אַשְׁרֵי תְמִימֵי־דָרֶךְ הַהֹלְכִים בְּתוֹרַת יְהוָה׃
Achré témimé-darèkh haholkhime bétorate Ado-naï
אַשְׁרֵי נֹצְרֵי עֵדֹתָיו בְּכָל־לֵב יִדְרְשׁוּהוּ׃
Achré notsré ʹédotav békhol-lèv yidréchouhou
אַף לֹא־פָעֲלוּ עַוְלָה בִּדְרָכָיו הָלָכוּ׃
Afe lo-faʹalou ʹavla bidrakhav halakhou
אַתָּה צִוִּיתָה פִקֻּדֶיךָ לִשְׁמֹר מְאֹד׃
Ata tsivita fikoudékha lichmor méode
אַחֲלַי יִכֹּנוּ דְרָכָי לִשְׁמֹר חֻקֶּיךָ׃
Aʹhalaï yikonou dérakhaï lichmor ʹhoukékha
אָז לֹא־אֵבוֹשׁ בְּהַבִּיטִי אֶל־כָּל־מִצְוֺתֶיךָ׃
Az lo-évoche béhabiti el-kole-mitsotékha
אוֹדְךָ בְּיֹשֶׁר לֵבָב בְּלָמְדִי מִשְׁפְּטֵי צִדְקֶךָ׃
Odkha béyochèr lévav bélamdi michpété tsidkékha
אֶת־חֻקֶּיךָ אֶשְׁמֹר אַל־תַּעַזְבֵנִי עַד־מְאֹד׃
Ète-ʹhoukékha èchmor al-taʹazvéni ʹad-méode
בַּמֶּה יְזַכֶּה־נַּעַר אֶת־אָרְחוֹ לִשְׁמֹר כִּדְבָרֶךָ׃
Bamé yézaké-naʹar ète-arʹho lichmor kidvarékha
בְּכָל־לִבִּי דְרַשְׁתִּיךָ אַל־תַּשְׁגֵּנִי מִמִּצְוֺתֶיךָ׃
Békhol-libi dérachtikha al-tachguéni mimitsotékha
בְּלִבִּי צָפַנְתִּי אִמְרָתֶךָ לְמַעַן לֹא אֶחֱטָא־לָךְ׃
Bélibi tsafanti imratékha lémaʹane lo éʹhéta-lakh
בָּרוּךְ אַתָּה יְהוָה לַמְּדֵנִי חֻקֶּיךָ׃
Baroukh ata Ado-naï lamédéni ʹhoukékha
בִּשְׂפָתַי סִפַּרְתִּי כֹּל מִשְׁפְּטֵי־פִיךָ׃
Bisfataï siparti kol michpété-fikha
בְּדֶרֶךְ עֵדְוֺתֶיךָ שַׂשְׂתִּי כְּעַל כָּל־הוֹן׃
Bédérèkh ʹédotékha sasti kéʹal kole-hone
בְּפִקֻּדֶיךָ אָשִׂיחָה וְאַבִּיטָה אֹרְחֹתֶיךָ׃
Béfikoudékha asiʹha véabita orʹhotékha
בְּחֻקֹּתֶיךָ אֶשְׁתַּעֲשָׁע לֹא אֶשְׁכַּח דְּבָרֶךָ׃
Béʹhoukotékha èchtaʹachaʹ lo èchkaʹh dévarékha
גְּמֹל עַל־עַבְדְּךָ אֶחְיֶה וְאֶשְׁמְרָה דְבָרֶךָ׃
Guémol ʹal-ʹav-dékha èʹhyé véèchméra dévarékha
גַּל־עֵינַי וְאַבִּיטָה נִפְלָאוֹת מִתּוֹרָתֶךָ׃
Gal-ʹénaï véabita niflaote mitoratékha
גֵּר אָנֹכִי בָאָרֶץ אַל־תַּסְתֵּר מִמֶּנִּי מִצְוֺתֶיךָ׃
Guèr anokhi vaarèts al-tastèr miméni mitsotékha
גָּרְסָה נַפְשִׁי לְתַאֲבָה אֶל־מִשְׁפָּטֶיךָ בְכָל־עֵת׃
Garsa nafchi létaava el-michpatékha békhol-ʹète
גָּעַרְתָּ זֵדִים אֲרוּרִים הַשֹּׁגִים מִמִּצְוֺתֶיךָ׃
Gaʹarta zédime arourime hachoguime mimitsotékha
גַּל מֵעָלַי חֶרְפָּה וָבוּז כִּי עֵדֹתֶיךָ נָצָרְתִּי׃
Gal méʹalaï ʹhèrpa vavouz ki ʹédotékha natsarti
גַּם יָשְׁבוּ שָׂרִים בִּי נִדְבָּרוּ עַבְדְּךָ יָשִׂיחַ בְּחֻקֶּיךָ׃
Game yachvou sarime bi nidbarou ʹav-dékha yasiaʹh béʹhoukékha
