לַמְנַצֵּחַ לִבְנֵי־קֹרַח מִזְמוֹר׃
Lamnatséaʹh livné-koraʹh mizmor
שִׁמְעוּ־זֹאת כָּל־הָעַמִּים הַאֲזִינוּ כָּל־יֹשְׁבֵי חָלֶד׃
Chimʹou-zote kole-haʹamime haazinou kole-yochvé ʹhalède
גַּם־בְּנֵי אָדָם גַּם־בְּנֵי־אִישׁ יַחַד עָשִׁיר וְאֶבְיוֹן׃
Game-béné adame game-béné-iche yaʹhade ʹachir véèvyone
פִּי יְדַבֵּר חָכְמוֹת וְהָגוּת לִבִּי תְבוּנוֹת׃
Pi yédabèr ʹhakhmote véhaguoute libi tévounote
אַטֶּה לְמָשָׁל אָזְנִי אֶפְתַּח בְּכִנּוֹר חִידָתִי׃
Até lémachal azni èftaʹh békhinor ʹhidati
לָמָּה אִירָא בִּימֵי רָע עֲוֺן עֲקֵבַי יְסוּבֵּנִי׃
Lama ira bimé raʹ ʹaone ʹakévaï yésoubéni
הַבֹּטְחִים עַל־חֵילָם וּבְרֹב עָשְׁרָם יִתְהַלָּלוּ׃
Habotʹhime ʹal-ʹhélame ouvrov ʹachrame yithalalou
אָח לֹא־פָדֹה יִפְדֶּה אִישׁ לֹא־יִתֵּן לֵאלֹהִים כָּפְרוֹ׃
Aʹh lo-fado yifdé iche lo-yitène lélohime kafro
וְיֵקַר פִּדְיוֹן נַפְשָׁם וְחָדַל לְעוֹלָם׃
Véyékar pidyone nafchame véʹhadal léʹolame
וִיחִי־עוֹד לָנֶצַח לֹא יִרְאֶה הַשָּׁחַת׃
Viʹhi-ʹod lanétsaʹh lo yiré hachaʹhate
כִּי יִרְאֶה חֲכָמִים יָמוּתוּ יַחַד כְּסִיל וָבַעַר יֹאבֵדוּ וְעָזְבוּ לַאֲחֵרִים חֵילָם׃
Ki yiré ʹhakhamime yamoutou yaʹhade késil vavaʹar yovédou véʹazvou laaʹhérime ʹhélame
קִרְבָּם בָּתֵּימוֹ לְעוֹלָם מִשְׁכְּנֹתָם לְדֹר וָדֹר קָרְאוּ בִשְׁמוֹתָם עֲלֵי אֲדָמוֹת׃
Kirbame batémo léʹolame michkénotame lédor vador karou vichmotame ʹalé adamote
וְאָדָם בִּיקָר בַּל־יָלִין נִמְשַׁל כַּבְּהֵמוֹת נִדְמוּ׃
Véadame bikar bal-yaline nimchal kabéhémote nidmou
זֶה דַרְכָּם כֵּסֶל לָמוֹ וְאַחֲרֵיהֶם בְּפִיהֶם יִרְצוּ סֶלָה׃
Zé darkame késèl lamo véaʹharéhème béfihème yirtsou séla
כַּצֹּאן לִשְׁאוֹל שַׁתּוּ מָוֶת יִרְעֵם וַיִּרְדּוּ בָם יְשָׁרִים לַבֹּקֶר וצירם [וְצוּרָם] לְבַלּוֹת שְׁאוֹל מִזְּבֻל לוֹ׃
Katsone lichol chatou mavète yirʹème vayirdou vame yécharime labokèr vétsourame lévalote chéol mizévoul lo
אַךְ־אֱלֹהִים יִפְדֶּה נַפְשִׁי מִיַּד־שְׁאוֹל כִּי יִקָּחֵנִי סֶלָה׃
Akh-Élo-him yifdé nafchi miyade-chéol ki yikaʹhéni séla
אַל־תִּירָא כִּי־יַעֲשִׁר אִישׁ כִּי־יִרְבֶּה כְּבוֹד בֵּיתוֹ׃
Al-tira ki-yaʹachir iche ki-yirbé kévode béto
כִּי לֹא בְמוֹתוֹ יִקַּח הַכֹּל לֹא־יֵרֵד אַחֲרָיו כְּבוֹדוֹ׃
Ki lo vémoto yikaʹh hakol lo-yérède aʹharav kévodo
כִּי־נַפְשׁוֹ בְּחַיָּיו יְבָרֵךְ וְיוֹדֻךָ כִּי־תֵיטִיב לָךְ׃
Ki-nafcho béʹhayav yévarèkh véodoukha ki-tétiv lakh
תָּבוֹא עַד־דּוֹר אֲבוֹתָיו עַד־נֵצַח לֹא יִרְאוּ־אוֹר׃
Tavo ʹad-dor avotav ʹad-nétsaʹh lo yirou-or
אָדָם בִּיקָר וְלֹא יָבִין נִמְשַׁל כַּבְּהֵמוֹת נִדְמוּ׃
Adame bikar vélo yavine nimchal kabéhémote nidmou