לַמְנַצֵּחַ לִבְנֵי־קֹרַח מַשְׂכִּיל׃
Lamnatséaʹh livné-koraʹh maskil
אֱלֹהִים בְּאָזְנֵינוּ שָׁמַעְנוּ אֲבוֹתֵינוּ סִפְּרוּ־לָנוּ פֹּעַל פָּעַלְתָּ בִימֵיהֶם בִּימֵי קֶדֶם׃
Élo-him béaznénou chamaʹnou avoténou sipérou-lanou poʹal paʹalta viméhème bimé kédème
אַתָּה יָדְךָ גּוֹיִם הוֹרַשְׁתָּ וַתִּטָּעֵם תָּרַע לְאֻמִּים וַתְּשַׁלְּחֵם׃
Ata yadkha guoyime horachta vatitaʹème taraʹ léoumime vatéchaléʹhème
כִּי לֹא בְחַרְבָּם יָרְשׁוּ אָרֶץ וּזְרוֹעָם לֹא־הוֹשִׁיעָה לָּמוֹ כִּי־יְמִינְךָ וּזְרוֹעֲךָ וְאוֹר פָּנֶיךָ כִּי רְצִיתָם׃
Ki lo véʹharbame yarchou aréts ouzroʹame lo-hochiʹa lamo ki-yéminkha ouzroʹakha véor panékha ki rétsitame
אַתָּה־הוּא מַלְכִּי אֱלֹהִים צַוֵּה יְשׁוּעוֹת יַעֲקֹב׃
Ata-hou malki Élo-him tsavé yéchouʹote yaʹakov
בְּךָ צָרֵינוּ נְנַגֵּחַ בְּשִׁמְךָ נָבוּס קָמֵינוּ׃
Békha tsarénou nénaguéaʹh béchimkha navouse kaménou
כִּי לֹא בְקַשְׁתִּי אֶבְטָח וְחַרְבִּי לֹא תוֹשִׁיעֵנִי׃
Ki lo vékachti èvtaʹh véʹharbi lo tochiʹéni
כִּי הוֹשַׁעְתָּנוּ מִצָּרֵינוּ וּמְשַׂנְאֵינוּ הֱבִישׁוֹתָ׃
Ki hochaʹtanou mitsarénou oumsanénou hévichota
בֵּאלֹהִים הִלַּלְנוּ כָל־הַיּוֹם וְשִׁמְךָ לְעוֹלָם נוֹדֶה סֶלָה׃
Bélohime hilalnou khole-hayome véchimkha léʹolame nodé séla
אַף־זָנַחְתָּ וַתַּכְלִימֵנוּ וְלֹא־תֵצֵא בְּצִבְאוֹתֵינוּ׃
Afe-zanaʹhta vatakhliménou vélo-tétsé bétsivoténou
תְּשִׁיבֵנוּ אָחוֹר מִנִּי־צָר וּמְשַׂנְאֵינוּ שָׁסוּ לָמוֹ׃
Téchivénou aʹhor mini-tsar oumsanénou chasou lamo
תִּתְּנֵנוּ כְּצֹאן מַאֲכָל וּבַגּוֹיִם זֵרִיתָנוּ׃
Titénénou kétsone maakhal ouvaguoyime zéritanou
תִּמְכֹּר־עַמְּךָ בְלֹא־הוֹן וְלֹא־רִבִּיתָ בִּמְחִירֵיהֶם׃
Timkor-ʹamékha vélo-hone vélo-ribita bimʹhiréhème
תְּשִׂימֵנוּ חֶרְפָּה לִשְׁכֵנֵינוּ לַעַג וָקֶלֶס לִסְבִיבוֹתֵינוּ׃
Tésiménou ʹhèrpa lichkhénénou laʹagu vakélèse lisvivoténou
תְּשִׂימֵנוּ מָשָׁל בַּגּוֹיִם מְנוֹד־רֹאשׁ בַּל־אֻמִּים׃
Tésiménou machal baguoyime ménode-roche bal-oumime
כָּל־הַיּוֹם כְּלִמָּתִי נֶגְדִּי וּבֹשֶׁת פָּנַי כִּסָּתְנִי׃
Kole-hayome kélimati nègudi ouvochète panaï kisatni
מִקּוֹל מְחָרֵף וּמְגַדֵּף מִפְּנֵי אוֹיֵב וּמִתְנַקֵּם׃
Mikol méʹharèfe oumgadèfe mipéné oyèv oumitnakème
כָּל־זֹאת בָּאַתְנוּ וְלֹא שְׁכַחֲנוּךָ וְלֹא־שִׁקַּרְנוּ בִּבְרִיתֶךָ׃
Kole-zote baatnou vélo chékhaʹhanoukha vélo-chikarnou bivritékha
לֹא־נָסוֹג אָחוֹר לִבֵּנוּ וַתֵּט אֲשֻׁרֵינוּ מִנִּי אָרְחֶךָ׃
Lo-nasogu aʹhor libénou vatète achourénou mini arʹhékha
כִּי דִכִּיתָנוּ בִּמְקוֹם תַּנִּים וַתְּכַס עָלֵינוּ בְצַלְמָוֶת׃
Ki dikitanou bimkome tanime vatékhase ʹalénou vétsalmavète
אִם־שָׁכַחְנוּ שֵׁם אֱלֹהֵינוּ וַנִּפְרֹשׂ כַּפֵּינוּ לְאֵל זָר׃
Ime-chakhaʹhnou chème élo-hénou vanifrose kapénou léèl zar
הֲלֹא אֱלֹהִים יַחֲקָר־זֹאת כִּי־הוּא יֹדֵעַ תַּעֲלֻמוֹת לֵב׃
Halo Élo-him yaʹhakar-zote ki-hou yodéaʹ taʹaloumote lèv
כִּי־עָלֶיךָ הֹרַגְנוּ כָל־הַיּוֹם נֶחְשַׁבְנוּ כְּצֹאן טִבְחָה׃
Ki-ʹalékha horagunou khole-hayome nèʹhchavnou kétsone tivʹha
עוּרָה לָמָּה תִישַׁן אֲדֹנָי הָקִיצָה אַל־תִּזְנַח לָנֶצַח׃
ʹOura lama tichane ado-naï hakitsa al-tiznaʹh lanétsaʹh
לָמָּה־פָנֶיךָ תַסְתִּיר תִּשְׁכַּח עָנְיֵנוּ וְלַחֲצֵנוּ׃
Lama-fanékha tastir tichkaʹh ʹanyénou vélaʹhatsénou
כִּי שָׁחָה לֶעָפָר נַפְשֵׁנוּ דָּבְקָה לָאָרֶץ בִּטְנֵנוּ׃
Ki chaʹha léʹafar nafchénou davka laarèts bitnénou
קוּמָה עֶזְרָתָה לָּנוּ וּפְדֵנוּ לְמַעַן חַסְדֶּךָ׃
Kouma ʹèzrata lanou oufdénou lémaʹane ʹhasdékha