גַּם־עֵדֹתֶיךָ שַׁעֲשֻׁעָי אַנְשֵׁי עֲצָתִי׃
Game-ʹédotékha chaʹachouʹaï anché ʹatsati
דָּבְקָה לֶעָפָר נַפְשִׁי חַיֵּנִי כִּדְבָרֶךָ׃
Davka léʹafar nafchi ʹhayéni kidvarékha
דְּרָכַי סִפַּרְתִּי וַתַּעֲנֵנִי לַמְּדֵנִי חֻקֶּיךָ׃
Dérakhaï siparti vataʹanéni lamédéni ʹhoukékha
דֶּרֶךְ־פִּקּוּדֶיךָ הֲבִינֵנִי וְאָשִׂיחָה בְּנִפְלְאוֹתֶיךָ׃
Dérèkh-pikoudékha havinéni véasiʹha bénifléotékha
דָּלְפָה נַפְשִׁי מִתּוּגָה קַיְּמֵנִי כִּדְבָרֶךָ׃
Dalfa nafchi mitouga kayéméni kidvarékha
דֶּרֶךְ־שֶׁקֶר הָסֵר מִמֶּנִּי וְתוֹרָתְךָ חָנֵּנִי׃
Dérèkh-chékère hasèr miméni vétoratkha ʹhanéni
דֶּרֶךְ־אֱמוּנָה בָחָרְתִּי מִשְׁפָּטֶיךָ שִׁוִּיתִי׃
Dérèkh-émouna vaʹharti michpatékha chiviti
דָּבַקְתִּי בְעֵדְוֺתֶיךָ יְהוָה אַל־תְּבִישֵׁנִי׃
Davakti véʹédotékha Ado-naï al-tévichéni
דֶּרֶךְ־מִצְוֺתֶיךָ אָרוּץ כִּי תַרְחִיב לִבִּי׃
Dérèkh-mitsotékha arouts ki tarʹhiv libi
הוֹרֵנִי יְהוָה דֶּרֶךְ חֻקֶּיךָ וְאֶצְּרֶנָּה עֵקֶב׃
Horéni Ado-naï dérèkh ʹhoukékha véètsréna ʹékèv
הֲבִינֵנִי וְאֶצְּרָה תוֹרָתֶךָ וְאֶשְׁמְרֶנָּה בְכָל־לֵב׃
Havinéni véètsra toratékha véèchméréna békhol-lèv
הַדְרִיכֵנִי בִּנְתִיב מִצְוֺתֶיךָ כִּי־בוֹ חָפָצְתִּי׃
Hadrikhéni bintiv mitsotékha ki-vo ʹhafatsti
הַט־לִבִּי אֶל־עֵדְוֺתֶיךָ וְאַל אֶל־בָּצַע׃
Hate-libi el-ʹédotékha véal el-batsaʹ
הַעֲבֵר עֵינַי מֵרְאוֹת שָׁוְא בִּדְרָכֶךָ חַיֵּנִי׃
Haʹavèr ʹénaï mèrote chav bidrakhékha ʹhayéni
הָקֵם לְעַבְדְּךָ אִמְרָתֶךָ אֲשֶׁר לְיִרְאָתֶךָ׃
Hakème léʹavdékha imratékha achère léyiratékha
הַעֲבֵר חֶרְפָּתִי אֲשֶׁר יָגֹרְתִּי כִּי מִשְׁפָּטֶיךָ טוֹבִים׃
Haʹavèr ʹhèrpati achère yagorti ki michpatékha tovim
הִנֵּה תָּאַבְתִּי לְפִקֻּדֶיךָ בְּצִדְקָתְךָ חַיֵּנִי׃
Hiné taavti léfikoudékha bétsidkatkha ʹhayéni
וִיבֹאֻנִי חֲסָדֶךָ יְהוָה תְּשׁוּעָתְךָ כְּאִמְרָתֶךָ׃
Vivoouni ʹhasadékha Ado-naï téchouʹatkha kéimratékha
וְאֶעֱנֶה חֹרְפִי דָבָר כִּי־בָטַחְתִּי בִּדְבָרֶךָ׃
Vééʹéné ʹhorfi davar ki-vataʹhti bidvarékha
וְאַל־תַּצֵּל מִפִּי דְבַר־אֱמֶת עַד־מְאֹד כִּי לְמִשְׁפָּטֶךָ יִחָלְתִּי׃
Véal-tatsèl mipi dévar-éméte ʹad-méode ki lémichpatékha yiʹhalti
וְאֶשְׁמְרָה תוֹרָתְךָ תָמִיד לְעוֹלָם וָעֶד׃
Véèchméra toratkha tamide léʹolame vaʹède
וְאֶתְהַלְּכָה בָרְחָבָה כִּי פִקֻּדֶיךָ דָרָשְׁתִּי׃
Véèthalékha varʹhava ki fikoudékha darachti
וַאֲדַבְּרָה בְעֵדֹתֶיךָ נֶגֶד מְלָכִים וְלֹא אֵבוֹשׁ׃
