לַמְנַצֵּחַ לְעֶבֶד יְהוָה לְדָוִד אֲשֶׁר דִּבֶּר לַיהוָה אֶת־דִּבְרֵי הַשִּׁירָה הַזֹּאת בְּיוֹם הִצִּיל־יְהוָה אוֹתוֹ מִכַּף כָּל־אֹיְבָיו וּמִיַּד שָׁאוּל׃
Lamnatséaʹh léʹévède Ado-naï lédavide achère dibèr laïhva ète-divré hachira hazote béome hitsil-Ado-naï oto mikafe kole-oyvav oumiyade chaoul
וַיֹּאמַר אֶרְחָמְךָ יְהוָה חִזְקִי׃
Vayomar èrʹhamkha Ado-naï ʹhizki
יְהוָה סַלְעִי וּמְצוּדָתִי וּמְפַלְטִי אֵלִי צוּרִי אֶחֱסֶה־בּוֹ מָגִנִּי וְקֶרֶן־יִשְׁעִי מִשְׂגַּבִּי׃
Ado-naï salʹi oumtsoudati oumfalti éli tsouri éʹhésé-bo maguini vékérène-yichʹi misgabi
מְהֻלָּל אֶקְרָא יְהוָה וּמִן־אֹיְבַי אִוָּשֵׁעַ׃
Méhoulal èkra Ado-naï oumine-oyvaï ivachéaʹ
אֲפָפוּנִי חֶבְלֵי־מָוֶת וְנַחֲלֵי בְלִיַּעַל יְבַעֲתוּנִי׃
Afafouni ʹhèvlé-mavète vénaʹhalé véliyaʹal yévaʹatouni
חֶבְלֵי שְׁאוֹל סְבָבוּנִי קִדְּמוּנִי מוֹקְשֵׁי מָוֶת׃
ʹHèvlé chéol sévavouni kidémouni mokché mavète
בַּצַּר־לִי אֶקְרָא יְהוָה וְאֶל־אֱלֹהַי אֲשַׁוֵּעַ יִשְׁמַע מֵהֵיכָלוֹ קוֹלִי וְשַׁוְעָתִי לְפָנָיו תָּבוֹא בְאָזְנָיו׃
Batsar-li èkra Ado-naï véèl-Élohé achavéaʹ yichmaʹ méhékhalo koli véchavʹati léfanav tavo véaznav
וַתִּגְעַשׁ וַתִּרְעַשׁ הָאָרֶץ וּמוֹסְדֵי הָרִים יִרְגָּזוּ וַיִּתְגָּעֲשׁוּ כִּי־חָרָה לוֹ׃
Vatiguʹache vatirʹache haaréts oumosdé harime yirgazou vayitgaʹachou ki-ʹhara lo
עָלָה עָשָׁן בְּאַפּוֹ וְאֵשׁ־מִפִּיו תֹּאכֵל גֶּחָלִים בָּעֲרוּ מִמֶּנּוּ׃
ʹAla ʹachane béapo véèche-mipiv tokhèl guéʹhalime baʹarou miménou
וַיֵּט שָׁמַיִם וַיֵּרַד וַעֲרָפֶל תַּחַת רַגְלָיו׃
Vayète chamaïm vayérade vaʹarafèl taʹhate ragulav
וַיִּרְכַּב עַל־כְּרוּב וַיָּעֹף וַיֵּדֶא עַל־כַּנְפֵי־רוּחַ׃
Vayirkav ʹal-kérouv vayaʹofe vayédé ʹal-kanfé-rouaʹh
יָשֶׁת חֹשֶׁךְ סִתְרוֹ סְבִיבוֹתָיו סֻכָּתוֹ חֶשְׁכַת־מַיִם עָבֵי שְׁחָקִים׃
Yachète ʹhochékh sitro sévivotav soukato ʹhèchkhate-mayime ʹavé chéʹhakime
מִנֹּגַהּ נֶגְדּוֹ עָבָיו עָבְרוּ בָּרָד וְגַחֲלֵי־אֵשׁ׃
Minoga nègudo ʹavav ʹavrou barade végaʹhalé-èche
וַיַּרְעֵם בַּשָּׁמַיִם יְהוָה וְעֶלְיוֹן יִתֵּן קֹלוֹ בָּרָד וְגַחֲלֵי־אֵשׁ׃
Vayarʹème bachamaïm Ado-naï véʹèlyone yitène kolo barade végaʹhalé-èche
וַיִּשְׁלַח חִצָּיו וַיְפִיצֵם וּבְרָקִים רָב וַיְהֻמֵּם׃
Vayichlaʹh ʹhitsav vayfitsème ouvrakime rav vayhoumème
