לְדָוִד מִזְמוֹר לַיהוָה הָאָרֶץ וּמְלוֹאָהּ תֵּבֵל וְיֹשְׁבֵי בָהּ׃
Lédavide mizmor laïhva haaréts oumloa tévèl véyochvé va
כִּי־הוּא עַל־יַמִּים יְסָדָהּ וְעַל־נְהָרוֹת יְכוֹנְנֶהָ׃
Ki-hou ʹal-yamime yésada véʹal-néharote yékhonnéha
מִי־יַעֲלֶה בְהַר־יְהוָה וּמִי־יָקוּם בִּמְקוֹם קָדְשׁוֹ׃
Mi-yaʹalé véhar-Ado-naï oumi-yakoume bimkome kadcho
נְקִי כַפַּיִם וּבַר־לֵבָב אֲשֶׁר לֹא־נָשָׂא לַשָּׁוְא נַפְשִׁי וְלֹא נִשְׁבַּע לְמִרְמָה׃
Néki khapayime ouvar-lévav achère lo-nasa lachav nafchi vélo nichbaʹ lémirma
יִשָּׂא בְרָכָה מֵאֵת יְהוָה וּצְדָקָה מֵאֱלֹהֵי יִשְׁעוֹ׃
Yisa vérakha méète Ado-naï outsdaka méélohé yichʹo
זֶה דּוֹר דרשו [דֹּרְשָׁיו] מְבַקְשֵׁי פָנֶיךָ יַעֲקֹב סֶלָה׃
Zé dor dorchav mévakché fanékha yaʹakov séla
שְׂאוּ שְׁעָרִים רָאשֵׁיכֶם וְהִנָּשְׂאוּ פִּתְחֵי עוֹלָם וְיָבוֹא מֶלֶךְ הַכָּבוֹד׃
Séou chéʹarime rachékhème véhinasou pitʹhé ʹolame véyavo mélèkh hakavod
מִי זֶה מֶלֶךְ הַכָּבוֹד יְהוָה עִזּוּז וְגִבּוֹר יְהוָה גִּבּוֹר מִלְחָמָה׃
Mi zé mélèkh hakavod Ado-naï ʹizouz véguibor Ado-naï guibor milʹhama
שְׂאוּ שְׁעָרִים רָאשֵׁיכֶם וּשְׂאוּ פִּתְחֵי עוֹלָם וְיָבֹא מֶלֶךְ הַכָּבוֹד׃
Séou chéʹarime rachékhème ousou pitʹhé ʹolame véyavo mélèkh hakavod
מִי הוּא זֶה מֶלֶךְ הַכָּבוֹד יְהוָה צְבָאוֹת הוּא מֶלֶךְ הַכָּבוֹד סֶלָה׃
Mi hou zé mélèkh hakavod Ado-naï tsévaote hou mélèkh hakavod séla