Vaadabéra véʹédotékha néguède mélakhime vélo évoche
וְאֶשְׁתַּעֲשַׁע בְּמִצְוֺתֶיךָ אֲשֶׁר אָהָבְתִּי׃
Véèchtaʹachaʹ bémitsotékha achère ahavti
וְאֶשָּׂא־כַפַּי אֶל־מִצְוֺתֶיךָ אֲשֶׁר אָהָבְתִּי וְאָשִׂיחָה בְחֻקֶּיךָ׃
Véésa-khapaï el-mitsotékha achère ahavti véasiʹha véʹhoukékha
זְכֹר־דָּבָר לְעַבְדֶּךָ עַל אֲשֶׁר יִחַלְתָּנִי׃
Zékhor-davar léʹavdékha ʹal achère yiʹhaltani
זֹאת נֶחָמָתִי בְעָנְיִי כִּי אִמְרָתְךָ חִיָּתְנִי׃
Zote néʹhamati véʹanyi ki imratkha ʹhiyatni
זֵדִים הֱלִיצֻנִי עַד־מְאֹד מִתּוֹרָתְךָ לֹא נָטִיתִי׃
Zédime hélitsouni ʹad-méode mitoratkha lo natiti
זָכַרְתִּי מִשְׁפָּטֶיךָ מֵעוֹלָם יְהוָה וָאֶתְנֶחָם׃
Zakharti michpatékha méʹolame Ado-naï vaètnéʹhame
זַלְעָפָה אֲחָזַתְנִי מֵרְשָׁעִים עֹזְבֵי תּוֹרָתֶךָ׃
Zalʹafa aʹhazatni mèrchaʹime ʹozvé toratékha
זְמִרוֹת הָיוּ־לִי חֻקֶּיךָ בְּבֵית מְגוּרָי׃
Zémirote hayou-li ʹhoukékha bévète méguouraï
זָכַרְתִּי בַלַּיְלָה שִׁמְךָ יְהוָה וָאֶשְׁמְרָה תּוֹרָתֶךָ׃
Zakharti valayla chim-kha Ado-naï vaèchméra toratékha
זֹאת הָיְתָה־לִּי כִּי פִקֻּדֶיךָ נָצָרְתִּי׃
Zote hayéta-li ki fikoudékha natsarti
חֶלְקִי יְהוָה אָמַרְתִּי לִשְׁמֹר דְּבָרֶיךָ׃
ʹHèlki Ado-naï amarti lichmor dévarékha
חִלִּיתִי פָנֶיךָ בְכָל־לֵב חָנֵּנִי כְּאִמְרָתֶךָ׃
ʹHiliti fanékha békhol-lèv ʹhanéni kéimratékha
חִשַּׁבְתִּי דְרָכָי וָאָשִׁיבָה רַגְלַי אֶל־עֵדֹתֶיךָ׃
ʹHichavti dérakhaï vaachiva ragulaï el-ʹédotékha
חַשְׁתִּי וְלֹא הִתְמַהְמָהְתִּי לִשְׁמֹר מִצְוֺתֶיךָ׃
ʹHachti vélo hitmahmahti lichmor mitsotékha
חֶבְלֵי רְשָׁעִים עִוְּדֻנִי תּוֹרָתְךָ לֹא שָׁכָחְתִּי׃
ʹHèvlé réchaʹime ʹioudouni toratékha lo chakhaʹhti
חֲצוֹת־לַיְלָה אָקוּם לְהוֹדוֹת לָךְ עַל מִשְׁפְּטֵי צִדְקֶךָ׃
ʹHatsote-layla akoume léhodote lakh ʹal michpété tsidkékha
חָבֵר אָנִי לְכָל־אֲשֶׁר יְרֵאוּךָ וּלְשֹׁמְרֵי פִּקּוּדֶיךָ׃
ʹHavèr ani lékhol-achère yéréoukha oulchomré pikoudékha
חַסְדְּךָ יְהוָה מָלְאָה הָאָרֶץ חֻקֶּיךָ לַמְּדֵנִי׃
ʹHasdékha Ado-naï mala haaréts ʹhoukékha lamédéni
טוֹב עָשִׂיתָ עִם־עַבְדְּךָ יְהוָה כִּדְבָרֶךָ׃
Tov ʹassita ʹime-ʹav-dékha Ado-naï kidvarékha
טוּב טַעַם וָדַעַת לַמְּדֵנִי כִּי בְמִצְוֺתֶיךָ הֶאֱמָנְתִּי׃
Touv taʹame vadaʹate lamédéni ki vémitsotékha héémanti
טֶרֶם אֶעֱנֶה אֲנִי שֹׁגֵג וְעַתָּה אִמְרָתְךָ שָׁמָרְתִּי׃
Térème éʹéné ani choguègu véʹata imratkha chamarti
