לְדָוִד בְּשַׁנּוֹתוֹ אֶת־טַעְמוֹ לִפְנֵי אֲבִימֶלֶךְ וַיְגָרֲשֵׁהוּ וַיֵּלַךְ׃
Lédavide béchanoto ète-taʹmo lif-né avimélèkh vaygarachéhou vayélakh
אֲבָרֲכָה אֶת־יְהוָה בְּכָל־עֵת תָּמִיד תְּהִלָּתוֹ בְּפִי׃
Avarakha ète-Ado-naï békhol-ʹète tamide téhilato béfi
בַּיהוָה תִּתְהַלֵּל נַפְשִׁי יִשְׁמְעוּ עֲנָוִים וְיִשְׂמָחוּ׃
Baïhva tithalèl nafchi yichméʹou ʹanavime véyismaʹhou
גַּדְּלוּ לַיהוָה אִתִּי וּנְרוֹמְמָה שְׁמוֹ יַחְדָּו׃
Gadélou laïhva iti ounromma chémo yaʹhdav
דָּרַשְׁתִּי אֶת־יְהוָה וְעָנָנִי וּמִכָּל־מְגוּרוֹתַי הִצִּילָנִי׃
Darachti ète-Ado-naï véʹanani oumikal-méguourotaï hitsilani
הִבִּיטוּ אֵלָיו וְנָהָרוּ וּפְנֵיהֶם אַל־יֶחְפָּרוּ׃
Hibitou élav vénaharou oufnéhème al-yèʹhparou
זֶה עָנִי קָרָא וַיהוָה שָׁמֵעַ וּמִכָּל־צָרוֹתָיו הוֹשִׁיעוֹ׃
Zé ʹani kara vaïhva chaméaʹ oumikal-tsarotav hochiʹo
חֹנֶה מַלְאַךְ־יְהוָה סָבִיב לִירֵאָיו וַיְחַלְּצֵם׃
ʹHoné malakh-Ado-naï saviv liréav vayʹhalétsème
טַעֲמוּ וּרְאוּ כִּי־טוֹב יְהוָה אַשְׁרֵי הַגֶּבֶר יֶחֱסֶה־בּוֹ׃
Taʹamou ourou ki-tov Ado-naï achré haguévèr yéʹhésé-bo
יְראוּ אֶת־יְהוָה קְדֹשָׁיו כִּי־אֵין מַחְסוֹר לִירֵאָיו׃
Yérou ète-Ado-naï kédochav ki-ène maʹhsor liréav
כְּפִירִים רָשׁוּ וְרָעֵבוּ וְדֹרְשֵׁי יְהוָה לֹא־יַחְסְרוּ כָל־טוֹב׃
Kéfirime rachou véraʹévou védorché Ado-naï lo-yaʹhsérou khole-tov
לְכוּ־בָנִים שִׁמְעוּ־לִי יִרְאַת יְהוָה אֲלַמֶּדְכֶם׃
Lékhou-vanime chimʹou-li yirate Ado-naï alamèdkhème
מִי־הָאִישׁ הֶחָפֵץ חַיִּים אֹהֵב יָמִים לִרְאוֹת טוֹב׃
Mi-haiche héʹhafèts ʹhaïm ohèv yamime lire-ote tov
נְצֹר לְשׁוֹנְךָ מֵרָע וּשְׂפָתֶיךָ מִדַּבֵּר מִרְמָה׃
Nétsor léchonkha méraʹ ousfatékha midabèr mirma
סוּר מֵרָע וַעֲשֵׂה־טוֹב בַּקֵּשׁ שָׁלוֹם וְרָדְפֵהוּ׃
Sour méraʹ vaʹasé-tov bakèche chalome véradféhou
עֵינֵי יְהוָה אֶל־צַדִּיקִים וְאָזְנָיו אֶל־שַׁוְעָתָם׃
ʹÉné Ado-naï el-tsaddikime véaznav el-chavʹatame
פְּנֵי יְהוָה בְּעֹשֵׂי רָע לְהַכְרִית מֵאֶרֶץ זִכְרָם׃
Péné Ado-naï béʹosé raʹ léhakhrite méérèts zikhrame
צָעֲקוּ וַיהוָה שָׁמֵעַ וּמִכָּל־צָרוֹתָם הִצִּילָם׃
Tsaʹakou vaïhva chaméaʹ oumikal-tsarotame hitsilame
קָרוֹב יְהוָה לְנִשְׁבְּרֵי־לֵב וְאֶת־דַּכְּאֵי־רוּחַ יוֹשִׁיעַ׃
Karov Ado-naï lénichbéré-lèv véète-dakéé-rouaʹh yochiaʹ
רַבּוֹת רָעוֹת צַדִּיק וּמִכֻּלָּם יַצִּילֶנּוּ יְהוָה׃
Rabote raʹote tsadik oumikoulame yatsilénou Ado-naï
שֹׁמֵר כָּל־עַצְמוֹתָיו אַחַת מֵהֵנָּה לֹא נִשְׁבָּרָה׃
Chomèr kole-ʹatsmotav aʹhate méhéna lo nichbara
תְּמוֹתֵת רָשָׁע רָעָה וְשֹׂנְאֵי צַדִּיק יֶאְשָׁמוּ׃
Témotète rachaʹ raʹa vésoné tsadik yèchamou
פּוֹדֶה יְהוָה נֶפֶשׁ עֲבָדָיו וְלֹא יֶאְשְׁמוּ כָּל־הַחֹסִים בּוֹ׃
Podé Ado-naï néfèche ʹavadav vélo yèchémou kole-haʹhosime bo