שִׁיר הַמַּעֲלוֹת לְדָוִד שָׂמַחְתִּי בְּאֹמְרִים לִי בֵּית יְהוָה נֵלֵךְ׃
Chir hamaʹalote lédavide samaʹhti béomrime li béth Ado-naï nélèkh
עֹמְדוֹת הָיוּ רַגְלֵינוּ בִּשְׁעָרַיִךְ יְרוּשָׁלִָם׃
ʹOmdote hayou ragulénou bichʹarayikh yérouchalame
יְרוּשָׁלִַם הַבְּנוּיָה כְּעִיר שֶׁחֻבְּרָה־לָּהּ יַחְדָּו׃
Yérouchalame habénouya kéʹir chéʹhoubéra-la yaʹhdav
שֶׁשָּׁם עָלוּ שְׁבָטִים שִׁבְטֵי־יָהּ עֵדוּת לְיִשְׂרָאֵל לְהֹדוֹת לְשֵׁם יְהוָה׃
Chéchame ʹalou chévatime chivté-yah ʹédoute lé-Ysraël léhodote léchème Ado-naï
כִּי שָׁמָּה יָשְׁבוּ כִסְאוֹת לְמִשְׁפָּט כִּסְאוֹת לְבֵית דָּוִיד׃
Ki chama yachvou khisote lémichpate kisote lévète davide
שַׁאֲלוּ שְׁלוֹם יְרוּשָׁלִָם יִשְׁלָיוּ אֹהֲבָיִךְ׃
Chaalou chélome yérouchalame yichlayou ohavayikh
יְהִי־שָׁלוֹם בְּחֵילֵךְ שַׁלְוָה בְּאַרְמְנוֹתָיִךְ׃
Yéhi-chalome béʹhélèkh chalva béarménotayikh
לְמַעַן אַחַי וְרֵעָי אֲדַבְּרָה־נָּא שָׁלוֹם בָּךְ׃
Lémaʹane aʹhaï véréʹaï adabéra-na chalome bakh
לְמַעַן בֵּית־יְהוָה אֱלֹהֵינוּ אֲבַקְשָׁה טוֹב לָךְ׃
Lémaʹane béth-Ado-naï élo-hénou avakcha tov lakh