הַלְלוּ יָהּ כִּי־טוֹב זַמְּרָה אֱלֹהֵינוּ כִּי־נָעִים נָאוָה תְהִלָּה׃
Hallou yah ki-tov zaméra élo-hénou ki-naʹime nava téhila
בּוֹנֵה יְרוּשָׁלִַם יְהוָה נִדְחֵי יִשְׂרָאֵל יְכַנֵּס׃
Boné yérouchalame Ado-naï nideʹhé ysraël yékhanèse
הָרֹפֵא לִשְׁבוּרֵי לֵב וּמְחַבֵּשׁ לְעַצְּבוֹתָם׃
Harofé lichvouré lèv oumʹhabèche léʹatsvotame
מוֹנֶה מִסְפָּר לַכּוֹכָבִים לְכֻלָּם שֵׁמוֹת יִקְרָא׃
Moné mispar lakokhavime lékhoulame chémote yikra
גָּדוֹל אֲדוֹנֵינוּ וְרַב־כֹּחַ לִתְבוּנָתוֹ אֵין מִסְפָּר׃
Gadol adonénou vérav-koaʹh litvounato ène mispar
מְעוֹדֵד עֲנָוִים יְהוָה מַשְׁפִּיל רְשָׁעִים עֲדֵי־אָרֶץ׃
Méʹodède ʹanavime Ado-naï machpil réchaʹime ʹadé-aréts
עֱנוּ לַיהוָה בְּתוֹדָה זַמְּרוּ לֵאלֹהֵינוּ בְכִנּוֹר׃
ʹÉnou laïhva bétoda zamérou lélo-hénou vékhinor
הַמְכַסֶּה שָׁמַיִם בְּעָבִים הַמֵּכִין לָאָרֶץ מָטָר הַמַּצְמִיחַ הָרִים חָצִיר׃
Hamkhasé chamaïm béʹavime hamékhine laarèts matar hamatsmiaʹh harime ʹhatsir
נוֹתֵן לִבְהֵמָה לַחְמָהּ לִבְנֵי עֹרֵב אֲשֶׁר יִקְרָאוּ׃
Notène livhéma laʹhma livné ʹorèv achère yikraou
לֹא בִגְבוּרַת הַסּוּס יֶחְפָּץ לֹא־בְשׁוֹקֵי הָאִישׁ יִרְצֶה׃
Lo viguvourate hasouse yèʹhpats lo-véchoké haiche yirtsé
רוֹצֶה יְהוָה אֶת־יְרֵאָיו אֶת־הַמְיַחֲלִים לְחַסְדּוֹ׃
Rotsé Ado-naï ète-yéréave ète-hamyaʹhalime léʹhasdo
שַׁבְּחִי יְרוּשָׁלִַם אֶת־יְהוָה הַלְלִי אֱלֹהַיִךְ צִיּוֹן׃
Chabéʹhi yérouchalame ète-Ado-naï halli élo-hékha tsione
כִּי־חִזַּק בְּרִיחֵי שְׁעָרָיִךְ בֵּרַךְ בָּנַיִךְ בְּקִרְבֵּךְ׃
Ki-ʹhizak bériʹhé chéʹarayikh bérakh banayikh békirbèkh
הַשָּׂם־גְּבוּלֵךְ שָׁלוֹם חֵלֶב חִטִּים יַשְׂבִּיעֵךְ׃
Hasame-guévoulèkh chalome ʹhélèv ʹhitime yasbiʹèkh
הַשֹּׁלֵחַ אִמְרָתוֹ אָרֶץ עַד־מְהֵרָה יָרוּץ דְּבָרוֹ׃
Hacholéaʹh imrato aréts ʹad-méhéra yarouts dévaro
הַנֹּתֵן שֶׁלֶג כַּצָּמֶר כְּפוֹר כָּאֵפֶר יְפַזֵּר׃
Hanotène chélègu katsamèr kéfor kaéfèr yéfazèr
מַשְׁלִיךְ קַרְחוֹ כְפִתִּים לִפְנֵי קָרָתוֹ מִי יַעֲמֹד׃
Machlikh karʹho khéfitime lif-né karato mi yaʹamode
יִשְׁלַח דְּבָרוֹ וְיַמְסֵם יַשֵּׁב רוּחוֹ יִזְּלוּ־מָיִם׃
Yichlaʹh dévaro véyamsème yachèv rouʹho yizélou-mayime
מַגִּיד דברו [דְּבָרָיו] לְיַעֲקֹב חֻקָּיו וּמִשְׁפָּטָיו לְיִשְׂרָאֵל׃
Maguide dévarav léyaʹakov ʹhoukav oumichpatav lé-Ysraël
לֹא עָשָׂה כֵן לְכָל־גּוֹי וּמִשְׁפָּטִים בַּל־יְדָעוּם הַלְלוּ־יָהּ׃
Lo ʹasa khène lékhol-guoï oumichepatime bal-yédaʹoume hallou-yah