וַיֵּרָאוּ אֲפִיקֵי מַיִם וַיִּגָּלוּ מוֹסְדוֹת תֵּבֵל מִגַּעֲרָתְךָ יְהוָה מִנִּשְׁמַת רוּחַ אַפֶּךָ׃
Vayéraou afiké mayime vayigalou mosdote tévèl migaʹaratkha Ado-naï minichmate rouaʹh apékha
יִשְׁלַח מִמָּרוֹם יִקָּחֵנִי יַמְשֵׁנִי מִמַּיִם רַבִּים׃
Yichlaʹh mimarome yikaʹhéni yamchéni mimayime rabime
יַצִּילֵנִי מֵאֹיְבִי עָז וּמִשֹּׂנְאַי כִּי־אָמְצוּ מִמֶּנִּי׃
Yatsiléni méoyvi ʹaz oumisonaï ki-amtsou miméni
יְקַדְּמוּנִי בְיוֹם־אֵידִי וַיְהִי־יְהוָה לְמִשְׁעָן לִי׃
Yékadémouni béyome-édi vayhi-Ado-naï lémichʹane li
וַיּוֹצִיאֵנִי לַמֶּרְחָב יְחַלְּצֵנִי כִּי חָפֵץ בִּי׃
Vayotsiéni lamèrʹhav yéʹhalétséni ki ʹhafèts bi
יִגְמְלֵנִי יְהוָה כְּצִדְקִי כְּבֹר יָדַי יָשִׁיב לִי׃
Yiguméléni Ado-naï kétsidki kévor yadaï yachiv li
כִּי־שָׁמַרְתִּי דַּרְכֵי יְהוָה וְלֹא־רָשַׁעְתִּי מֵאֱלֹהָי׃
Ki-chamarti darkhé Ado-naï vélo-rachaʹti méélohaï
כִּי כָל־מִשְׁפָּטָיו לְנֶגְדִּי וְחֻקֹּתָיו לֹא־אָסִיר מֶנִּי׃
Ki khole-michpatav lénègudi véʹhoukotav lo-asir méni
וָאֱהִי תָמִים עִמּוֹ וָאֶשְׁתַּמֵּר מֵעֲוֺנִי׃
Vaéhi tamime ʹimo vaèchtamèr méʹaoni
וַיָּשֶׁב־יְהוָה לִי כְצִדְקִי כְּבֹר יָדַי לְנֶגֶד עֵינָיו׃
Vayachèv-Ado-naï li khétsidki kévor yadaï lénéguède ʹénav
עִם־חָסִיד תִּתְחַסָּד עִם־גְּבַר תָּמִים תִּתַּמָּם׃
ʹIme-ʹhaside titʹhasade ʹime-guévar tamime titamame
עִם־נָבָר תִּתְבָּרָר וְעִם־עִקֵּשׁ תִּתְפַּתָּל׃
ʹIme-navar titbarar véʹime-ʹikèche titpatal
כִּי־אַתָּה עַם־עָנִי תוֹשִׁיעַ וְעֵינַיִם רָמוֹת תַּשְׁפִּיל׃
Ki-ata ʹame-ʹani tochiaʹ véʹénayime ramote tachpil
כִּי־אַתָּה תָּאִיר נֵרִי יְהוָה אֱלֹהַי יַגִּיהַּ חָשְׁכִּי׃
Ki-ata tair néri Ado-naï Élohé yaguiah ʹhachki
כִּי־בְךָ אָרֻץ גְּדוּד וּבֵאלֹהַי אֲדַלֶּג־שׁוּר׃
Ki-vékha arouts guédoude ouvélohaï adalègu-chour
הָאֵל תָּמִים דַּרְכּוֹ אִמְרַת־יְהוָה צְרוּפָה מָגֵן הוּא לְכֹל הַחֹסִים בּוֹ׃
Haèle tamime darko imrate-Ado-naï tséroufa maguène hou lékhol haʹhosime bo
כִּי מִי אֱלוֹהַּ מִבַּלְעֲדֵי יְהוָה וּמִי צוּר זוּלָתִי אֱלֹהֵינוּ׃
Ki mi éloah mibalʹadé Ado-naï oumi tsour zoulati élo-hénou
הָאֵל הַמְאַזְּרֵנִי חָיִל וַיִּתֵּן תָּמִים דַּרְכִּי׃
Haèle hamazéréni ʹhayil vayitène tamime darki
מְשַׁוֶּה רַגְלַי כָּאַיָּלוֹת וְעַל בָּמֹתַי יַעֲמִידֵנִי׃
