לַמְנַצֵּחַ מִזְמוֹר לְדָוִד׃
Lamnatséaʹh mizmor lédavide
יְהוָה בְּעָזְּךָ יִשְׂמַח־מֶלֶךְ וּבִישׁוּעָתְךָ מַה־יגיל [יָּגֶל] מְאֹד׃
Ado-naï béʹazékha yismaʹh-mélèkh ouvichouʹatkha ma-yaguèl méode
תַּאֲוַת לִבּוֹ נָתַתָּה לּוֹ וַאֲרֶשֶׁת שְׂפָתָיו בַּל־מָנַעְתָּ סֶּלָה׃
Taavate libo natata lo vaaréchète séfatav bal-manaʹta séla
כִּי־תְקַדְּמֶנּוּ בִּרְכוֹת טוֹב תָּשִׁית לְרֹאשׁוֹ עֲטֶרֶת פָּז׃
Ki-tékadéménou birkhote tov tachite lérocho ʹatérète paz
חַיִּים שָׁאַל מִמְּךָ נָתַתָּה לּוֹ אֹרֶךְ יָמִים עוֹלָם וָעֶד׃
ʹHaïm chaal mimékha natata lo orèkh yamime ʹolame vaʹède
גָּדוֹל כְּבוֹדוֹ בִּישׁוּעָתֶךָ הוֹד וְהָדָר תְּשַׁוֶּה עָלָיו׃
Gadol kévodo bichouʹatékha hode véhadar téchavé ʹalav
כִּי־תְשִׁיתֵהוּ בְרָכוֹת לָעַד תְּחַדֵּהוּ בְשִׂמְחָה אֶת־פָּנֶיךָ׃
Ki-téchitéhou vérakhote laʹad téʹhadéhou vésimʹha ète-panékha
כִּי־הַמֶּלֶךְ בֹּטֵחַ בַּיהוָה וּבְחֶסֶד עֶלְיוֹן בַּל־יִמּוֹט׃
Ki-hamélèkh botéaʹh baïhva ouvʹhésède ʹèlyone bal-yimote
תִּמְצָא יָדְךָ לְכָל־אֹיְבֶיךָ יְמִינְךָ תִּמְצָא שֹׂנְאֶיךָ׃
Timtsa yadkha lékhol-oyvékha yéminkha timtsa sonékha
תְּשִׁיתֵמוֹ כְּתַנּוּר אֵשׁ לְעֵת פָּנֶיךָ יְהוָה בְּאַפּוֹ יְבַלְּעֵם וְתֹאכְלֵם אֵשׁ׃
Téchitémo kétanour èche léʹète panékha Ado-naï béapo yévaléʹème vétokhlème èche
פִּרְיָמוֹ מֵאֶרֶץ תְּאַבֵּד וְזַרְעָם מִבְּנֵי אָדָם׃
Piryamo méérèts téabède vézarʹame mibéné adame
כִּי־נָטוּ עָלֶיךָ רָעָה חָשְׁבוּ מְזִמָּה בַּל־יוּכָלוּ׃
Ki-natou ʹalékha raʹa ʹhachvou mézima bal-youkhalou
כִּי תְּשִׁיתֵמוֹ שֶׁכֶם בְּמֵיתָרֶיךָ תְּכוֹנֵן עַל־פְּנֵיהֶם׃
Ki téchitémo chékhème bémétarékha tékhonène ʹal-pénéhème
רוּמָה יְהוָה בְּעֻזֶּךָ נָשִׁירָה וּנְזַמְּרָה גְּבוּרָתֶךָ׃
Rouma Ado-naï béʹouzékha nachira ounzaméra guévouratékha