לַמְנַצֵּחַ לְדָוִד מִזְמוֹר יְהוָה חֲקַרְתַּנִי וַתֵּדָע׃
Lamnatséaʹh lédavide mizmor Ado-naï ʹhakartani vatédaʹ
אַתָּה יָדַעְתָּ שִׁבְתִּי וְקוּמִי בַּנְתָּה לְרֵעִי מֵרָחוֹק׃
Ata yadaʹta chivti vékoumi banta léréʹi méraʹhok
אָרְחִי וְרִבְעִי זֵרִיתָ וְכָל־דְּרָכַי הִסְכַּנְתָּה׃
Arʹhi vérivʹi zérita vékhol-dérakhaï hiskanta
כִּי אֵין מִלָּה בִּלְשׁוֹנִי הֵן יְהוָה יָדַעְתָּ כֻלָּהּ׃
Ki ène mila bilchoni hène Ado-naï yadaʹta khoula
אָחוֹר וָקֶדֶם צַרְתָּנִי וַתָּשֶׁת עָלַי כַּפֶּכָה׃
Aʹhor vakédème tsartani vatachète ʹalaï kapékha
פלאיה [פְּלִיאָה] דַעַת מִמֶּנִּי נִשְׂגְּבָה לֹא־אוּכַל לָהּ׃
Pélia daʹate miméni nisguéva lo-oukhal la-h
אָנָה אֵלֵךְ מֵרוּחֶךָ וְאָנָה מִפָּנֶיךָ אֶבְרָח׃
Ana élèkh mérouʹhékha véana mipanékha èvraʹh
אִם־אֶסַּק שָׁמַיִם שָׁם אָתָּה וְאַצִּיעָה שְּׁאוֹל הִנֶּךָּ׃
Ime-ésak chamaïm chame ata véatsiʹa chéol hinéka
אֶשָּׂא כַנְפֵי־שָׁחַר אֶשְׁכְּנָה בְּאַחֲרִית יָם׃
Ésa khanfé-chaʹhar èchkéna béaʹharite yame
גַּם־שָׁם יָדְךָ תַנְחֵנִי וְתֹאחֲזֵנִי יְמִינֶךָ׃
Game-chame yadkha tanʹhéni vétoʹhazéni yéminékha
וָאֹמַר אַךְ־חֹשֶׁךְ יְשׁוּפֵנִי וְלַיְלָה אוֹר בַּעֲדֵנִי׃
Vaomar akh-ʹhochékh yéchouféni vélayla or baʹadéni
גַּם־חֹשֶׁךְ לֹא־יַחְשִׁיךְ מִמֶּךָ וְלַיְלָה כַּיּוֹם יָאִיר כַּחֲשֵׁיכָה כָּאוֹרָה׃
Game-ʹhochékh lo-yaʹhchikh mimékha vélayla kayome yair kaʹhachékha kaora
כִּי־אַתָּה קָנִיתָ כִלְיֹתָי תְּסֻכֵּנִי בְּבֶטֶן אִמִּי׃
Ki-ata kanita khilyotaï tésoukéni bévétène imi
אוֹדְךָ עַל כִּי נוֹרָאוֹת נִפְלֵיתִי נִפְלָאִים מַעֲשֶׂיךָ וְנַפְשִׁי יֹדַעַת מְאֹד׃
Odkha ʹal ki noraote nifléti niflaime maʹasékha vénafchi yodaʹate méode
לֹא־נִכְחַד עָצְמִי מִמֶּךָּ אֲשֶׁר־עֻשֵּׂיתִי בַסֵּתֶר רֻקַּמְתִּי בְּתַחְתִּיּוֹת אָרֶץ׃
Lo-nikhʹhade ʹatsmi miméka achère-ʹouséti vasétèr roukamti bétaʹhtiote aréts
גָּלְמִי רָאוּ עֵינֶיךָ וְעַל־סִפְרְךָ כֻּלָּם יִכָּתֵבוּ יָמִים יֻצָּרוּ ולא [וְלוֹ] אֶחָד בָּהֶם׃
Galmi raou ʹénékha véʹal-sifrékha koulame yikatévou yamime youtsarou vélo éʹhade bahème
וְלִי מַה־יָּקְרוּ רֵעֶיךָ אֵל מֶה עָצְמוּ רָאשֵׁיהֶם׃
Véli ma-yakrou réʹékha èle mé ʹatsmou rachéhème
אֶסְפְּרֵם מֵחוֹל יִרְבּוּן הֱקִיצֹתִי וְעוֹדִי עִמָּךְ׃
Èspérème méʹhol yirboune hékitsoti véʹodi ʹimakh
אִם־תִּקְטֹל אֱלוֹהַּ רָשָׁע וְאַנְשֵׁי דָמִים סוּרוּ מֶנִּי׃
Ime-tiktol éloah rachaʹ véaneché damime sourou méni
אֲשֶׁר יֹאמְרֻךָ לִמְזִמָּה נָשֻׂא לַשָּׁוְא עָרֶיךָ׃
Achère yomroukha limzima nasou lachav ʹarékha
הֲלוֹא־מְשַׂנְאֶיךָ יְהוָה אֶשְׂנָא וּבִתְקוֹמְמֶיךָ אֶתְקוֹטָט׃
Halo-mésanékha Ado-naï èsna ouvitkommékha ètkotate
תַּכְלִית שִׂנְאָה שְׂנֵאתִים לְאוֹיְבִים הָיוּ לִי׃
Takhlite sina sénétime léoyvime hayou li
חָקְרֵנִי אֵל וְדַע לְבָבִי בְּחָנֵנִי וְדַע שַׂרְעַפָּי׃
ʹHakréni èle védaʹ lévavi béʹhanéni védaʹ sarʹapaï
וּרְאֵה אִם־דֶּרֶךְ־עֹצֶב בִּי וּנְחֵנִי בְּדֶרֶךְ עוֹלָם׃
Ouré ime-dérèkh-ʹotsèv bi ounʹhéni bédérèkh ʹolame