טוֹב־אַתָּה וּמֵטִיב לַמְּדֵנִי חֻקֶּיךָ׃
Tov-ata oumétiv lamédéni ʹhoukékha
טָפְלוּ עָלַי שֶׁקֶר זֵדִים אֲנִי בְּכָל־לֵב אֱצֹּר פִּקּוּדֶיךָ׃
Taflou ʹalaï chékère zédime ani békhol-lèv étsor pikoudékha
טָפַשׁ כַּחֵלֶב לִבָּם אֲנִי תּוֹרָתְךָ שִׁעֲשָׁעְתִּי׃
Tafache kaʹhélèv libame ani toratékha chiʹachaʹti
טוֹב־לִי כִי־עֻנֵּיתִי לְמַעַן אֶלְמַד חֻקֶּיךָ׃
Tov-li khi-ʹounéti lémaʹane èlmade ʹhoukékha
טוֹב־לִי תוֹרַת־פִּיךָ מֵאַלְפֵי זָהָב וָכָסֶף׃
Tov-li torate-pikha méalfé zahav vakhasèfe
יָדֶיךָ עָשׂוּנִי וַיְכוֹנְנוּנִי הֲבִינֵנִי וְאֶלְמְדָה מִצְוֺתֶיךָ׃
Yadékha ʹasouni vaykhonnouni havinéni véèlméda mitsotékha
יְרֵאֶיךָ יִרְאוּנִי וְיִשְׂמָחוּ כִּי לִדְבָרְךָ יִחָלְתִּי׃
Yéréékha yirouni véyismaʹhou ki lidvarkha yiʹhalti
יָדַעְתִּי יְהוָה כִּי־צֶדֶק מִשְׁפָּטֶיךָ וֶאֱמוּנָה עִנִּיתָנִי׃
Yadaʹti Ado-naï ki-tsédèk michpatékha véémouna ʹinitani
יְהִי־נָא חַסְדְּךָ לְנַחֲמֵנִי כְּאִמְרָתְךָ לְעַבְדֶּךָ׃
Yéhi-na ʹhasdékha lénaʹhaméni kéimratkha léʹavdékha
יְבֹאוּנִי רַחֲמֶיךָ וְאֶחְיֶה כִּי־תוֹרָתְךָ שַׁעֲשֻׁעָי׃
Yévoouni raʹhamékha véèʹhyé ki-toratkha chaʹachouʹaï
יֵבֹשׁוּ זֵדִים כִּי־שֶׁקֶר עִוְּתוּנִי אֲנִי אָשִׂיחַ בְּפִקּוּדֶיךָ׃
Yévochou zédime ki-chékère ʹioutouni ani asiaʹh béfikoudékha
יָשׁוּבוּ לִי יְרֵאֶיךָ וידעו [וְיֹדְעֵי] עֵדֹתֶיךָ׃
Yachouvou li yéréékha véyodʹé ʹédotékha
יְהִי־לִבִּי תָמִים בְּחֻקֶּיךָ לְמַעַן לֹא אֵבוֹשׁ׃
Yéhi-libi tamime béʹhoukékha lémaʹane lo évoche
כָּלְתָה לִתְשׁוּעָתְךָ נַפְשִׁי לִדְבָרְךָ יִחָלְתִּי׃
Kalta litchouʹatkha nafchi lidvarkha yiʹhalti
כָּלוּ עֵינַי לְאִמְרָתֶךָ לֵאמֹר מָתַי תְּנַחֲמֵנִי׃
Kalou ʹénaï léimratékha lémor mataï ténaʹhaméni
כִּי־הָיִיתִי כְּנֹאד בְּקִיטוֹר חֻקֶּיךָ לֹא שָׁכָחְתִּי׃
Ki-hayiti kénode békitor ʹhoukékha lo chakhaʹhti
כַּמָּה יְמֵי־עַבְדֶּךָ מָתַי תַּעֲשֶׂה בְרֹדְפַי מִשְׁפָּט׃
Kama yémé-ʹavdékha mataï taʹasé vérodfaï michpate
כָּרוּ־לִי זֵדִים שִׁיחוֹת אֲשֶׁר לֹא כְתוֹרָתֶךָ׃
Karou-li zédime chiʹhote achère lo khétoratékha
כָּל־מִצְוֺתֶיךָ אֱמוּנָה שֶׁקֶר רְדָפוּנִי עָזְרֵנִי׃
Kole-mitsotékha émouna chékère rédafouni ʹazréni
כִּמְעַט כִּלּוּנִי בָאָרֶץ וַאֲנִי לֹא־עָזַבְתִּי פִקֻּודֶיךָ׃
Kimʹate kilouni vaarèts vaani lo-ʹazavti fikouvdékha
כְּחַסְדְּךָ חַיֵּנִי וְאֶשְׁמְרָה עֵדוּת פִּיךָ׃
Kéʹhasdékha ʹhayéni véèchméra ʹédoute pikha
