לְדָוִד רִיבָה יְהוָה אֶת־יְרִיבַי לְחַם אֶת־לֹחֲמָי׃
Lédavide riva Ado-naï ète-yérivaï léʹhame ète-loʹhamaï
הַחֲזֵק מָגֵן וְצִנָּה וְקוּמָה בְּעֶזְרָתִי׃
Haʹhazèk maguène vétsina vékouma béʹèzrati
וְהָרֵק חֲנִית וּסְגֹר לִקְרַאת רֹדְפָי אֱמֹר לְנַפְשִׁי יְשֻׁעָתֵךְ אָנִי׃
Véharèk ʹhanite ousgor likrate rodfaï émor lénafchi yéchouʹatèkh ani
יֵבֹשׁוּ וְיִכָּלְמוּ מְבַקְשֵׁי נַפְשִׁי יִסֹּגוּ אָחוֹר וְיַחְפְּרוּ חֹשְׁבֵי רָעָתִי׃
Yévochou véyikalmou mévakché nafchi yisoguou aʹhor véyaʹhpérou ʹhochvé raʹati
יִהְיוּ כְּמֹץ לִפְנֵי־רוּחַ וּמַלְאַךְ יְהוָה דּוֹחֶה׃
Yihyou kémots lif-né-rouaʹh oumalakh Ado-naï doʹhé
יְהִי־דַרְכָּם חֹשֶׁךְ וַחֲלַקְלַקּוֹת וּמַלְאַךְ יְהוָה רֹדְפָם׃
Yéhi-darkame ʹhochékh vaʹhalaklakote oumalakh Ado-naï rodfame
כִּי־חִנָּם טָמְנוּ־לִי שַׁחַת רִשְׁתָּם חִנָּם חָפְרוּ לְנַפְשִׁי׃
Ki-ʹhiname tamnou-li chaʹhate richtame ʹhiname ʹhafrou lénafchi
תְּבוֹאֵהוּ שׁוֹאָה לֹא־יֵדָע וְרִשְׁתּוֹ אֲשֶׁר־טָמַן תִּלְכְּדוֹ בְּשׁוֹאָה יִפָּל־בָּהּ׃
Tévoéhou choa lo-yédaʹ vérichto achère-tamane tilkédo béchoa yipal-ba-h
וְנַפְשִׁי תָּגִיל בַּיהוָה תָּשִׂישׂ בִּישׁוּעָתוֹ׃
Vénafchi taguil baïhva tasise bichouʹato
כָּל עַצְמוֹתַי תֹּאמַרְנָה יְהוָה מִי כָמוֹךָ מַצִּיל עָנִי מֵחָזָק מִמֶּנּוּ וְעָנִי וְאֶבְיוֹן מִגֹּזְלוֹ׃
Kole ʹatsmotaï tomarna Ado-naï mi khamokha matsil ʹani méʹhazak miménou véʹani véèvyone migozlo
יְקוּמוּן עֵדֵי חָמָס אֲשֶׁר לֹא־יָדַעְתִּי יִשְׁאָלוּנִי׃
Yékoumoune ʹédé ʹhamase achère lo-yadaʹti yichalouni
יְשַׁלְּמוּנִי רָעָה תַּחַת טוֹבָה שְׁכוֹל לְנַפְשִׁי׃
Yéchalémouni raʹa taʹhate tova chékhol lénafchi
וַאֲנִי בַּחֲלוֹתָם לְבוּשִׁי שָׂק עִנֵּיתִי בַצּוֹם נַפְשִׁי וּתְפִלָּתִי עַל־חֵיקִי תָשׁוּב׃
Vaani baʹhalotame lévouchi sak ʹinéti vatsome nafchi outfilati ʹal-ʹhéki tachouv
כְּרֵעַ־כְּאָח לִי הִתְהַלָּכְתִּי כַּאֲבֶל־אֵם קֹדֵר שַׁחוֹתִי׃
Kéréaʹ-kéaʹh li hithalakhti kaavèl-ème kodèr chaʹhoti
