לַמְנַצֵּחַ עַל־אַיֶּלֶת הַשַּׁחַר מִזְמוֹר לְדָוִד׃
Lamnatséaʹh ʹal-ayélète hachaʹhar mizmor lédavide
אֵלִי אֵלִי לָמָה עֲזַבְתָּנִי רָחוֹק מִישׁוּעָתִי דִּבְרֵי שַׁאֲגָתִי׃
Éli éli lama ʹazavtani raʹhok michouʹati divré chaagati
אֱלֹהַי אֶקְרָא יוֹמָם וְלֹא תַעֲנֶה וְלַיְלָה וְלֹא־דוּמִיָּה לִי׃
Élohé èkra yomame vélo taʹané vélayla vélo-doumiya li
וְאַתָּה קָדוֹשׁ יוֹשֵׁב תְּהִלּוֹת יִשְׂרָאֵל׃
Véata kadoche yochèv téhilote ysraël
בְּךָ בָּטְחוּ אֲבֹתֵינוּ בָּטְחוּ וַתְּפַלְּטֵמוֹ׃
Békha batʹhou avoténou batʹhou vatéfalétémo
אֵלֶיךָ זָעֲקוּ וְנִמְלָטוּ בְּךָ בָטְחוּ וְלֹא־בוֹשׁוּ׃
Élékha zaʹakou vénimlatou békha vatʹhou vélo-vochou
וְאָנֹכִי תוֹלַעַת וְלֹא־אִישׁ חֶרְפַּת אָדָם וּבְזוּי עָם׃
Véanokhi tolaʹate vélo-iche ʹhèrpate adame ouvzouï ʹame
כָּל־רֹאַי יַלְעִגוּ לִי יַפְטִירוּ בְשָׂפָה יָנִיעוּ רֹאשׁ׃
Kole-roaï yalʹiguou li yaftirou vésafa yaniʹou roche
גֹּל אֶל־יְהוָה יְפַלְּטֵהוּ יַצִּילֵהוּ כִּי חָפֵץ בּוֹ׃
Gol el-Ado-naï yéfalétéhou yatsiléhou ki ʹhafèts bo
כִּי־אַתָּה גֹחִי מִבָּטֶן מַבְטִיחִי עַל־שְׁדֵי אִמִּי׃
Ki-ata goʹhi mibatène mavtiʹhi ʹal-chédé imi
עָלֶיךָ הָשְׁלַכְתִּי מֵרָחֶם מִבֶּטֶן אִמִּי אֵלִי אָתָּה׃
ʹAlékha hachlakhti méraʹhème mibétène imi éli ata
אַל־תִּרְחַק מִמֶּנִּי כִּי־צָרָה קְרוֹבָה כִּי־אֵין עוֹזֵר׃
Al-tirʹhak miméni ki-tsara kérova ki-ène ozère
סְבָבוּנִי פָּרִים רַבִּים אַבִּירֵי בָשָׁן כִּתְּרוּנִי׃
Sévavouni parime rabime abiré vachane kitérouni
פָּצוּ עָלַי פִּיהֶם אַרְיֵה טֹרֵף וְשֹׁאֵג׃
Patsou ʹalaï pihème aryé torèfe véchoègu
כַּמַּיִם נִשְׁפַּכְתִּי וְהִתְפָּרְדוּ כָּל־עַצְמוֹתָי הָיָה לִבִּי כַּדּוֹנָג נָמֵס בְּתוֹךְ מֵעָי׃
Kamayime nichpakhti véhitpardou kole-ʹatsmotaï haya libi kadonagu namèse bétokh méʹaï
יָבֵשׁ כַּחֶרֶשׂ כֹּחִי וּלְשׁוֹנִי מֻדְבָּק מַלְקוֹחָי וְלַעֲפַר־מָוֶת תִּשְׁפְּתֵנִי׃
Yavèche kaʹhérèse koʹhi oulchoni moudbak malkoʹhaï vélaʹafar-mavète tichpéténi
כִּי סְבָבוּנִי כְּלָבִים עֲדַת מְרֵעִים הִקִּיפוּנִי כָּאֲרִי יָדַי וְרַגְלָי׃
Ki sévavouni kélavime ʹadate méréʹime hikifouni kaari yadaï véragulaï
