שִׁיר הַמַּעֲלוֹת זְכוֹר־יְהוָה לְדָוִד אֵת כָּל־עֻנּוֹתוֹ׃
Chir hamaʹalote zékhor-Ado-naï lédavide ète kole-ʹounoto
אֲשֶׁר נִשְׁבַּע לַיהוָה נָדַר לַאֲבִיר יַעֲקֹב׃
Achère nichbaʹ laïhva nadar laavir yaʹakov
אִם־אָבֹא בְּאֹהֶל בֵּיתִי אִם־אֶעֱלֶה עַל־עֶרֶשׂ יְצוּעָי׃
Ime-avo béohèl béti ime-éʹélé ʹal-ʹérèse yétsouʹaï
אִם־אֶתֵּן שְׁנַת לְעֵינָי לְעַפְעַפַּי תְּנוּמָה׃
Ime-étène chénate léʹénaï léʹafʹapaï ténouma
עַד־אֶמְצָא מָקוֹם לַיהוָה מִשְׁכָּנוֹת לַאֲבִיר יַעֲקֹב׃
ʹAd-èmtsa makome laïhva michkanote laavir yaʹakov
הִנֵּה־שְׁמַעֲנוּהָ בְאֶפְרָתָה מְצָאנוּהָ בִּשְׂדֵי־יָעַר׃
Hiné-chémaʹanouha véèfrata métsanouha bisdé-yaʹar
נָבוֹאָה לְמִשְׁכְּנוֹתָיו נִשְׁתַּחֲוֶה לַהֲדֹם רַגְלָיו׃
Navoa lémichkénotav nichtaʹhavé lahadome ragulav
קוּמָה יְהוָה לִמְנוּחָתֶךָ אַתָּה וַאֲרוֹן עֻזֶּךָ׃
Kouma Ado-naï limnouʹhatékha ata vaarone ʹouzékha
כֹּהֲנֶיךָ יִלְבְּשׁוּ־צֶדֶק וַחֲסִידֶיךָ יְרַנֵּנוּ׃
Kohanékha yilbéchou-tsédèk vaʹhasidékha yéranénou
בַּעֲבוּר דָּוִד עַבְדֶּךָ אַל־תָּשֵׁב פְּנֵי מְשִׁיחֶךָ׃
Baʹavour david ʹavdékha al-tachèv péné méchiʹhékha
נִשְׁבַּע־יְהוָה לְדָוִד אֱמֶת לֹא־יָשׁוּב מִמֶּנָּה מִפְּרִי בִטְנְךָ אָשִׁית לְכִסֵּא־לָךְ׃
Nichbaʹ-Ado-naï lédavide éméte lo-yachouv miména mipéri vitnékha achite lékhisé-lakh
אִם־יִשְׁמְרוּ בָנֶיךָ בְּרִיתִי וְעֵדֹתִי זוֹ אֲלַמְּדֵם גַּם־בְּנֵיהֶם עֲדֵי־עַד יֵשְׁבוּ לְכִסֵּא־לָךְ׃
Ime-yichmérou vanékha bériti véʹédoti zo alamédème game-bénéhème ʹadé-ʹad yèchvou lékhisé-lakh
כִּי־בָחַר יְהוָה בְּצִיּוֹן אִוָּהּ לְמוֹשָׁב לוֹ׃
Ki-vaʹhar Ado-naï bétsione iva lémochav lo
זֹאת־מְנוּחָתִי עֲדֵי־עַד פֹּה־אֵשֵׁב כִּי אִוִּתִיהָ׃
Zote-ménouʹhati ʹadé-ʹad po-échèv ki ivitiha
צֵידָהּ בָּרֵךְ אֲבָרֵךְ אֶבְיוֹנֶיהָ אַשְׂבִּיעַ לָחֶם׃
Tséda barèkh avarèkh èvyonéha asbiaʹ laʹhème
וְכֹהֲנֶיהָ אַלְבִּישׁ יֶשַׁע וַחֲסִידֶיהָ רַנֵּן יְרַנֵּנוּ׃
Vékhohanéha albiche yéchaʹ vaʹhasidéha ranène yéranénou
שָׁם אַצְמִיחַ קֶרֶן לְדָוִד עָרַכְתִּי נֵר לִמְשִׁיחִי׃
Chame atsmiaʹh kérène lédavide ʹarakhti nèr limchiʹhi
אוֹיְבָיו אַלְבִּישׁ בֹּשֶׁת וְעָלָיו יָצִיץ נִזְרוֹ׃
Oyvav albiche bochète véʹalav yatsits nizro