokhʹhé éloah pène-ètrofe vééne matsil
זֹבֵחַ תּוֹדָה יְכַבְּדָנְנִי וְשָׂם דֶּרֶךְ אַרְאֶנּוּ בְּיֵשַׁע אֱלֹהִים׃
Zovéaʹh toda yékhabédanni vésame dérèkh arénou béyéchaʹ Élo-him