לְעוֹלָם יְהוָה דְּבָרְךָ נִצָּב בַּשָּׁמָיִם׃
Léʹolame Ado-naï dévarkha nitsav bachamayime
לְדֹר וָדֹר אֱמוּנָתֶךָ כּוֹנַנְתָּ אֶרֶץ וַתַּעֲמֹד׃
Lédor vador émounatékha konanta érèts vataʹamode
לְמִשְׁפָּטֶיךָ עָמְדוּ הַיּוֹם כִּי הַכֹּל עֲבָדֶיךָ׃
Lémichpatékha ʹamdou hayome ki hakol ʹavadékha
לוּלֵי תוֹרָתְךָ שַׁעֲשֻׁעָי אָז אָבַדְתִּי בְעָנְיִי׃
Loulé toratkha chaʹachouʹaï az avadti véʹanyi
לְעוֹלָם לֹא־אֶשְׁכַּח פִּקּוּדֶיךָ כִּי בָם חִיִּיתָנִי׃
Léʹolame lo-èchkaʹh pikoudékha ki vame ʹhiyitani
לְךָ־אֲנִי הוֹשִׁיעֵנִי כִּי פִקּוּדֶיךָ דָרָשְׁתִּי׃
Lékha-ani hochiʹéni ki fikoudékha darachti
לִי קִוּוּ רְשָׁעִים לְאַבְּדֵנִי עֵדֹתֶיךָ אֶתְבּוֹנָן׃
Li kiouou réchaʹime léabédéni ʹédotékha ètbonane
לְכָל תִּכְלָה רָאִיתִי קֵץ רְחָבָה מִצְוָתְךָ מְאֹד׃
Lékhol tikhla raiti kèts réʹhava mitsvatkha méode
מָה־אָהַבְתִּי תוֹרָתֶךָ כָּל־הַיּוֹם הִיא שִׂיחָתִי׃
Ma-ahavti toratékha kole-hayome hi siʹhati
מֵאֹיְבַי תְּחַכְּמֵנִי מִצְוֺתֶךָ כִּי לְעוֹלָם הִיא־לִי׃
Méoyvaï téʹhakéméni mitsotékha ki léʹolame hi-li
מִכָּל־מְלַמְּדַי הִשְׂכַּלְתִּי כִּי עֵדְוֺתֶיךָ שִׂיחָה לִי׃
Mikol-mélamédaï hiskalti ki ʹédotékha siʹha li
מִזְּקֵנִים אֶתְבּוֹנָן כִּי פִקּוּדֶיךָ נָצָרְתִּי׃
Mizékénime ètbonane ki fikoudékha natsarti
מִכָּל־אֹרַח רָע כָּלִאתִי רַגְלָי לְמַעַן אֶשְׁמֹר דְּבָרֶךָ׃
Mikol-oraʹh raʹ kaliti ragulaï lémaʹane èchmor dévarékha
מִמִּשְׁפָּטֶיךָ לֹא־סָרְתִּי כִּי־אַתָּה הוֹרֵתָנִי׃
Mimichpatékha lo-sarti ki-ata horétani
מַה־נִּמְלְצוּ לְחִכִּי אִמְרָתֶךָ מִדְּבַשׁ לְפִי׃
Ma-nimlétsou léʹhiki imratékha midévache léfi
מִפִּקּוּדֶיךָ אֶתְבּוֹנָן עַל־כֵּן שָׂנֵאתִי כָּל־אֹרַח שָׁקֶר׃
Mipikoudékha ètbonane ʹal-kène sanéti kole-oraʹh chakèr
נֵר־לְרַגְלִי דְבָרֶךָ וְאוֹר לִנְתִיבָתִי׃
Nèr-léraguli dévarékha véor lintivati
נִשְׁבַּעְתִּי וָאֲקַיֵּמָה לִשְׁמֹר מִשְׁפְּטֵי צִדְקֶךָ׃
Nichbaʹti vaakayéma lichmor michpété tsidkékha
נַעֲנֵיתִי עַד־מְאֹד יְהוָה חַיֵּנִי כִדְבָרֶךָ׃
Naʹanéti ʹad-méode Ado-naï ʹhayéni khidvarékha
נִדְבוֹת פִּי רְצֵה־נָא יְהוָה וּמִשְׁפָּטֶיךָ לַמְּדֵנִי׃
Nidvote pi rétsé-na Ado-naï oumichpatékha lamédéni
נַפְשִׁי בְכַפִּי תָמִיד וְתוֹרָתְךָ לֹא שָׁכָחְתִּי׃
Nafchi vékhapi tamide vétoratkha lo chakhaʹhti
נָתְנוּ רְשָׁעִים פַּח לִי וּמִפִּקּוּדֶיךָ לֹא תָעִיתִי׃
Natnou réchaʹime paʹh li oumipikoudékha lo taʹiti