Méchavé ragulaï kaayalote véʹal bamotaï yaʹamidéni
מְלַמֵּד יָדַי לַמִּלְחָמָה וְנִחֲתָה קֶשֶׁת־נְחוּשָׁה זְרוֹעֹתָי׃
Mélamède yadaï lamilʹhama véniʹhata kéchète-néʹhoucha zéroʹotaï
וַתִּתֶּן־לִי מָגֵן יִשְׁעֶךָ וִימִינְךָ תִסְעָדֵנִי וְעַנְוַתְךָ תַרְבֵּנִי׃
Vatitène-li maguène yichʹékha viminkha tisʹadéni véʹanvatkha tarbéni
תַּרְחִיב צַעֲדִי תַחְתָּי וְלֹא מָעֲדוּ קַרְסֻלָּי׃
Tarʹhiv tsaʹadi taʹhtaï vélo maʹadou karsoulaï
אֶרְדּוֹף אוֹיְבַי וְאַשִּׂיגֵם וְלֹא־אָשׁוּב עַד־כַּלּוֹתָם׃
Èrdofe oyvaï véasiguème vélo-achouv ʹad-kalotame
אֶמְחָצֵם וְלֹא־יֻכְלוּ קוּם יִפְּלוּ תַּחַת רַגְלָי׃
Èmʹhatsème vélo-youkhlou koume yipélou taʹhate ragulaï
וַתְּאַזְּרֵנִי חַיִל לַמִּלְחָמָה תַּכְרִיעַ קָמַי תַּחְתָּי׃
Vatéazéréni ʹhayil lamilʹhama takhriaʹ kamaï taʹhtaï
וְאֹיְבַי נָתַתָּה לִּי עֹרֶף וּמְשַׂנְאַי אַצְמִיתֵם׃
Véoyvaï natata li ʹoréfe oumsanaï atsmitème
יְשַׁוְּעוּ וְאֵין־מוֹשִׁיעַ עַל־יְהוָה וְלֹא עָנָם׃
Yéchaouʹou vééne-mochiaʹ ʹal-Ado-naï vélo ʹaname
וְאֶשְׁחָקֵם כְּעָפָר עַל־פְּנֵי־רוּחַ כְּטִיט חוּצוֹת אֲרִיקֵם׃
Véèchʹhakème kéʹafar ʹal-péné-rouaʹh kétite ʹhoutsote arikème
תְּפַלְּטֵנִי מֵרִיבֵי עָם תְּשִׂימֵנִי לְרֹאשׁ גּוֹיִם עַם לֹא־יָדַעְתִּי יַעַבְדוּנִי׃
Téfaléténi mérivé ʹame tésiméni léroche guoyime ʹame lo-yadaʹti yaʹavdouni
לְשֵׁמַע אֹזֶן יִשָּׁמְעוּ לִי בְּנֵי־נֵכָר יְכַחֲשׁוּ־לִי׃
Léchémaʹ ozène yichamʹou li béné-nékhar yékhaʹhachou-li
בְּנֵי־נֵכָר יִבֹּלוּ וְיַחְרְגוּ מִמִּסְגְּרוֹתֵיהֶם׃
Béné-nékhar yibolou véyaʹhréguou mimisguérotéhème
חַי־יְהוָה וּבָרוּךְ צוּרִי וְיָרוּם אֱלוֹהֵי יִשְׁעִי׃
ʹHaï-Ado-naï ouvaroukh tsouri véyaroume élohé yichʹi
הָאֵל הַנּוֹתֵן נְקָמוֹת לִי וַיַּדְבֵּר עַמִּים תַּחְתָּי׃
Haèle hanotène nékamote li vayadbèr ʹamime taʹhtaï
מְפַלְּטִי מֵאֹיְבָי אַף מִן־קָמַי תְּרוֹמְמֵנִי מֵאִישׁ חָמָס תַּצִּילֵנִי׃
Méfaléti méoyvaï afe mine-kamaï téromméni méiche ʹhamase tatsiléni
עַל־כֵּן אוֹדְךָ בַגּוֹיִם יְהוָה וּלְשִׁמְךָ אֲזַמֵּרָה׃
ʹAl-kène odkha vaguoyime Ado-naï oulchimkha azaméra
מגדל [מַגְדִּיל] יְשׁוּעוֹת מַלְכּוֹ וְעֹשֶׂה חֶסֶד לִמְשִׁיחוֹ לְדָוִד וּלְזַרְעוֹ עַד־עוֹלָם׃
Magudil yéchouʹote malko véʹosé ʹhésède limchiʹho lédavide oulzarʹo ʹad-ʹolame