לְדָוִד אַל־תִּתְחַר בַּמְּרֵעִים אַל־תְּקַנֵּא בְּעֹשֵׂי עַוְלָה׃
Lédavide al-titʹhar baméréʹime al-tékané béʹosé ʹavla
כִּי כֶחָצִיר מְהֵרָה יִמָּלוּ וּכְיֶרֶק דֶּשֶׁא יִבּוֹלוּן׃
Ki khéʹhatsir méhéra yimalou oukhyérèk déché yiboloune
בְּטַח בַּיהוָה וַעֲשֵׂה־טוֹב שְׁכָן־אֶרֶץ וּרְעֵה אֱמוּנָה׃
Bétaʹh baïhva vaʹasé-tov chékhane-érèts ourʹé émouna
וְהִתְעַנַּג עַל־יְהוָה וְיִתֶּן־לְךָ מִשְׁאֲלֹת לִבֶּךָ׃
Véhitʹanagu ʹal-Ado-naï véyitène-lékha michalote libékha
גּוֹל עַל־יְהוָה דַּרְכֶּךָ וּבְטַח עָלָיו וְהוּא יַעֲשֶׂה׃
Guol ʹal-Ado-naï darkékha ouvtaʹh ʹalav véhou yaʹasé
וְהוֹצִיא כָאוֹר צִדְקֶךָ וּמִשְׁפָּטֶךָ כַּצָּהֳרָיִם׃
Véhotsi khaor tsidkékha oumichpatékha katsahorayime
דּוֹם לַיהוָה וְהִתְחוֹלֵל לוֹ אַל־תִּתְחַר בְּמַצְלִיחַ דַּרְכּוֹ בְּאִישׁ עֹשֶׂה מְזִמּוֹת׃
Dome laïhva véhitʹholèl lo al-titʹhar bématsliaʹh darko béiche ʹosé mézimote
הֶרֶף מֵאַף וַעֲזֹב חֵמָה אַל־תִּתְחַר אַךְ־לְהָרֵעַ׃
Hérèfe méafe vaʹazov ʹhéma al-titʹhar akh-léharéaʹ
כִּי־מְרֵעִים יִכָּרֵתוּן וְקֹוֵי יְהוָה הֵמָּה יִירְשׁוּ־אָרֶץ׃
Ki-méréʹime yikarétoune vékové Ado-naï héma yirchou-aréts
וְעוֹד מְעַט וְאֵין רָשָׁע וְהִתְבּוֹנַנְתָּ עַל־מְקוֹמוֹ וְאֵינֶנּוּ׃
Véʹode méʹate vééne rachaʹ véhitbonanta ʹal-mékomo véénénou
וַעֲנָוִים יִירְשׁוּ־אָרֶץ וְהִתְעַנְּגוּ עַל־רֹב שָׁלוֹם׃
Vaʹanavime yirchou-aréts véhitʹanéguou ʹal-rov chalome
זֹמֵם רָשָׁע לַצַּדִּיק וְחֹרֵק עָלָיו שִׁנָּיו׃
Zomème rachaʹ latsadik véʹhorèk ʹalav chinav
אֲדֹנָי יִשְׂחַק־לוֹ כִּי־רָאָה כִּי־יָבֹא יוֹמוֹ׃
Ado-naï yisʹhak-lo ki-raa ki-yavo yomo
חֶרֶב פָּתְחוּ רְשָׁעִים וְדָרְכוּ קַשְׁתָּם לְהַפִּיל עָנִי וְאֶבְיוֹן לִטְבוֹחַ יִשְׁרֵי־דָרֶךְ׃
ʹHéréve patʹhou réchaʹime védarkhou kachtame léhapil ʹani véèvyone litvoaʹh yichré-darèkh
חַרְבָּם תָּבוֹא בְלִבָּם וְקַשְּׁתוֹתָם תִּשָּׁבַרְנָה׃
ʹHarbame tavo vélibame vékachtotame tichavarna
טוֹב־מְעַט לַצַּדִּיק מֵהֲמוֹן רְשָׁעִים רַבִּים׃
Tov-méʹate latsadik méhamone réchaʹime rabime
כִּי זְרוֹעוֹת רְשָׁעִים תִּשָּׁבַרְנָה וְסוֹמֵךְ צַדִּיקִים יְהוָה׃
Ki zéroʹote réchaʹime tichavarna vésomèkh tsaddikime Ado-naï
יוֹדֵעַ יְהוָה יְמֵי תְמִימִם וְנַחֲלָתָם לְעוֹלָם תִּהְיֶה׃
Yodéaʹ Ado-naï yémé témimime vénaʹhalatame léʹolame tihyé
לֹא־יֵבֹשׁוּ בְּעֵת רָעָה וּבִימֵי רְעָבוֹן יִשְׂבָּעוּ׃
Lo-yévochou béʹète raʹa ouvimé réʹavone yisbaʹou
כִּי רְשָׁעִים יֹאבֵדוּ וְאֹיְבֵי יְהוָה כִּיקַר כָּרִים כָּלוּ בֶעָשָׁן כָּלוּ׃
Ki réchaʹime yovédou véoyvé Ado-naï kikar karime kalou véʹachane kalou