נָחַלְתִּי עֵדְוֺתֶיךָ לְעוֹלָם כִּי־שְׂשׂוֹן לִבִּי הֵמָּה׃
Naʹhalti ʹédotékha léʹolame ki-sésone libi héma
נָטִיתִי לִבִּי לַעֲשׂוֹת חֻקֶּיךָ לְעוֹלָם עֵקֶב׃
Natiti libi laʹassote ʹhoukékha léʹolame ʹékèv
סֵעֲפִים שָׂנֵאתִי וְתוֹרָתְךָ אָהָבְתִּי׃
Séʹafime sanéti vétoratkha ahavti
סִתְרִי וּמָגִנִּי אָתָּה לִדְבָרְךָ יִחָלְתִּי׃
Sitri oumaguini ata lidvarkha yiʹhalti
סוּרוּ־מִמֶּנִּי מְרֵעִים וְאֶצְּרָה מִצְוֺת אֱלֹהָי׃
Sourou-miméni méréʹime véètsra mitsote Élohé
סָמְכֵנִי כְאִמְרָתְךָ וְאֶחְיֶה וְאַל־תְּבִישֵׁנִי מִשִּׂבְרִי׃
Samkhéni khéimratkha véèʹhyé véal-tévichéni misivri
סְעָדֵנִי וְאִוָּשֵׁעָה וְאֶשְׁעָה בְחֻקֶּיךָ תָמִיד׃
Séʹadéni véivachéʹa véèchʹa véʹhoukékha tamide
סָלִיתָ כָּל־שׁוֹגִים מֵחֻקֶּיךָ כִּי־שֶׁקֶר תַּרְמִיתָם׃
Salita kole-choguime méʹhoukékha ki-chékère tarmitame
סִגִים הִשְׁבַּתָּ כָל־רִשְׁעֵי־אָרֶץ לָכֵן אָהַבְתִּי עֵדֹתֶיךָ׃
Siguime hichbata khole-richeʹé-aréts lakhène ahavti ʹédotékha
סָמַר מִפַּחְדְּךָ בְשָׂרִי וּמִמִּשְׁפָּטֶיךָ יָרֵאתִי׃
Samar mipaʹhdékha vésari oumimichepatékha yaréti
עָשִׂיתִי מִשְׁפָּט וָצֶדֶק בַּל־תַּנִּיחֵנִי לְעֹשְׁקָי׃
ʹAsiti michpate vatsédèk bal-taniʹhéni léʹochkaï
עֲרֹב עַבְדְּךָ לְטוֹב אַל־יַעַשְׁקֻנִי זֵדִים׃
ʹArov ʹav-dékha létov al-yaʹachkouni zédime
עֵינַי כָּלוּ לִישׁוּעָתֶךָ וּלְאִמְרַת צִדְקֶךָ׃
ʹÉnaï kalou lichouʹatékha oulimrate tsidkékha
עֲשֵׂה עִם־עַבְדְּךָ כְחַסְדֶּךָ וְחֻקֶּיךָ לַמְּדֵנִי׃
ʹAssé ʹime-ʹav-dékha khéʹhasdékha véʹhoukékha lamédéni
עַבְדְּךָ־אָנִי הֲבִינֵנִי וְאֵדְעָה עֵדֹתֶיךָ׃
ʹAv-dékha-ani havinéni véèdʹa ʹédotékha
עֵת לַעֲשׂוֹת לַיהוָה הֵפֵרוּ תּוֹרָתֶךָ׃
ʹÈte laʹassote laïhva héférou toratékha
עַל־כֵּן אָהַבְתִּי מִצְוֺתֶיךָ מִזָּהָב וּמִפָּז׃
ʹAl-kène ahavti mitsotékha mizahav oumipaz
עַל־כֵּן כָּל־פִּקּוּדֵי כֹל יִשָּׁרְתִּי כָּל־אֹרַח שֶׁקֶר שָׂנֵאתִי׃
ʹAl-kène kole-pikoudé kol yicharti kole-oraʹh chékère sanéti
פְּלָאוֹת עֵדְוֺתֶיךָ עַל־כֵּן נְצָרָתַם נַפְשִׁי׃
Pélaote ʹédotékha ʹal-kène nétsaratame nafchi
פֵּתַח דְּבָרֶיךָ יָאִיר מֵבִין פְּתָיִים׃
Pétaʹh dévarékha yair mévine pétayime
פִּי־פָעַרְתִּי וָאֶשְׁאָפָה כִּי לְמִצְוֺתֶיךָ יָאָבְתִּי׃
Pi-faʹarti vaèchafa ki lémitsotékha yaavti
פְּנֵה־אֵלַי וְחָנֵּנִי כְּמִשְׁפָּט לְאֹהֲבֵי שְׁמֶךָ׃
Péné-élaï véʹhanéni kémichpate léohavé chémékha
