שִׁיר מִזְמוֹר לִבְנֵי־קֹרַח׃
Chir mizmor livné-koraʹh
גָּדוֹל יְהוָה וּמְהֻלָּל מְאֹד בְּעִיר אֱלֹהֵינוּ הַר־קָדְשׁוֹ׃
Gadol Ado-naï oumhoulal méode béʹir élo-hénou har-kadcho
יְפֵה נוֹף מְשׂוֹשׂ כָּל־הָאָרֶץ הַר־צִיּוֹן יַרְכְּתֵי צָפוֹן קִרְיַת מֶלֶךְ רָב׃
Yéfé nofe mésose kole-haaréts har-tsione yarkété tsafone kiryate mélèkh rav
אֱלֹהִים בְּאַרְמְנוֹתֶיהָ נוֹדַע לְמִשְׂגָּב׃
Élo-him béarménotéha nodaʹ lémisgav
כִּי־הִנֵּה הַמְּלָכִים נוֹעֲדוּ עָבְרוּ יַחְדָּו׃
Ki-hiné hamélakhime noʹadou ʹavrou yaʹhdav
הֵמָּה רָאוּ כֵּן תָּמָהוּ נִבְהֲלוּ נֶחְפָּזוּ׃
Héma raou kène tamahou nivhalou nèʹhpazou
רְעָדָה אֲחָזָתַם שָׁם חִיל כַּיּוֹלֵדָה׃
Réʹada aʹhazatame chame ʹhil kayoléda
בְּרוּחַ קָדִים תְּשַׁבֵּר אֳנִיּוֹת תַּרְשִׁישׁ׃
Bérouaʹh kadime téchabèr oniote tarchiche
כַּאֲשֶׁר שָׁמַעְנוּ כֵּן רָאִינוּ בְּעִיר־יְהוָה צְבָאוֹת בְּעִיר אֱלֹהֵינוּ אֱלֹהִים יְכוֹנְנֶהָ עַד־עוֹלָם סֶלָה׃
Kaachère chamaʹnou kène rainou béʹir-Ado-naï tsévaote béʹir élo-hénou Élo-him yékhonnéha ʹad-ʹolame séla
דִּמִּינוּ אֱלֹהִים חַסְדֶּךָ בְּקֶרֶב הֵיכָלֶךָ׃
Diminou Élo-him ʹhasdékha békérèv hékhalékha
כְּשִׁמְךָ אֱלֹהִים כֵּן תְּהִלָּתְךָ עַל־קַצְוֵי־אֶרֶץ צֶדֶק מָלְאָה יְמִינֶךָ׃
Kéchimkha Élo-him kène téhilatkha ʹal-katsvé-érèts tsédèk mala yéminékha
יִשְׂמַח הַר־צִיּוֹן תָּגֵלְנָה בְּנוֹת יְהוּדָה לְמַעַן מִשְׁפָּטֶיךָ׃
Yismaʹh har-tsione taguèlna bénote yéhouda lémaʹane michpatékha
סֹבּוּ צִיּוֹן וְהַקִּיפוּהָ סִפְרוּ מִגְדָּלֶיהָ׃
Sobou tsione véhakifouha sifrou migudaléha
שִׁיתוּ לִבְּכֶם לְחֵילָה פַּסְּגוּ אַרְמְנוֹתֶיהָ לְמַעַן תְּסַפְּרוּ לְדוֹר אַחֲרוֹן׃
Chitou libékhème léʹhéla paséguou arménotéha lémaʹane tésapérou lédor aʹharone
כִּי זֶה אֱלֹהִים אֱלֹהֵינוּ עוֹלָם וָעֶד הוּא יְנַהֲגֵנוּ עַל־מוּת׃
Ki zé Élo-him élo-hénou ʹolame vaʹède hou yénahaguénou ʹal-moute