לַמְנַצֵּחַ מִזְמוֹר לְדָוִד׃
Lamnatséaʹh mizmor lédavide
אַשְׁרֵי מַשְׂכִּיל אֶל־דָּל בְּיוֹם רָעָה יְמַלְּטֵהוּ יְהוָה׃
Achré maskil el-dal béome raʹa yémalétéhou Ado-naï
יְהוָה יִשְׁמְרֵהוּ וִיחַיֵּהוּ יאשר [וְאֻשַּׁר] בָּאָרֶץ וְאַל־תִּתְּנֵהוּ בְּנֶפֶשׁ אֹיְבָיו׃
Ado-naï yichméréhou viʹhayéhou véouchar baarèts véal-titénéhou bénéfèche oyvav
יְהוָה יִסְעָדֶנּוּ עַל־עֶרֶשׂ דְּוָי כָּל־מִשְׁכָּבוֹ הָפַכְתָּ בְחָלְיוֹ׃
Ado-naï yisʹadénou ʹal-ʹérèse dévaï kole-michkavo hafakhta véʹhalyo
אֲנִי־אָמַרְתִּי יְהוָה חָנֵּנִי רְפָאָה נַפְשִׁי כִּי־חָטָאתִי לָךְ׃
Ani-amarti Ado-naï ʹhanéni réfaa nafchi ki-ʹhatati lakh
אוֹיְבַי יֹאמְרוּ רַע לִי מָתַי יָמוּת וְאָבַד שְׁמוֹ׃
Oyvaï yomrou raʹ li mataï yamoute véavade chémo
וְאִם־בָּא לִרְאוֹת שָׁוְא יְדַבֵּר לִבּוֹ יִקְבָּץ־אָוֶן לוֹ יֵצֵא לַחוּץ יְדַבֵּר׃
Véime-ba lire-ote chav yédabèr libo yikbats-avène lo yétsé laʹhouts yédabèr
יַחַד עָלַי יִתְלַחֲשׁוּ כָּל־שֹׂנְאָי עָלַי יַחְשְׁבוּ רָעָה לִי׃
Yaʹhade ʹalaï yitlaʹhachou kole-sonaï ʹalaï yaʹhchévou raʹa li
דְּבַר־בְּלִיַּעַל יָצוּק בּוֹ וַאֲשֶׁר שָׁכַב לֹא־יוֹסִיף לָקוּם׃
Dévar-béliyaʹal yatsouk bo vaachèr chakhav lo-yosife lakoume
גַּם־אִישׁ שְׁלוֹמִי אֲשֶׁר־בָּטַחְתִּי בוֹ אוֹכֵל לַחְמִי הִגְדִּיל עָלַי עָקֵב׃
Game-iche chélomi achère-bataʹhti vo okhèl laʹhmi higudil ʹalaï ʹakèv
וְאַתָּה יְהוָה חָנֵּנִי וַהֲקִימֵנִי וַאֲשַׁלְּמָה לָהֶם׃
Véata Ado-naï ʹhanéni vahakiméni vaachaléma lahème
בְּזֹאת יָדַעְתִּי כִּי־חָפַצְתָּ בִּי כִּי לֹא־יָרִיעַ אֹיְבִי עָלָי׃
Bézote yadaʹti ki-ʹhafatsta bi ki lo-yariaʹ oyvi ʹalaï
וַאֲנִי בְּתֻמִּי תָּמַכְתָּ בִּי וַתַּצִּיבֵנִי לְפָנֶיךָ לְעוֹלָם׃
Vaani bétoumi tamakhta bi vatatsivéni léfanékha léʹolame
בָּרוּךְ יְהוָה אֱלֹהֵי יִשְׂרָאֵל מֵהָעוֹלָם וְעַד הָעוֹלָם אָמֵן וְאָמֵן׃
Baroukh Ado-naï élohé ysraël méhaʹolame véʹade haʹolame amène véamène