מִזְמוֹר לְדָוִד לְהַזְכִּיר׃
Mizmor lédavide léhazkir
יְהוָה אַל־בְּקֶצְפְּךָ תוֹכִיחֵנִי וּבַחֲמָתְךָ תְיַסְּרֵנִי׃
Ado-naï al-békètspékha tokhiʹhéni ouvaʹhamatkha téyaséréni
כִּי־חִצֶּיךָ נִחֲתוּ בִי וַתִּנְחַת עָלַי יָדֶךָ׃
Ki-ʹhitsékha niʹhatou vi vatinʹhate ʹalaï yadékha
אֵין־מְתֹם בִּבְשָׂרִי מִפְּנֵי זַעְמֶךָ אֵין־שָׁלוֹם בַּעֲצָמַי מִפְּנֵי חַטָּאתִי׃
Ène-métome bivsari mipéné zaʹmékha ène-chalome baʹatsamaï mipéné ʹhatati
כִּי עֲוֺנֹתַי עָבְרוּ רֹאשִׁי כְּמַשָּׂא כָבֵד יִכְבְּדוּ מִמֶּנִּי׃
Ki ʹaonotaï ʹavrou rochi kémasa khavède yikhbédou miméni
הִבְאִישׁוּ נָמַקּוּ חַבּוּרֹתָי מִפְּנֵי אִוַּלְתִּי׃
Hivichou namakou ʹhabourotaï mipéné ivalti
נַעֲוֵיתִי שַׁחֹתִי עַד־מְאֹד כָּל־הַיּוֹם קֹדֵר הִלָּכְתִּי׃
Naʹavéti chaʹhoti ʹad-méode kole-hayome kodèr hilakhti
כִּי־כְסָלַי מָלְאוּ נִקְלֶה וְאֵין מְתֹם בִּבְשָׂרִי׃
Ki-khésalaï malou niklé vééne métome bivsari
נְפוּגוֹתִי וְנִדְכֵּיתִי עַד־מְאֹד שָׁאַגְתִּי מִנַּהֲמַת לִבִּי׃
Néfouguoti vénidkéti ʹad-méode chaaguti minahamate libi
אֲדֹנָי נֶגְדְּךָ כָל־תַּאֲוָתִי וְאַנְחָתִי מִמְּךָ לֹא־נִסְתָּרָה׃
Ado-naï nègudékha khole-taavati véanʹhati mimékha lo-nistara
לִבִּי סְחַרְחַר עֲזָבַנִי כֹחִי וְאוֹר־עֵינַי גַּם־הֵם אֵין אִתִּי׃
Libi séʹharʹhar ʹazavani khoʹhi véor-ʹénaï game-hème ène iti
אֹהֲבַי וְרֵעַי מִנֶּגֶד נִגְעִי יַעֲמֹדוּ וּקְרוֹבַי מֵרָחֹק עָמָדוּ׃
Ohavaï véréʹaï minéguède niguʹi yaʹamodou oukrovaï méraʹhok ʹamadou
וַיְנַקְשׁוּ מְבַקְשֵׁי נַפְשִׁי וְדֹרְשֵׁי רָעָתִי דִּבְּרוּ הַוּוֹת וּמִרְמוֹת כָּל־הַיּוֹם יֶהְגּוּ׃
Vaynakchou mévakché nafchi védorché raʹati dibérou haouote oumirmote kole-hayome yèhguou
וַאֲנִי כְחֵרֵשׁ לֹא אֶשְׁמָע וּכְאִלֵּם לֹא יִפְתַּח־פִּיו׃
Vaani khéʹhérèche lo èchmaʹ oukhilème lo yiftaʹh-piv
וָאֱהִי כְּאִישׁ אֲשֶׁר לֹא־שֹׁמֵעַ וְאֵין בְּפִיו תּוֹכָחוֹת׃
Vaéhi kéiche achère lo-choméaʹ vééne béfiv tokhaʹhote
כִּי־לְךָ יְהוָה הוֹחָלְתִּי אַתָּה תַעֲנֶה אֲדֹנָי אֱלֹהָי׃
Ki-lékha Ado-naï hoʹhalti ata taʹané ado-naï Élohé
כִּי־אָמַרְתִּי פֶּן־יִשְׂמְחוּ־לִי בְּמוֹט רַגְלִי עָלַי הִגְדִּילוּ׃
Ki-amarti pène-yisméʹhou-li bémote raguli ʹalaï higudilou
כִּי־אֲנִי לְצֶלַע נָכוֹן וּמַכְאוֹבִי נֶגְדִּי תָמִיד׃
Ki-ani létsélaʹ nakhone oumakhovi nègudi tamide
כִּי־עֲוֺנִי אַגִּיד אֶדְאַג מֵחַטָּאתִי׃
Ki-ʹaoni aguide èdagu méʹhatati
וְאֹיְבַי חַיִּים עָצֵמוּ וְרַבּוּ שֹׂנְאַי שָׁקֶר׃
Véoyvaï ʹhaïm ʹatsémou vérabou sonaï chakèr
וּמְשַׁלְּמֵי רָעָה תַּחַת טוֹבָה יִשְׂטְנוּנִי תַּחַת רדופי־[רָדְפִי־] טוֹב׃
Oumchalémé raʹa taʹhate tova yisténouni taʹhate radfi- tov
אַל־תַּעַזְבֵנִי יְהוָה אֱלֹהַי אַל־תִּרְחַק מִמֶּנִּי׃
Al-taʹazvéni Ado-naï Élohé al-tirʹhak miméni
חוּשָׁה לְעֶזְרָתִי אֲדֹנָי תְּשׁוּעָתִי׃
ʹHoucha léʹèzrati ado-naï téchouʹati