לַמְנַצֵּחַ מַשְׂכִּיל לִבְנֵי־קֹרַח׃
Lamnatséaʹh maskil livné-koraʹh
כְּאַיָּל תַּעֲרֹג עַל־אֲפִיקֵי־מָיִם כֵּן נַפְשִׁי תַעֲרֹג אֵלֶיךָ אֱלֹהִים׃
Kéayal taʹarogu ʹal-afiké-mayime kène nafchi taʹarogu élékha Élo-him
צָמְאָה נַפְשִׁי לֵאלֹהִים לְאֵל חָי מָתַי אָבוֹא וְאֵרָאֶה פְּנֵי אֱלֹהִים׃
Tsama nafchi lélohime léèl ʹhaï mataï avo vééraé péné Élo-him
הָיְתָה־לִּי דִמְעָתִי לֶחֶם יוֹמָם וָלָיְלָה בֶּאֱמֹר אֵלַי כָּל־הַיּוֹם אַיֵּה אֱלֹהֶיךָ׃
Hayéta-li dimʹati léʹhème yomame valaïla béémor élaï kole-hayome ayé élohékha
אֵלֶּה אֶזְכְּרָה וְאֶשְׁפְּכָה עָלַי נַפְשִׁי כִּי אֶעֱבֹר בַּסָּךְ אֶדַּדֵּם עַד־בֵּית אֱלֹהִים בְּקוֹל־רִנָּה וְתוֹדָה הָמוֹן חוֹגֵג׃
Élé èzkéra véèchpékha ʹalaï nafchi ki éʹévor basakh édadème ʹad-béth Élo-him békol-rina vétoda hamone ʹhoguègu
מַה־תִּשְׁתּוֹחֲחִי נַפְשִׁי וַתֶּהֱמִי עָלָי הוֹחִילִי לֵאלֹהִים כִּי־עוֹד אוֹדֶנּוּ יְשׁוּעוֹת פָּנָיו׃
Ma-tichtoʹhaʹhi nafchi vatéhémi ʹalaï hoʹhili lélohime ki-ʹod odénou yéchouʹote panav
אֱלֹהַי עָלַי נַפְשִׁי תִשְׁתּוֹחָח עַל־כֵּן אֶזְכָּרְךָ מֵאֶרֶץ יַרְדֵּן וְחֶרְמוֹנִים מֵהַר מִצְעָר׃
Élohé ʹalaï nafchi tichtoʹhaʹh ʹal-kène èzkarkha méérèts yardène véʹhèrmonime méhar mitsʹar
תְּהוֹם־אֶל־תְּהוֹם קוֹרֵא לְקוֹל צִנּוֹרֶיךָ כָּל־מִשְׁבָּרֶיךָ וְגַלֶּיךָ עָלַי עָבָרוּ׃
Téhome-el-téhome koré lékol tsinorékha kole-michbarékha végalékha ʹalaï ʹavarou
יוֹמָם יְצַוֶּה יְהוָה חַסְדּוֹ וּבַלַּיְלָה שירה [שִׁירוֹ] עִמִּי תְּפִלָּה לְאֵל חַיָּי׃
Yomame yétsavé Ado-naï ʹhasdo ouvalayla chiro ʹimi téfila léèl ʹhayaï
אוֹמְרָה לְאֵל סַלְעִי לָמָה שְׁכַחְתָּנִי לָמָּה־קֹדֵר אֵלֵךְ בְּלַחַץ אוֹיֵב׃
Omra léèl salʹi lama chékhaʹhtani lama-kodèr élèkh bélaʹhats oyèv
בְּרֶצַח בְּעַצְמוֹתַי חֵרְפוּנִי צוֹרְרָי בְּאָמְרָם אֵלַי כָּל־הַיּוֹם אַיֵּה אֱלֹהֶיךָ׃
Bérétsaʹh béʹatsmotaï ʹhèrfouni tsorraï béamrame élaï kole-hayome ayé élohékha
מַה־תִּשְׁתּוֹחֲחִי נַפְשִׁי וּמַה־תֶּהֱמִי עָלָי הוֹחִילִי לֵאלֹהִים כִּי־עוֹד אוֹדֶנּוּ יְשׁוּעֹת פָּנַי וֵאלֹהָי׃
Ma-tichtoʹhaʹhi nafchi ouma-téhémi ʹalaï hoʹhili lélohime ki-ʹod odénou yéchouʹote panaï vélohé