הַלְלוּ יָהּ הַלְלוּ אֶת־שֵׁם יְהוָה הַלְלוּ עַבְדֵי יְהוָה׃
Hallou yah hallou ète-chème Ado-naï hallou ʹavdé Ado-naï
שֶׁעֹמְדִים בְּבֵית יְהוָה בְּחַצְרוֹת בֵּית אֱלֹהֵינוּ׃
Chéʹomdime bévète Ado-naï béʹhatsrote béth élo-hénou
הַלְלוּ־יָהּ כִּי־טוֹב יְהוָה זַמְּרוּ לִשְׁמוֹ כִּי נָעִים׃
Hallou-yah ki-tov Ado-naï zamérou lichmo ki naʹime
כִּי־יַעֲקֹב בָּחַר לוֹ יָהּ יִשְׂרָאֵל לִסְגֻלָּתוֹ׃
Ki-yaʹakov baʹhar lo yah ysraël lisgoulato
כִּי אֲנִי יָדַעְתִּי כִּי־גָדוֹל יְהוָה וַאֲדֹנֵינוּ מִכָּל־אֱלֹהִים׃
Ki ani yadaʹti ki-gadol Ado-naï vaadonénou mikol-Élo-him
כֹּל אֲשֶׁר־חָפֵץ יְהוָה עָשָׂה בַּשָּׁמַיִם וּבָאָרֶץ בַּיַּמִּים וְכָל־תְּהוֹמוֹת׃
Kol achère-ʹhafèts Ado-naï ʹasa bachamaïm ouvaarèts bayamime vékhol-téhomote
מַעֲלֶה נְשִׂאִים מִקְצֵה הָאָרֶץ בְּרָקִים לַמָּטָר עָשָׂה מוֹצֵא־רוּחַ מֵאוֹצְרוֹתָיו׃
Maʹalé nésiime miktsé haaréts bérakime lamatar ʹasa motsé-rouaʹh méotsrotav
שֶׁהִכָּה בְּכוֹרֵי מִצְרָיִם מֵאָדָם עַד־בְּהֵמָה׃
Chéhika békhoré mitsrayime méadame ʹad-béhéma
שָׁלַח אֹתוֹת וּמֹפְתִים בְּתוֹכֵכִי מִצְרָיִם בְּפַרְעֹה וּבְכָל־עֲבָדָיו׃
Chalaʹh otote oumoftime bétokhékhi mitsrayime béfarʹo ouvékhol-ʹavadav
שֶׁהִכָּה גּוֹיִם רַבִּים וְהָרַג מְלָכִים עֲצוּמִים׃
Chéhika guoyime rabime véharagu mélakhime ʹatsoumime
לְסִיחוֹן מֶלֶךְ הָאֱמֹרִי וּלְעוֹג מֶלֶךְ הַבָּשָׁן וּלְכֹל מַמְלְכוֹת כְּנָעַן׃
Lésiʹhone mélèkh haémori oulʹogu mélèkh habachane oul-khol mamlékhote kénaʹane
וְנָתַן אַרְצָם נַחֲלָה נַחֲלָה לְיִשְׂרָאֵל עַמּוֹ׃
Vénatane artsame naʹhala naʹhala lé-Ysraël ʹamo
יְהוָה שִׁמְךָ לְעוֹלָם יְהוָה זִכְרְךָ לְדֹר־וָדֹר׃
Ado-naï chim-kha léʹolame Ado-naï zikhrékha lédor-vador
כִּי־יָדִין יְהוָה עַמּוֹ וְעַל־עֲבָדָיו יִתְנֶחָם׃
Ki-yadine Ado-naï ʹamo véʹal-ʹavadav yitnéʹhame
עֲצַבֵּי הַגּוֹיִם כֶּסֶף וְזָהָב מַעֲשֵׂה יְדֵי אָדָם׃
ʹAtsabé haguoyime késèfe vézahav maʹasé yédé adame
פֶּה־לָהֶם וְלֹא יְדַבֵּרוּ עֵינַיִם לָהֶם וְלֹא יִרְאוּ׃
Pé-lahème vélo yédabérou ʹénayime lahème vélo yirou
אָזְנַיִם לָהֶם וְלֹא יַאֲזִינוּ אַף אֵין־יֶשׁ־רוּחַ בְּפִיהֶם׃
Aznayime lahème vélo yaazinou afe ène-yèche-rouaʹh béfihème
כְּמוֹהֶם יִהְיוּ עֹשֵׂיהֶם כֹּל אֲשֶׁר־בֹּטֵחַ בָּהֶם׃
Kémohème yihyou ʹoséhème kol achère-botéaʹh bahème
בֵּית יִשְׂרָאֵל בָּרֲכוּ אֶת־יְהוָה בֵּית אַהֲרֹן בָּרֲכוּ אֶת־יְהוָה׃
Béth ysraël barakhou ète-Ado-naï béth aharone barakhou ète-Ado-naï
בֵּית הַלֵּוִי בָּרֲכוּ אֶת־יְהוָה יִרְאֵי יְהוָה בָּרֲכוּ אֶת־יְהוָה׃
Béth halévi barakhou ète-Ado-naï yiré Ado-naï barakhou ète-Ado-naï
בָּרוּךְ יְהוָה מִצִּיּוֹן שֹׁכֵן יְרוּשָׁלִָם הַלְלוּ־יָהּ׃
Baroukh Ado-naï mitsione chokhène yérouchalame hallou-yah