לַמְנַצֵּחַ לִבְנֵי־קֹרַח מִזְמוֹר׃
Lamnatséaʹh livné-koraʹh mizmor
כָּל־הָעַמִּים תִּקְעוּ־כָף הָרִיעוּ לֵאלֹהִים בְּקוֹל רִנָּה׃
Kole-haʹamime tikʹou-khafe hariʹou lélohime békol rina
כִּי־יְהוָה עֶלְיוֹן נוֹרָא מֶלֶךְ גָּדוֹל עַל־כָּל־הָאָרֶץ׃
Ki-Ado-naï ʹèlyone nora mélèkh gadol ʹal-kole-haaréts
יַדְבֵּר עַמִּים תַּחְתֵּינוּ וּלְאֻמִּים תַּחַת רַגְלֵינוּ׃
Yadbèr ʹamime taʹhténou ouloumime taʹhate ragulénou
יִבְחַר־לָנוּ אֶת־נַחֲלָתֵנוּ אֶת גְּאוֹן יַעֲקֹב אֲשֶׁר־אָהֵב סֶלָה׃
Yivʹhar-lanou ète-naʹhalaténou ète guéone yaʹakov achère-ahèv séla
עָלָה אֱלֹהִים בִּתְרוּעָה יְהֹוָה בְּקוֹל שׁוֹפָר׃
ʹAla Élo-him bitrouʹa Ado-naï békol chofar
זַמְּרוּ אֱלֹהִים זַמֵּרוּ זַמְּרוּ לְמַלְכֵּנוּ זַמֵּרוּ׃
Zamérou Élo-him zamérou zamérou lémalkénou zamérou
כִּי מֶלֶךְ כָּל־הָאָרֶץ אֱלֹהִים זַמְּרוּ מַשְׂכִּיל׃
Ki mélèkh kole-haaréts Élo-him zamérou maskil
מָלַךְ אֱלֹהִים עַל־גּוֹיִם אֱלֹהִים יָשַׁב עַל־כִּסֵּא קָדְשׁוֹ׃
Malakh Élo-him ʹal-guoyime Élo-him yachav ʹal-kisé kadcho
נְדִיבֵי עַמִּים נֶאֱסָפוּ עַם אֱלֹהֵי אַבְרָהָם כִּי לֵאלֹהִים מָגִנֵּי־אֶרֶץ מְאֹד נַעֲלָה׃
Nédivé ʹamime néésafou ʹame élohé avraham ki lélohime maguiné-érèts méode naʹala