הוֹדוּ לַיהוָה כִּי־טוֹב כִּי לְעוֹלָם חַסְדּוֹ׃
Hodou laïhva ki-tov ki léʹolame ʹhasdo
הוֹדוּ לֵאלֹהֵי הָאֱלֹהִים כִּי לְעוֹלָם חַסְדּוֹ׃
Hodou lélohé haélohime ki léʹolame ʹhasdo
הוֹדוּ לַאֲדֹנֵי הָאֲדֹנִים כִּי לְעֹלָם חַסְדּוֹ׃
Hodou laadoné haadonime ki léʹolame ʹhasdo
לְעֹשֵׂה נִפְלָאוֹת גְּדֹלוֹת לְבַדּוֹ כִּי לְעוֹלָם חַסְדּוֹ׃
Léʹosé niflaote guédolote lévado ki léʹolame ʹhasdo
לְעֹשֵׂה הַשָּׁמַיִם בִּתְבוּנָה כִּי לְעוֹלָם חַסְדּוֹ׃
Léʹosé hachamayime bitevouna ki léʹolame ʹhasdo
לְרֹקַע הָאָרֶץ עַל־הַמָּיִם כִּי לְעוֹלָם חַסְדּוֹ׃
Lérokaʹ haaréts ʹal-hamayime ki léʹolame ʹhasdo
לְעֹשֵׂה אוֹרִים גְּדֹלִים כִּי לְעוֹלָם חַסְדּוֹ׃
Léʹosé orime guédolime ki léʹolame ʹhasdo
אֶת־הַשֶּׁמֶשׁ לְמֶמְשֶׁלֶת בַּיּוֹם כִּי לְעוֹלָם חַסְדּוֹ׃
Ète-hachémèche lémèmchélète bayome ki léʹolame ʹhasdo
אֶת־הַיָּרֵחַ וְכוֹכָבִים לְמֶמְשְׁלוֹת בַּלָּיְלָה כִּי לְעוֹלָם חַסְדּוֹ׃
Ète-hayaréaʹh vékhokhavime lémèmchélote balayla ki léʹolame ʹhasdo
לְמַכֵּה מִצְרַיִם בִּבְכוֹרֵיהֶם כִּי לְעוֹלָם חַסְדּוֹ׃
Lémaké mitsrayime bivkhoréhème ki léʹolame ʹhasdo
וַיּוֹצֵא יִשְׂרָאֵל מִתּוֹכָם כִּי לְעוֹלָם חַסְדּוֹ׃
Vayotsé ysraël mitokhame ki léʹolame ʹhasdo
בְּיָד חֲזָקָה וּבִזְרוֹעַ נְטוּיָה כִּי לְעוֹלָם חַסְדּוֹ׃
Béyade ʹhazaka ouvizroaʹ nétouya ki léʹolame ʹhasdo
לְגֹזֵר יַם־סוּף לִגְזָרִים כִּי לְעוֹלָם חַסְדּוֹ׃
Légozèr yame-soufe liguzarime ki léʹolame ʹhasdo
וְהֶעֱבִיר יִשְׂרָאֵל בְּתוֹכוֹ כִּי לְעוֹלָם חַסְדּוֹ׃
Véhéʹévir ysraël bétokho ki léʹolame ʹhasdo
וְנִעֵר פַּרְעֹה וְחֵילוֹ בְיַם־סוּף כִּי לְעוֹלָם חַסְדּוֹ׃
Véniʹèr parʹo véʹhélo véyame-soufe ki léʹolame ʹhasdo
לְמוֹלִיךְ עַמּוֹ בַּמִּדְבָּר כִּי לְעוֹלָם חַסְדּוֹ׃
Lémolikh ʹamo bamidbar ki léʹolame ʹhasdo
לְמַכֵּה מְלָכִים גְּדֹלִים כִּי לְעוֹלָם חַסְדּוֹ׃
Lémaké mélakhime guédolime ki léʹolame ʹhasdo
וַיַּהֲרֹג מְלָכִים אַדִּירִים כִּי לְעוֹלָם חַסְדּוֹ׃
Vayaharogu mélakhime adirime ki léʹolame ʹhasdo
לְסִיחוֹן מֶלֶךְ הָאֱמֹרִי כִּי לְעוֹלָם חַסְדּוֹ׃
Lésiʹhone mélèkh haémori ki léʹolame ʹhasdo
וּלְעוֹג מֶלֶךְ הַבָּשָׁן כִּי לְעוֹלָם חַסְדּוֹ׃
Oulʹogu mélèkh habachane ki léʹolame ʹhasdo
וְנָתַן אַרְצָם לְנַחֲלָה כִּי לְעוֹלָם חַסְדּוֹ׃
Vénatane artsame lénaʹhala ki léʹolame ʹhasdo
נַחֲלָה לְיִשְׂרָאֵל עַבְדּוֹ כִּי לְעוֹלָם חַסְדּוֹ׃
Naʹhala lé-Ysraël ʹavdo ki léʹolame ʹhasdo
שֶׁבְּשִׁפְלֵנוּ זָכַר לָנוּ כִּי לְעוֹלָם חַסְדּוֹ׃
Chèbéchiflénou zakhar lanou ki léʹolame ʹhasdo
וַיִּפְרְקֵנוּ מִצָּרֵינוּ כִּי לְעוֹלָם חַסְדּוֹ׃
Vayifrékénou mitsarénou ki léʹolame ʹhasdo
נֹתֵן לֶחֶם לְכָל־בָּשָׂר כִּי לְעוֹלָם חַסְדּוֹ׃
Notène léʹhème lékhol-basar ki léʹolame ʹhasdo
הוֹדוּ לְאֵל הַשָּׁמָיִם כִּי לְעוֹלָם חַסְדּוֹ׃
Hodou léèl hachamayime ki léʹolame ʹhasdo