מִזְמוֹר לְדָוִד בְּבָרְחוֹ מִפְּנֵי אַבְשָׁלוֹם בְּנוֹ׃
Mizmor lédavide bévarʹho mipéné avchalome béno
יְהוָה מָה־רַבּוּ צָרָי רַבִּים קָמִים עָלָי׃
Ado-naï ma-rabou tsaraï rabime kamime ʹalaï
רַבִּים אֹמְרִים לְנַפְשִׁי אֵין יְשׁוּעָתָה לּוֹ בֵאלֹהִים סֶלָה׃
Rabime omrime lénafchi ène yéchouʹata lo vélohime séla
וְאַתָּה יְהוָה מָגֵן בַּעֲדִי כְּבוֹדִי וּמֵרִים רֹאשִׁי׃
Véata Ado-naï maguène baʹadi kévodi oumérime rochi
קוֹלִי אֶל־יְהוָה אֶקְרָא וַיַּעֲנֵנִי מֵהַר קָדְשׁוֹ סֶלָה׃
Koli el-Ado-naï èkra vayaʹanéni méhar kadcho séla
אֲנִי שָׁכַבְתִּי וָאִישָׁנָה הֱקִיצוֹתִי כִּי יְהוָה יִסְמְכֵנִי׃
Ani chakhavti vaichana hékitsoti ki Ado-naï yismékhéni
לֹא־אִירָא מֵרִבְבוֹת עָם אֲשֶׁר סָבִיב שָׁתוּ עָלָי׃
Lo-ira mérivvote ʹame achère saviv chatou ʹalaï
קוּמָה יְהוָה הוֹשִׁיעֵנִי אֱלֹהַי כִּי־הִכִּיתָ אֶת־כָּל־אֹיְבַי לֶחִי שִׁנֵּי רְשָׁעִים שִׁבַּרְתָּ׃
Kouma Ado-naï hochiʹéni Élohé ki-hikita ète-kole-oyvaï léʹhi chiné réchaʹime chibarta
לַיהוָה הַיְשׁוּעָה עַל־עַמְּךָ בִרְכָתֶךָ סֶּלָה׃
Laïhva haychouʹa ʹal-ʹamékha virkhatékha séla