לְדָוִד אֵלֶיךָ יְהוָה נַפְשִׁי אֶשָּׂא׃
Lédavide élékha Ado-naï nafchi ésa
אֱלֹהַי בְּךָ בָטַחְתִּי אַל־אֵבוֹשָׁה אַל־יַעַלְצוּ אֹיְבַי לִי׃
Élohé békha vataʹhti al-évocha al-yaʹaltsou oyvaï li
גַּם כָּל־קֹוֶיךָ לֹא יֵבֹשׁוּ יֵבֹשׁוּ הַבּוֹגְדִים רֵיקָם׃
Game kole-kovékha lo yévochou yévochou habogudime rékame
דְּרָכֶיךָ יְהוָה הוֹדִיעֵנִי אֹרְחוֹתֶיךָ לַמְּדֵנִי׃
Dérakhékha Ado-naï hodiʹéni orʹhotékha lamédéni
הַדְרִיכֵנִי בַאֲמִתֶּךָ וְלַמְּדֵנִי כִּי־אַתָּה אֱלֹהֵי יִשְׁעִי אוֹתְךָ קִוִּיתִי כָּל־הַיּוֹם׃
Hadrikhéni vaamitékha vélamédéni ki-ata élohé yichʹi otkha kiviti kole-hayome
זְכֹר־רַחֲמֶיךָ יְהוָה וַחֲסָדֶיךָ כִּי מֵעוֹלָם הֵמָּה׃
Zékhor-raʹhamékha Ado-naï vaʹhassadékha ki méʹolame héma
חַטֹּאות נְעוּרַי וּפְשָׁעַי אַל־תִּזְכֹּר כְּחַסְדְּךָ זְכָר־לִי־אַתָּה לְמַעַן טוּבְךָ יְהוָה׃
ʹHatovte néʹouraï oufchaʹaï al-tizkor kéʹhasdékha zékhar-li-ata lémaʹane touvkha Ado-naï
טוֹב־וְיָשָׁר יְהוָה עַל־כֵּן יוֹרֶה חַטָּאִים בַּדָּרֶךְ׃
Tov-véyachar Ado-naï ʹal-kène yoré ʹhataime badarèkh
יַדְרֵךְ עֲנָוִים בַּמִּשְׁפָּט וִילַמֵּד עֲנָוִים דַּרְכּוֹ׃
Yadrèkh ʹanavime bamichpate vilamède ʹanavime darko
כָּל־אָרְחוֹת יְהוָה חֶסֶד וֶאֱמֶת לְנֹצְרֵי בְרִיתוֹ וְעֵדֹתָיו׃
Kole-arʹhote Ado-naï ʹhésède véémète lénotsré vérito véʹédotav
לְמַעַן־שִׁמְךָ יְהוָה וְסָלַחְתָּ לַעֲוֺנִי כִּי רַב־הוּא׃
Lémaʹane-chim-kha Ado-naï vésalaʹhta laʹaoni ki rav-hou
מִי־זֶה הָאִישׁ יְרֵא יְהוָה יוֹרֶנּוּ בְּדֶרֶךְ יִבְחָר׃
Mi-zé haiche yéré Ado-naï yorénou bédérèkh yivʹhar
נַפְשׁוֹ בְּטוֹב תָּלִין וְזַרְעוֹ יִירַשׁ אָרֶץ׃
Nafcho bétov taline vézarʹo yirache aréts
סוֹד יְהוָה לִירֵאָיו וּבְרִיתוֹ לְהוֹדִיעָם׃
Sode Ado-naï liréav ouvrito léhodiʹame
עֵינַי תָּמִיד אֶל־יְהוָה כִּי הוּא־יוֹצִיא מֵרֶשֶׁת רַגְלָי׃
ʹÉnaï tamide el-Ado-naï ki hou-yotsi méréchète ragulaï
פְּנֵה־אֵלַי וְחָנֵּנִי כִּי־יָחִיד וְעָנִי אָנִי׃
Péné-élaï véʹhanéni ki-yaʹhide véʹani ani
צָרוֹת לְבָבִי הִרְחִיבוּ מִמְּצוּקוֹתַי הוֹצִיאֵנִי׃
Tsarote lévavi hirʹhivou mimétsoukotaï hotsiéni
רְאֵה עָנְיִי וַעֲמָלִי וְשָׂא לְכָל־חַטֹּאותָי׃
Réé ʹanyi vaʹamali vessa lékhol-ʹhatovtaï
רְאֵה־אוֹיְבַי כִּי־רָבּוּ וְשִׂנְאַת חָמָס שְׂנֵאוּנִי׃
Réé-oyvaï ki-rabou vésinate ʹhamase sénéouni
שָׁמְרָה נַפְשִׁי וְהַצִּילֵנִי אַל־אֵבוֹשׁ כִּי־חָסִיתִי בָךְ׃
Chamra nafchi véhatsiléni al-évoche ki-ʹhasiti vakh
תֹּם־וָיֹשֶׁר יִצְּרוּנִי כִּי קִוִּיתִיךָ׃
Tome-vayochèr yitsrouni ki kivitikha
פְּדֵה אֱלֹהִים אֶת־יִשְׂרָאֵל מִכֹּל צָרוֹתָיו׃
Pédé Élo-him ète-ysraël mikol tsarotav