וּבְצַלְעִי שָׂמְחוּ וְנֶאֱסָפוּ נֶאֶסְפוּ עָלַי נֵכִים וְלֹא יָדַעְתִּי קָרְעוּ וְלֹא־דָמּוּ׃
Ouvtsalʹi samʹhou vénéésafou néèsfou ʹalaï nékhime vélo yadaʹti karʹou vélo-damou
בְּחַנְפֵי לַעֲגֵי מָעוֹג חָרֹק עָלַי שִׁנֵּימוֹ׃
Béʹhanfé laʹagué maʹogu ʹharok ʹalaï chinémo
אֲדֹנָי כַּמָּה תִּרְאֶה הָשִׁיבָה נַפְשִׁי מִשֹּׁאֵיהֶם מִכְּפִירִים יְחִידָתִי׃
Ado-naï kama tiré hachiva nafchi michoéhème mikéfirime yéʹhidati
אוֹדְךָ בְּקָהָל רָב בְּעַם עָצוּם אֲהַלְלֶךָּ׃
Odkha békahal rav béʹame ʹatsoume ahalléka
אַל־יִשְׂמְחוּ־לִי אֹיְבַי שֶׁקֶר שֹׂנְאַי חִנָּם יִקְרְצוּ־עָיִן׃
Al-yisméʹhou-li oyvaï chékère sonaï ʹhiname yikrétsou-ʹayine
כִּי לֹא שָׁלוֹם יְדַבֵּרוּ וְעַל רִגְעֵי־אֶרֶץ דִּבְרֵי מִרְמוֹת יַחֲשֹׁבוּן׃
Ki lo chalome yédabérou véʹal riguʹé-érèts divré mirmote yaʹhachovoune
וַיַּרְחִיבוּ עָלַי פִּיהֶם אָמְרוּ הֶאָח הֶאָח רָאֲתָה עֵינֵינוּ׃
Vayarʹhivou ʹalaï pihème amrou héaʹh héaʹh raata ʹénénou
רָאִיתָה יְהוָה אַל־תֶּחֱרַשׁ אֲדֹנָי אֲל־תִּרְחַק מִמֶּנִּי׃
Raita Ado-naï al-téʹhérache ado-naï al-tirʹhak miméni
הָעִירָה וְהָקִיצָה לְמִשְׁפָּטִי אֱלֹהַי וַאדֹנָי לְרִיבִי׃
Haʹira véhakitsa lémichpati Élohé vadonaï lérivi
שָׁפְטֵנִי כְצִדְקְךָ יְהוָה אֱלֹהָי וְאַל־יִשְׂמְחוּ־לִי׃
Chafténi khétsidkékha Ado-naï Élohé véal-yisméʹhou-li
אַל־יֹאמְרוּ בְלִבָּם הֶאָח נַפְשֵׁנוּ אַל־יֹאמְרוּ בִּלַּעֲנוּהוּ׃
Al-yomrou vélibame héaʹh nafchénou al-yomrou bilaʹanouhou
יֵבֹשׁוּ וְיַחְפְּרוּ יַחְדָּו שְׂמֵחֵי רָעָתִי יִלְבְּשׁוּ־בֹשֶׁת וּכְלִמָּה הַמַּגְדִּילִים עָלָי׃
Yévochou véyaʹhpérou yaʹhdav séméʹhé raʹati yilbéchou-vochète oukhlima hamagudilime ʹalaï
יָרֹנּוּ וְיִשְׂמְחוּ חֲפֵצֵי צִדְקִי וְיֹאמְרוּ תָמִיד יִגְדַּל יְהוָה הֶחָפֵץ שְׁלוֹם עַבְדּוֹ׃
Yaronou véyisméʹhou ʹhafétsé tsidki véyomrou tamide yigudal Ado-naï héʹhafèts chélome ʹavdo
וּלְשׁוֹנִי תֶּהְגֶּה צִדְקֶךָ כָּל־הַיּוֹם תְּהִלָּתֶךָ׃
Oulchoni tèhgué tsidkékha kole-hayome téhilatékha