הוֹדוּ לַיהוָה כִּי־טוֹב כִּי לְעוֹלָם חַסְדּוֹ׃
Hodou laïhva ki-tov ki léʹolame ʹhasdo
יֹאמַר־נָא יִשְׂרָאֵל כִּי לְעוֹלָם חַסְדּוֹ׃
Yomar-na ysraël ki léʹolame ʹhasdo
יֹאמְרוּ־נָא בֵית־אַהֲרֹן כִּי לְעוֹלָם חַסְדּוֹ׃
Yomrou-na vète-aharone ki léʹolame ʹhasdo
יֹאמְרוּ־נָא יִרְאֵי יְהוָה כִּי לְעוֹלָם חַסְדּוֹ׃
Yomrou-na yiré Ado-naï ki léʹolame ʹhasdo
מִן־הַמֵּצַר קָרָאתִי יָּהּ עָנָנִי בַמֶּרְחָב יָהּ׃
Mine-hamétsar karati ya ʹanani vamèrʹhav yah
יְהוָה לִי לֹא אִירָא מַה־יַּעֲשֶׂה לִי אָדָם׃
Ado-naï li lo ira ma-yaʹasé li adame
יְהוָה לִי בְּעֹזְרָי וַאֲנִי אֶרְאֶה בְשֹׂנְאָי׃
Ado-naï li béʹozraï vaani èré vésonaï
טוֹב לַחֲסוֹת בַּיהוָה מִבְּטֹחַ בָּאָדָם׃
Tov laʹhasote baïhva mibétoaʹh baadame
טוֹב לַחֲסוֹת בַּיהוָה מִבְּטֹחַ בִּנְדִיבִים׃
Tov laʹhasote baïhva mibétoaʹh bindivime
כָּל־גּוֹיִם סְבָבוּנִי בְּשֵׁם יְהוָה כִּי אֲמִילַם׃
Kole-guoyime sévavouni béchème Ado-naï ki amilame
סַבּוּנִי גַם־סְבָבוּנִי בְּשֵׁם יְהוָה כִּי אֲמִילַם׃
Sabouni game-sévavouni béchème Ado-naï ki amilame
סַבּוּנִי כִדְבוֹרִים דֹּעֲכוּ כְּאֵשׁ קוֹצִים בְּשֵׁם יְהוָה כִּי אֲמִילַם׃
Sabouni khidvorime doʹakhou kéèche kotsime béchème Ado-naï ki amilame
דַּחֹה דְחִיתַנִי לִנְפֹּל וַיהוָה עֲזָרָנִי׃
Daʹho déʹhitani linpol vaïhva ʹazarani
עָזִּי וְזִמְרָת יָהּ וַיְהִי־לִי לִישׁוּעָה׃
ʹAzi vézimrate yah vayhi-li lichouʹa
קוֹל רִנָּה וִישׁוּעָה בְּאָהֳלֵי צַדִּיקִים יְמִין יְהוָה עֹשָׂה חָיִל׃
Kol rina vichouʹa béaholé tsaddikime yémine Ado-naï ʹosa ʹhayil
יְמִין יְהוָה רוֹמֵמָה יְמִין יְהוָה עֹשָׂה חָיִל׃
Yémine Ado-naï roméma yémine Ado-naï ʹosa ʹhayil
לֹא אָמוּת כִּי־אֶחְיֶה וַאֲסַפֵּר מַעֲשֵׂי יָהּ׃
Lo amoute ki-èʹhyé vaasapèr maʹassé yah
יַסֹּר יִסְּרַנִּי יָּהּ וְלַמָּוֶת לֹא נְתָנָנִי׃
Yasor yisérani ya vélamavète lo nétanani
פִּתְחוּ־לִי שַׁעֲרֵי־צֶדֶק אָבֹא־בָם אוֹדֶה יָהּ׃
Pitʹhou-li chaʹaré-tsédèk avo-vame odé yah
זֶה־הַשַּׁעַר לַיהוָה צַדִּיקִים יָבֹאוּ בוֹ׃
Zé-hachaʹar laïhva tsaddikime yavoou vo
אוֹדְךָ כִּי עֲנִיתָנִי וַתְּהִי־לִי לִישׁוּעָה׃
Odkha ki ʹanitani vatéhi-li lichouʹa
אֶבֶן מָאֲסוּ הַבּוֹנִים הָיְתָה לְרֹאשׁ פִּנָּה׃
Évène maasou habonime hayéta léroche pina
מֵאֵת יְהוָה הָיְתָה זֹּאת הִיא נִפְלָאת בְּעֵינֵינוּ׃
Méète Ado-naï hayéta zote hi niflate béʹénénou
זֶה־הַיּוֹם עָשָׂה יְהוָה נָגִילָה וְנִשְׂמְחָה בוֹ׃
Zé-hayome ʹasa Ado-naï naguila vénisméʹha vo
אָנָּא יְהוָה הוֹשִׁיעָה נָּא אָנָּא יְהוָה הַצְלִיחָה נָּא׃
Ana Ado-naï hochiʹa na ana Ado-naï hatsliʹha na
בָּרוּךְ הַבָּא בְּשֵׁם יְהוָה בֵּרַכְנוּכֶם מִבֵּית יְהוָה׃
Baroukh haba béchème Ado-naï bérakhnoukhème mibète Ado-naï
אֵל יְהוָה וַיָּאֶר לָנוּ אִסְרוּ־חַג בַּעֲבֹתִים עַד־קַרְנוֹת הַמִּזְבֵּחַ׃
Èle Ado-naï vayaèr lanou isrou-ʹhagu baʹavotime ʹad-karnote hamizbéaʹh
אֵלִי אַתָּה וְאוֹדֶךָּ אֱלֹהַי אֲרוֹמְמֶךָּ׃
Éli ata véodéka Élohé aromméka
הוֹדוּ לַיהוָה כִּי־טוֹב כִּי לְעוֹלָם חַסְדּוֹ׃
Hodou laïhva ki-tov ki léʹolame ʹhasdo