אֲסַפֵּר כָּל־עַצְמוֹתָי הֵמָּה יַבִּיטוּ יִרְאוּ־בִי׃
Asapèr kole-ʹatsmotaï héma yabitou yirou-vi
יְחַלְּקוּ בְגָדַי לָהֶם וְעַל־לְבוּשִׁי יַפִּילוּ גוֹרָל׃
Yéʹhalékou végadaï lahème véʹal-lévouchi yapilou guoral
וְאַתָּה יְהוָה אַל־תִּרְחָק אֱיָלוּתִי לְעֶזְרָתִי חוּשָׁה׃
Véata Ado-naï al-tirʹhak éyalouti léʹèzrati ʹhoucha
הַצִּילָה מֵחֶרֶב נַפְשִׁי מִיַּד־כֶּלֶב יְחִידָתִי׃
Hatsila méʹhérèv nafchi miyade-kélèv yéʹhidati
הוֹשִׁיעֵנִי מִפִּי אַרְיֵה וּמִקַּרְנֵי רֵמִים עֲנִיתָנִי׃
Hochiʹéni mipi aryé oumikarné rémime ʹanitani
אֲסַפְּרָה שִׁמְךָ לְאֶחָי בְּתוֹךְ קָהָל אֲהַלְלֶךָּ׃
Asapéra chim-kha lééʹhaï bétokh kahal ahalléka
יִרְאֵי יְהוָה הַלְלוּהוּ כָּל־זֶרַע יַעֲקֹב כַּבְּדוּהוּ וְגוּרוּ מִמֶּנּוּ כָּל־זֶרַע יִשְׂרָאֵל׃
Yiré Ado-naï hallouhou kole-zéraʹ yaʹakov kabédouhou véguourou miménou kole-zéraʹ ysraël
כִּי לֹא־בָזָה וְלֹא שִׁקַּץ עֱנוּת עָנִי וְלֹא־הִסְתִּיר פָּנָיו מִמֶּנּוּ וּבְשַׁוְּעוֹ אֵלָיו שָׁמֵעַ׃
Ki lo-vaza vélo chikats ʹénoute ʹani vélo-histir panav miménou ouvchaouʹo élav chaméaʹ
מֵאִתְּךָ תְהִלָּתִי בְּקָהָל רָב נְדָרַי אֲשַׁלֵּם נֶגֶד יְרֵאָיו׃
Mé-itékha téhilati békahal rav nédaraï achalème néguède yéréave
יֹאכְלוּ עֲנָוִים וְיִשְׂבָּעוּ יְהַלְלוּ יְהוָה דֹּרְשָׁיו יְחִי לְבַבְכֶם לָעַד׃
Yokhlou ʹanavime véyisbaʹou yéhallou Ado-naï dorchav yéʹhi lévavkhème laʹad
יִזְכְּרוּ וְיָשֻׁבוּ אֶל־יְהוָה כָּל־אַפְסֵי־אָרֶץ וְיִשְׁתַּחֲווּ לְפָנֶיךָ כָּל־מִשְׁפְּחוֹת גּוֹיִם׃
Yizkérou véyachouvou el-Ado-naï kole-afsé-aréts véyichtaʹhavou léfanékha kole-michpéʹhote guoyime
כִּי לַיהוָה הַמְּלוּכָה וּמֹשֵׁל בַּגּוֹיִם׃
Ki laïhva haméloukha oumochèl baguoyime
אָכְלוּ וַיִּשְׁתַּחֲוּוּ כָּל־דִּשְׁנֵי־אֶרֶץ לְפָנָיו יִכְרְעוּ כָּל־יוֹרְדֵי עָפָר וְנַפְשׁוֹ לֹא חִיָּה׃
Akhlou vayichtaʹhaouou kole-dichné-érèts léfanav yikh-réʹou kole-yordé ʹaffare vénafcho lo ʹhiya
זֶרַע יַעַבְדֶנּוּ יְסֻפַּר לַאדֹנָי לַדּוֹר׃
Zéraʹ yaʹavdénou yésoupar ladonaï lador
יָבֹאוּ וְיַגִּידוּ צִדְקָתוֹ לְעַם נוֹלָד כִּי עָשָׂה׃
Yavoou véyaguidou tsidkato léʹame nolade ki ʹasa