פְּעָמַי הָכֵן בְּאִמְרָתֶךָ וְאַל־תַּשְׁלֶט־בִּי כָל־אָוֶן׃
Péʹamaï hakhène béimratékha véal-tachlète-bi khole-avène
פְּדֵנִי מֵעֹשֶׁק אָדָם וְאֶשְׁמְרָה פִּקּוּדֶיךָ׃
Pédéni méʹochèk adame véèchméra pikoudékha
פָּנֶיךָ הָאֵר בְּעַבְדֶּךָ וְלַמְּדֵנִי אֶת־חֻקֶּיךָ׃
Panékha haèr béʹavdékha vélamédéni ète-ʹhoukékha
פַּלְגֵי־מַיִם יָרְדוּ עֵינָי עַל לֹא־שָׁמְרוּ תוֹרָתֶךָ׃
Palgué-mayime yardou ʹénaï ʹal lo-chamrou toratékha
צַדִּיק אַתָּה יְהוָה וְיָשָׁר מִשְׁפָּטֶיךָ׃
Tsadik ata Ado-naï véyachar michpatékha
צִוִּיתָ צֶדֶק עֵדֹתֶיךָ וֶאֱמוּנָה מְאֹד׃
Tsivita tsédèk ʹédotékha véémouna méode
צִמְּתַתְנִי קִנְאָתִי כִּי־שָׁכְחוּ דְבָרֶיךָ צָרָי׃
Tsimétatni kinati ki-chakhʹhou dévarékha tsaraï
צְרוּפָה אִמְרָתְךָ מְאֹד וְעַבְדְּךָ אֲהֵבָהּ׃
Tséroufa imratkha méode véʹavdékha ahéva
צָעִיר אָנֹכִי וְנִבְזֶה פִּקֻּדֶיךָ לֹא שָׁכָחְתִּי׃
Tsaʹir anokhi vénivzé pikoudékha lo chakhaʹhti
צִדְקָתְךָ צֶדֶק לְעוֹלָם וְתוֹרָתְךָ אֱמֶת׃
Tsidkatkha tsédèk léʹolame vétoratkha éméte
צַר־וּמָצוֹק מְצָאוּנִי מִצְוֺתֶיךָ שַׁעֲשֻׁעָי׃
Tsar-oumatsok métsaouni mitsotékha chaʹachouʹaï
צֶדֶק עֵדְוֺתֶיךָ לְעוֹלָם הֲבִינֵנִי וְאֶחְיֶה׃
Tsédèk ʹédotékha léʹolame havinéni véèʹhyé
קָרָאתִי בְכָל־לֵב עֲנֵנִי יְהוָה חֻקֶּיךָ אֶצֹּרָה׃
Karati békhol-lèv ʹanéni Ado-naï ʹhoukékha étsora
קְרָאתִיךָ הוֹשִׁיעֵנִי וְאֶשְׁמְרָה עֵדֹתֶיךָ׃
Kératikha hochiʹéni véèchméra ʹédotékha
קִדַּמְתִּי בַנֶּשֶׁף וָאֲשַׁוֵּעָה לדבריך [לִדְבָרְךָ] יִחָלְתִּי׃
Kidamti vanéchèfe vaachavéʹa lidvarkha yiʹhalti
קִדְּמוּ עֵינַי אַשְׁמֻרוֹת לָשִׂיחַ בְּאִמְרָתֶךָ׃
Kidémou ʹénaï achmourote lasiaʹh béimratékha
קוֹלִי שִׁמְעָה כְחַסְדֶּךָ יְהוָה כְּמִשְׁפָּטֶךָ חַיֵּנִי׃
Koli chimʹa khéʹhasdékha Ado-naï kémichpatékha ʹhayéni
קָרְבוּ רֹדְפֵי זִמָּה מִתּוֹרָתְךָ רָחָקוּ׃
Karvou rodfé zima mitoratkha raʹhakou
קָרוֹב אַתָּה יְהוָה וְכָל־מִצְוֺתֶיךָ אֱמֶת׃
Karov ata Ado-naï vékhol-mitsotékha éméte
קֶדֶם יָדַעְתִּי מֵעֵדֹתֶיךָ כִּי לְעוֹלָם יְסַדְתָּם׃
Kédème yadaʹti méʹédotékha ki léʹolame yésadtame
רְאֵה־עָנְיִי וְחַלְּצֵנִי כִּי־תוֹרָתְךָ לֹא שָׁכָחְתִּי׃
Réé-ʹanyi véʹhalétséni ki-toratkha lo chakhaʹhti
רִיבָה רִיבִי וּגְאָלֵנִי לְאִמְרָתְךָ חַיֵּנִי׃
Riva rivi ougualéni léimratkha ʹhayéni
רָחוֹק מֵרְשָׁעִים יְשׁוּעָה כִּי־חֻקֶּיךָ לֹא דָרָשׁוּ׃
Raʹhok mèrchaʹime yéchouʹa ki-ʹhoukékha lo darachou
