לַמְנַצֵּחַ לְדָוִד מִזְמוֹר׃
Lamnatséaʹh lédavide mizmor
קַוֺּה קִוִּיתִי יְהוָה וַיֵּט אֵלַי וַיִּשְׁמַע שַׁוְעָתִי׃
Kao kiviti Ado-naï vayète élaï vayichmaʹ chavʹati
וַיַּעֲלֵנִי מִבּוֹר שָׁאוֹן מִטִּיט הַיָּוֵן וַיָּקֶם עַל־סֶלַע רַגְלַי כּוֹנֵן אֲשֻׁרָי׃
Vayaʹaléni mibor chaone mitite hayavène vayakème ʹal-sélaʹ ragulaï konène achouraï
וַיִּתֵּן בְּפִי שִׁיר חָדָשׁ תְּהִלָּה לֵאלֹהֵינוּ יִרְאוּ רַבִּים וְיִירָאוּ וְיִבְטְחוּ בַּיהוָה׃
Vayitène béfi chir ʹhadache téhila lélo-hénou yirou rabime véyiraou véyivtéʹhou baïhva
אַשְׁרֵי הַגֶּבֶר אֲשֶׁר־שָׂם יְהֹוָה מִבְטַחוֹ וְלֹא־פָנָה אֶל־רְהָבִים וְשָׂטֵי כָזָב׃
Achré haguévèr achère-same Ado-naï mivtaʹho vélo-fana el-réhavime vésaté khazav
רַבּוֹת עָשִׂיתָ אַתָּה יְהוָה אֱלֹהַי נִפְלְאֹתֶיךָ וּמַחְשְׁבֹתֶיךָ אֵלֵינוּ אֵין עֲרֹךְ אֵלֶיךָ אַגִּידָה וַאֲדַבֵּרָה עָצְמוּ מִסַּפֵּר׃
Rabote ʹassita ata Ado-naï Élohé nifléotékha oumaʹhchévotékha élénou ène ʹarokh élékha aguida vaadabéra ʹatsmou misapèr
זֶבַח וּמִנְחָה לֹא־חָפַצְתָּ אָזְנַיִם כָּרִיתָ לִּי עוֹלָה וַחֲטָאָה לֹא שָׁאָלְתָּ׃
Zévaʹh ouminʹha lo-ʹhafatsta aznayime karita li ʹola vaʹhataa lo chaalta
אָז אָמַרְתִּי הִנֵּה־בָאתִי בִּמְגִלַּת־סֵפֶר כָּתוּב עָלָי׃
Az amarti hiné-vati bimguilate-séfèr katouv ʹalaï
לַעֲשׂוֹת־רְצוֹנְךָ אֱלֹהַי חָפָצְתִּי וְתוֹרָתְךָ בְּתוֹךְ מֵעָי׃
Laʹassote-retsonekha Élohé ʹhafatsti vétoratkha bétokh méʹaï
בִּשַּׂרְתִּי צֶדֶק בְּקָהָל רָב הִנֵּה שְׂפָתַי לֹא אֶכְלָא יְהוָה אַתָּה יָדָעְתָּ׃
Bisarti tsédèk békahal rav hiné séfataï lo èkhla Ado-naï ata yadaʹta
צִדְקָתְךָ לֹא־כִסִּיתִי בְּתוֹךְ לִבִּי אֱמוּנָתְךָ וּתְשׁוּעָתְךָ אָמָרְתִּי לֹא־כִחַדְתִּי חַסְדְּךָ וַאֲמִתְּךָ לְקָהָל רָב׃
Tsidkatkha lo-khisiti bétokh libi émounatkha outchouʹatkha amarti lo-khiʹhadti ʹhasdékha vaamitékha lékahal rav
אַתָּה יְהוָה לֹא־תִכְלָא רַחֲמֶיךָ מִמֶּנִּי חַסְדְּךָ וַאֲמִתְּךָ תָּמִיד יִצְּרוּנִי׃
Ata Ado-naï lo-tikhla raʹhamékha miméni ʹhasdékha vaamitékha tamide yitsrouni
כִּי אָפְפוּ־עָלַי רָעוֹת עַד־אֵין מִסְפָּר הִשִּׂיגוּנִי עֲוֺנֹתַי וְלֹא־יָכֹלְתִּי לִרְאוֹת עָצְמוּ מִשַּׂעֲרוֹת רֹאשִׁי וְלִבִּי עֲזָבָנִי׃
Ki affou-ʹalaï raʹote ʹad-ène mispar hisiguouni ʹaonotaï vélo-yakholti lire-ote ʹatsmou misaʹarote rochi vélibi ʹazavani
רְצֵה יְהוָה לְהַצִּילֵנִי יְהוָה לְעֶזְרָתִי חוּשָׁה׃
Rétsé Ado-naï léhatsiléni Ado-naï léʹèzrati ʹhoucha
יֵבֹשׁוּ וְיַחְפְּרוּ יַחַד מְבַקְשֵׁי נַפְשִׁי לִסְפּוֹתָהּ יִסֹּגוּ אָחוֹר וְיִכָּלְמוּ חֲפֵצֵי רָעָתִי׃
Yévochou véyaʹhpérou yaʹhade mévakché nafchi lispota yisoguou aʹhor véyikalmou ʹhafétsé raʹati
יָשֹׁמּוּ עַל־עֵקֶב בָּשְׁתָּם הָאֹמְרִים לִי הֶאָח הֶאָח׃
Yachomou ʹal-ʹékèv bachtame haomrime li héaʹh héaʹh
יָשִׂישׂוּ וְיִשְׂמְחוּ בְּךָ כָּל־מְבַקְשֶׁיךָ יֹאמְרוּ תָמִיד יִגְדַּל יְהוָה אֹהֲבֵי תְּשׁוּעָתֶךָ׃
Yasisou véyisméʹhou békha kole-mévakchékha yomrou tamide yigudal Ado-naï ohavé téchouʹatékha
וַאֲנִי עָנִי וְאֶבְיוֹן אֲדֹנָי יַחֲשָׁב לִי עֶזְרָתִי וּמְפַלְטִי אַתָּה אֱלֹהַי אַל־תְּאַחַר׃
Vaani ʹani véèvyone ado-naï yaʹhachav li ʹèzrati oumfalti ata Élohé al-téaʹhar