הַלְלוּ יָהּ הַלְלוּ אֶת־יְהוָה מִן־הַשָּׁמַיִם הַלְלוּהוּ בַּמְּרוֹמִים׃
Hallou yah hallou ète-Ado-naï mine-hachamayime hallouhou baméromime
הַלְלוּהוּ כָל־מַלְאָכָיו הַלְלוּהוּ כָּל־צבאו [צְבָאָיו׃]
Hallouhou khole-malakhav hallouhou kole-tsévaav
הַלְלוּהוּ שֶׁמֶשׁ וְיָרֵחַ הַלְלוּהוּ כָּל־כּוֹכְבֵי אוֹר׃
Hallouhou chémèche véyaréaʹh hallouhou kole-kokhvé or
הַלְלוּהוּ שְׁמֵי הַשָּׁמָיִם וְהַמַּיִם אֲשֶׁר מֵעַל הַשָּׁמָיִם׃
Hallouhou chémé hachamayime véhamayime achère méʹal hachamayime
יְהַלְלוּ אֶת־שֵׁם יְהוָה כִּי הוּא צִוָּה וְנִבְרָאוּ׃
Yéhallou ète-chème Ado-naï ki hou tsiva vénivraou
וַיַּעֲמִידֵם לָעַד לְעוֹלָם חָק־נָתַן וְלֹא יַעֲבוֹר׃
Vayaʹamidème laʹad léʹolame ʹhak-natane vélo yaʹavor
הַלְלוּ אֶת־יְהוָה מִן־הָאָרֶץ תַּנִּינִים וְכָל־תְּהֹמוֹת׃
Hallou ète-Ado-naï mine-haaréts taninime vékhol-téhomote
אֵשׁ וּבָרָד שֶׁלֶג וְקִיטוֹר רוּחַ סְעָרָה עֹשָׂה דְבָרוֹ׃
Èche ouvarade chélègu vékitor rouaʹh séʹara ʹosa dévaro
הֶהָרִים וְכָל־גְּבָעוֹת עֵץ פְּרִי וְכָל־אֲרָזִים׃
Héharime vékhol-guévaʹote ʹèts péri vékhol-arazime
הַחַיָּה וְכָל־בְּהֵמָה רֶמֶשׂ וְצִפּוֹר כָּנָף׃
Haʹhaya vékhol-béhéma rémèse vétsipor kanafe
מַלְכֵי־אֶרֶץ וְכָל־לְאֻמִּים שָׂרִים וְכָל־שֹׁפְטֵי אָרֶץ׃
Malekhé-érèts vékhol-léoumime sarime vékhol-chofté aréts
בַּחוּרִים וְגַם־בְּתוּלוֹת זְקֵנִים עִם־נְעָרִים׃
Baʹhourime végame-bétoulote zékénime ʹime-néʹarime
יְהַלְלוּ אֶת־שֵׁם יְהוָה כִּי־נִשְׂגָּב שְׁמוֹ לְבַדּוֹ הוֹדוֹ עַל־אֶרֶץ וְשָׁמָיִם׃
Yéhallou ète-chème Ado-naï ki-nisgav chémo lévado hodo ʹal-érèts véchamayime
וַיָּרֶם קֶרֶן לְעַמּוֹ תְּהִלָּה לְכָל־חֲסִידָיו לִבְנֵי יִשְׂרָאֵל עַם־קְרֹבוֹ הַלְלוּ־יָהּ׃
Vayarème kérène léʹamo téhila lékhol-ʹhasidav livné ysraël ʹame-kérovo hallou-yah