רַחֲמֶיךָ רַבִּים יְהוָה כְּמִשְׁפָּטֶיךָ חַיֵּנִי׃
Raʹhamékha rabime Ado-naï kémichpatékha ʹhayéni
רַבִּים רֹדְפַי וְצָרָי מֵעֵדְוֺתֶיךָ לֹא נָטִיתִי׃
Rabime rodfaï vétsaraï méʹédotékha lo natiti
רָאִיתִי בֹגְדִים וָאֶתְקוֹטָטָה אֲשֶׁר אִמְרָתְךָ לֹא שָׁמָרוּ׃
Raiti vogudime vaètkotata achère imratkha lo chamarou
רְאֵה כִּי־פִקּוּדֶיךָ אָהָבְתִּי יְהוָה כְּחַסְדְּךָ חַיֵּנִי׃
Réé ki-fikoudékha ahavti Ado-naï kéʹhasdékha ʹhayéni
רֹאשׁ־דְּבָרְךָ אֱמֶת וּלְעוֹלָם כָּל־מִשְׁפַּט צִדְקֶךָ׃
Roche-dévarkha éméte oulʹolame kole-michpate tsidkékha
שָׂרִים רְדָפוּנִי חִנָּם ומדבריך [וּמִדְּבָרְךָ] פָּחַד לִבִּי׃
Sarime rédafouni ʹhiname oumidévarkha paʹhade libi
שָׂשׂ אָנֹכִי עַל־אִמְרָתֶךָ כְּמוֹצֵא שָׁלָל רָב׃
Sase anokhi ʹal-imratékha kémotsé chalal rav
שֶׁקֶר שָׂנֵאתִי וַאֲתַעֵבָה תּוֹרָתְךָ אָהָבְתִּי׃
Chékère sanéti vaataʹéva toratékha ahavti
שֶׁבַע בַּיּוֹם הִלַּלְתִּיךָ עַל מִשְׁפְּטֵי צִדְקֶךָ׃
Chévaʹ bayome hilaltikha ʹal michpété tsidkékha
שָׁלוֹם רָב לְאֹהֲבֵי תוֹרָתֶךָ וְאֵין־לָמוֹ מִכְשׁוֹל׃
Chalome rav léohavé toratékha vééne-lamo mikhchol
שִׂבַּרְתִּי לִישׁוּעָתְךָ יְהוָה וּמִצְוֺתֶיךָ עָשִׂיתִי׃
Sibarti lichouʹatékha Ado-naï oumitsotékha ʹasiti
שָׁמְרָה נַפְשִׁי עֵדֹתֶיךָ וָאֹהֲבֵם מְאֹד׃
Chamra nafchi ʹédotékha vaohavème méode
שָׁמַרְתִּי פִקּוּדֶיךָ וְעֵדֹתֶיךָ כִּי כָל־דְּרָכַי נֶגְדֶּךָ׃
Chamarti fikoudékha véʹédotékha ki khole-dérakhaï nègudékha
תִּקְרַב רִנָּתִי לְפָנֶיךָ יְהוָה כִּדְבָרְךָ הֲבִינֵנִי׃
Tikrav rinati léfanékha Ado-naï kidvarkha havinéni
תָּבוֹא תְּחִנָּתִי לְפָנֶיךָ כְּאִמְרָתְךָ הַצִּילֵנִי׃
Tavo téʹhinati léfanékha kéimratkha hatsiléni
תַּבַּעְנָה שְׂפָתַי תְּהִלָּה כִּי תְלַמְּדֵנִי חֻקֶּיךָ׃
Tabaʹna séfataï téhila ki télamédéni ʹhoukékha
תַּעַן לְשׁוֹנִי אִמְרָתֶךָ כִּי כָל־מִצְוֺתֶיךָ צֶּדֶק׃
Taʹane léchoni imratékha ki khole-mitsotékha tsédèk
תְּהִי־יָדְךָ לְעָזְרֵנִי כִּי פִקּוּדֶיךָ בָחָרְתִּי׃
Téhi-yadkha léʹazréni ki fikoudékha vaʹharti
תָּאַבְתִּי לִישׁוּעָתְךָ יְהוָה וְתוֹרָתְךָ שַׁעֲשֻׁעָי׃
Taavti lichouʹatékha Ado-naï vétoratkha chaʹachouʹaï
תְּחִי־נַפְשִׁי וּתְהַלְלֶךָּ וּמִשְׁפָּטֶךָ יַעֲזְרֻנִי׃
Téʹhi-nafchi outhalléka oumichpatékha yaʹazrouni
תָּעִיתִי כְּשֶׂה אֹבֵד בַּקֵּשׁ עַבְדֶּךָ כִּי מִצְוֺתֶיךָ לֹא שָׁכָחְתִּי׃
Taʹiti késé ovède bakèche ʹavdékha ki mitsotékha lo chakhaʹhti