לֹוֶה רָשָׁע וְלֹא יְשַׁלֵּם וְצַדִּיק חוֹנֵן וְנוֹתֵן׃
Lové rachaʹ vélo yéchalème vétsadik ʹhonène vénotène
כִּי מְבֹרָכָיו יִירְשׁוּ אָרֶץ וּמְקֻלָּלָיו יִכָּרֵתוּ׃
Ki mévorakhav yirchou aréts oumkoulalav yikarétou
מֵיְהוָה מִצְעֲדֵי־גֶבֶר כּוֹנָנוּ וְדַרְכּוֹ יֶחְפָּץ׃
Mèyhva mitsʹadé-guévèr konanou védarko yèʹhpats
כִּי־יִפֹּל לֹא־יוּטָל כִּי־יְהוָה סוֹמֵךְ יָדוֹ׃
Ki-yipol lo-youtal ki-Ado-naï somèkh yado
נַעַר הָיִיתִי גַּם־זָקַנְתִּי וְלֹא־רָאִיתִי צַדִּיק נֶעֱזָב וְזַרְעוֹ מְבַקֶּשׁ־לָחֶם׃
Naʹar hayiti game-zakanti vélo-raiti tsadik néʹézav vézarʹo mévakèche-laʹhème
כָּל־הַיּוֹם חוֹנֵן וּמַלְוֶה וְזַרְעוֹ לִבְרָכָה׃
Kole-hayome ʹhonène oumalvé vézarʹo liv-rakha
סוּר מֵרָע וַעֲשֵׂה־טוֹב וּשְׁכֹן לְעוֹלָם׃
Sour méraʹ vaʹasé-tov ouchkhone léʹolame
כִּי יְהוָה אֹהֵב מִשְׁפָּט וְלֹא־יַעֲזֹב אֶת־חֲסִידָיו לְעוֹלָם נִשְׁמָרוּ וְזֶרַע רְשָׁעִים נִכְרָת׃
Ki Ado-naï ohèv michpate vélo-yaʹazov ète-ʹhasidav léʹolame nichmarou vézéraʹ réchaʹime nikhrate
צַדִּיקִים יִירְשׁוּ־אָרֶץ וְיִשְׁכְּנוּ לָעַד עָלֶיהָ׃
Tsaddikime yirchou-aréts véyichkénou laʹad ʹaléha
פִּי־צַדִּיק יֶהְגֶּה חָכְמָה וּלְשׁוֹנוֹ תְּדַבֵּר מִשְׁפָּט׃
Pi-tsadik yèhgué ʹhokhma oulchono tédabèr michpate
תּוֹרַת אֱלֹהָיו בְּלִבּוֹ לֹא תִמְעַד אֲשֻׁרָיו׃
Torate élo-hav bélibo lo timʹade achourav
צוֹפֶה רָשָׁע לַצַּדִּיק וּמְבַקֵּשׁ לַהֲמִיתוֹ׃
Tsofé rachaʹ latsadik oumvakèche lahamito
יְהוָה לֹא־יַעַזְבֶנּוּ בְיָדוֹ וְלֹא יַרְשִׁיעֶנּוּ בְּהִשָּׁפְטוֹ׃
Ado-naï lo-yaʹazvénou véyado vélo yarchiʹénou béhichafto
קַוֵּה אֶל־יְהוָה וּשְׁמֹר דַּרְכּוֹ וִירוֹמִמְךָ לָרֶשֶׁת אָרֶץ בְּהִכָּרֵת רְשָׁעִים תִּרְאֶה׃
Kavé el-Ado-naï ouchmor darko viromimkha laréchète aréts béhikarète réchaʹime tiré
רָאִיתִי רָשָׁע עָרִיץ וּמִתְעָרֶה כְּאֶזְרָח רַעֲנָן׃
Raiti rachaʹ ʹarits oumitʹaré kéèzraʹh raʹanane
וַיַּעֲבֹר וְהִנֵּה אֵינֶנּוּ וָאֲבַקְשֵׁהוּ וְלֹא נִמְצָא׃
Vayaʹavor véhiné énénou vaavakchéhou vélo nimtsa
שְׁמָר־תָּם וּרְאֵה יָשָׁר כִּי־אַחֲרִית לְאִישׁ שָׁלוֹם׃
Chémar-tame ouré yachar ki-aʹharite léiche chalome
וּפֹשְׁעִים נִשְׁמְדוּ יַחְדָּו אַחֲרִית רְשָׁעִים נִכְרָתָה׃
Oufochʹime nichmédou yaʹhdav aʹharite réchaʹime nikhrata
וּתְשׁוּעַת צַדִּיקִים מֵיְהוָה מָעוּזָּם בְּעֵת צָרָה׃
Outchouʹate tsaddikime mèyhva maʹouzame béʹète tsara
וַיַּעְזְרֵם יְהוָה וַיְפַלְּטֵם יְפַלְּטֵם מֵרְשָׁעִים וְיוֹשִׁיעֵם כִּי־חָסוּ בוֹ׃
Vayaʹzérème Ado-naï vayfalétème yéfalétème mèrchaʹime véochiʹème ki-ʹhasou vo