תְּהִלָּה לְדָוִד אֲרוֹמִמְךָ אֱלוֹהַי הַמֶּלֶךְ וַאֲבָרֲכָה שִׁמְךָ לְעוֹלָם וָעֶד׃
Téhila lédavide aromimkha élohaï hamélèkh vaavarakha chim-kha léʹolame vaʹède
בְּכָל־יוֹם אֲבָרֲכֶךָּ וַאֲהַלְלָה שִׁמְךָ לְעוֹלָם וָעֶד׃
Békhol-yome avarakhéka vaahalla chim-kha léʹolame vaʹède
גָּדוֹל יְהוָה וּמְהֻלָּל מְאֹד וְלִגְדֻלָּתוֹ אֵין חֵקֶר׃
Gadol Ado-naï oumhoulal méode véligudoulato ène ʹhékèr
דּוֹר לְדוֹר יְשַׁבַּח מַעֲשֶׂיךָ וּגְבוּרֹתֶיךָ יַגִּידוּ׃
Dor lédor yéchabaʹh maʹasékha ouguvourotékha yaguidou
הֲדַר כְּבוֹד הוֹדֶךָ וְדִבְרֵי נִפְלְאוֹתֶיךָ אָשִׂיחָה׃
Hadar kévode hodékha védivré nif-léotékha asiʹha
וֶעֱזוּז נוֹרְאֹתֶיךָ יֹאמֵרוּ וגדולתיך [וּגְדוּלָּתְךָ] אֲסַפְּרֶנָּה׃
Véʹézouz norotékha yomérou ougudoulatkha asapéréna
זֵכֶר רַב־טוּבְךָ יַבִּיעוּ וְצִדְקָתְךָ יְרַנֵּנוּ׃
Zékhèr rav-touvkha yabiʹou vétsidkatkha yéranénou
חַנּוּן וְרַחוּם יְהוָה אֶרֶךְ אַפַּיִם וּגְדָל־חָסֶד׃
ʹHannoune véraʹhoume Ado-naï érèkh apayime ougudal-ʹhasède
טוֹב־יְהוָה לַכֹּל וְרַחֲמָיו עַל־כָּל־מַעֲשָׂיו׃
Tov-Ado-naï lékhol véraʹhamav ʹal-kole-maʹasav
יוֹדוּךָ יְהוָה כָּל־מַעֲשֶׂיךָ וַחֲסִידֶיךָ יְבָרֲכוּכָה׃
Yodoukha Ado-naï kole-maʹasékha vaʹhasidékha yévarakhoukha
כְּבוֹד מַלְכוּתְךָ יֹאמֵרוּ וּגְבוּרָתְךָ יְדַבֵּרוּ׃
Kévode malkhoutkha yomérou ouguvouratkha yédabérou
לְהוֹדִיעַ לִבְנֵי הָאָדָם גְּבוּרֹתָיו וּכְבוֹד הֲדַר מַלְכוּתוֹ׃
Léhodiaʹ livné haadame guévourotav oukhvode hadar malkhouto
מַלְכוּתְךָ מַלְכוּת כָּל־עֹלָמִים וּמֶמְשֶׁלְתְּךָ בְּכָל־דּוֹר וָדוֹר׃
Malkhoutkha malkhoute kole-ʹolamime oumèmchèltékha békhol-dor vador
סוֹמֵךְ יְהוָה לְכָל־הַנֹּפְלִים וְזוֹקֵף לְכָל־הַכְּפוּפִים׃
Somèkh Ado-naï lékhol-hanoflime vézokèfe lékhol-hakéfoufime
עֵינֵי־כֹל אֵלֶיךָ יְשַׂבֵּרוּ וְאַתָּה נוֹתֵן־לָהֶם אֶת־אָכְלָם בְּעִתּוֹ׃
ʹÉné-kol élékha yésabérou véata notène-lahème ète-akhlame béʹito
פּוֹתֵחַ אֶת־יָדֶךָ וּמַשְׂבִּיעַ לְכָל־חַי רָצוֹן׃
Potéaʹh ète-yadékha oumasbiaʹ lékhol-ʹhaï ratsone
צַדִּיק יְהוָה בְּכָל־דְּרָכָיו וְחָסִיד בְּכָל־מַעֲשָׂיו׃
Tsadik Ado-naï békhol-dérakhav véʹhasside békhol-maʹasav
קָרוֹב יְהוָה לְכָל־קֹרְאָיו לְכֹל אֲשֶׁר יִקְרָאֻהוּ בֶאֱמֶת׃
Karov Ado-naï lékhol-ko-réave lékhol achère ykraouhou béémète
רְצוֹן־יְרֵאָיו יַעֲשֶׂה וְאֶת־שַׁוְעָתָם יִשְׁמַע וְיוֹשִׁיעֵם׃
Rétsone-yéréave yaʹasé véète-chavʹatame yichmaʹ véochiʹème
שׁוֹמֵר יְהוָה אֶת־כָּל־אֹהֲבָיו וְאֵת כָּל־הָרְשָׁעִים יַשְׁמִיד׃
Chomère Ado-naï ète-kole-ohavave véète kole-harchaʹime yachmide
תְּהִלַּת יְהוָה יְדַבֶּר־פִּי וִיבָרֵךְ כָּל־בָּשָׂר שֵׁם קָדְשׁוֹ לְעוֹלָם וָעֶד׃
Téhilate Ado-naï yédabèr-pi vivarèkh kole-basar chème kadcho léʹolame vaʹède