רַנְּנוּ צַדִּיקִים בַּיהוָה לַיְשָׁרִים נָאוָה תְהִלָּה׃
Ranénou tsaddikime baïhva laycharime nava téhila
הוֹדוּ לַיהוָה בְּכִנּוֹר בְּנֵבֶל עָשׂוֹר זַמְּרוּ־לוֹ׃
Hodou laïhva békhinor bénévèl ʹasor zamérou-lo
שִׁירוּ־לוֹ שִׁיר חָדָשׁ הֵיטִיבוּ נַגֵּן בִּתְרוּעָה׃
Chirou-lo chir ʹhadache hétivou naguène bitrouʹa
כִּי־יָשָׁר דְּבַר־יְהוָה וְכָל־מַעֲשֵׂהוּ בֶּאֱמוּנָה׃
Ki-yachar dévar-Ado-naï vékhol-maʹaséhou béémouna
אֹהֵב צְדָקָה וּמִשְׁפָּט חֶסֶד יְהוָה מָלְאָה הָאָרֶץ׃
Ohèv tsédaka oumichpate ʹhésède Ado-naï mala haaréts
בִּדְבַר יְהוָה שָׁמַיִם נַעֲשׂוּ וּבְרוּחַ פִּיו כָּל־צְבָאָם׃
Bidvar Ado-naï chamaïm naʹasou ouvrouaʹh piv kole-tsévaame
כֹּנֵס כַּנֵּד מֵי הַיָּם נֹתֵן בְּאֹצָרוֹת תְּהוֹמוֹת׃
Konèse kanède mé hayame notène béotsarote téhomote
יִירְאוּ מֵיְהוָה כָּל־הָאָרֶץ מִמֶּנּוּ יָגוּרוּ כָּל־יֹשְׁבֵי תֵבֵל׃
Yirou mèyhva kole-haaréts miménou yaguourou kole-yochvé tévèle
כִּי הוּא אָמַר וַיֶּהִי הוּא־צִוָּה וַיַּעֲמֹד׃
Ki hou amar vayéhi hou-tsiva vayaʹamode
יְהוָה הֵפִיר עֲצַת־גּוֹיִם הֵנִיא מַחְשְׁבוֹת עַמִּים׃
Ado-naï héfir ʹatsate-guoyime héni maʹhchévote ʹamime
עֲצַת יְהוָה לְעוֹלָם תַּעֲמֹד מַחְשְׁבוֹת לִבּוֹ לְדֹר וָדֹר׃
ʹAtsate Ado-naï léʹolame taʹamode maʹhchévote libo lédor vador
אַשְׁרֵי הַגּוֹי אֲשֶׁר־יְהוָה אֱלֹהָיו הָעָם בָּחַר לְנַחֲלָה לוֹ׃
Achré haguoï achère-Ado-naï élo-hav haʹame baʹhar lénaʹhala lo
מִשָּׁמַיִם הִבִּיט יְהוָה רָאָה אֶת־כָּל־בְּנֵי הָאָדָם׃
Michamayime hibite Ado-naï raa ète-kole-béné haadame
מִמְּכוֹן־שִׁבְתּוֹ הִשְׁגִּיחַ אֶל כָּל־יֹשְׁבֵי הָאָרֶץ׃
Mimékhone-chivto hichguiaʹh el kole-yochvé haaréts
הַיֹּצֵר יַחַד לִבָּם הַמֵּבִין אֶל־כָּל־מַעֲשֵׂיהֶם׃
Hayotsèr yaʹhade libame hamévine el-kole-maʹaséhème
אֵין־הַמֶּלֶךְ נוֹשָׁע בְּרָב־חָיִל גִּבּוֹר לֹא־יִנָּצֵל בְּרָב־כֹּחַ׃
Ène-hamélèkh nochaʹ bérav-ʹhayil guibor lo-yinatsèl bérav-koaʹh
שֶׁקֶר הַסּוּס לִתְשׁוּעָה וּבְרֹב חֵילוֹ לֹא יְמַלֵּט׃
Chékère hasouse litchouʹa ouvrov ʹhélo lo yémalète
הִנֵּה עֵין יְהוָה אֶל־יְרֵאָיו לַמְיַחֲלִים לְחַסְדּוֹ׃
Hiné ʹène Ado-naï el-yéréave lamyaʹhalime léʹhasdo
לְהַצִּיל מִמָּוֶת נַפְשָׁם וּלְחַיּוֹתָם בָּרָעָב׃
Léhatsil mimavète nafchame oulʹhayotame baraʹav
נַפְשֵׁנוּ חִכְּתָה לַיהוָה עֶזְרֵנוּ וּמָגִנֵּנוּ הוּא׃
Nafchénou ʹhikéta laïhva ʹEzrénou oumaguinénou hou
כִּי־בוֹ יִשְׂמַח לִבֵּנוּ כִּי בְשֵׁם קָדְשׁוֹ בָטָחְנוּ׃
Ki-vo yismaʹh libénou ki véchème kadcho vataʹhnou
יְהִי־חַסְדְּךָ יְהוָה עָלֵינוּ כַּאֲשֶׁר יִחַלְנוּ לָךְ׃
Yéhi-ʹhasdékha Ado-naï ʹalénou kaachère yiʹhalenou lakh