לֹא לָנוּ יְהוָה לֹא לָנוּ כִּי־לְשִׁמְךָ תֵּן כָּבוֹד עַל־חַסְדְּךָ עַל־אֲמִתֶּךָ׃
Lo lanou Ado-naï lo lanou ki-léchimkha tène kavode ʹal-ʹhasdékha ʹal-amitékha
לָמָּה יֹאמְרוּ הַגּוֹיִם אַיֵּה־נָא אֱלֹהֵיהֶם׃
Lama yomrou haguoyime ayé-na élohéhème
וֵאלֹהֵינוּ בַשָּׁמָיִם כֹּל אֲשֶׁר־חָפֵץ עָשָׂה׃
Vélo-hénou vachamayime kol achère-ʹhafèts ʹasa
עֲצַבֵּיהֶם כֶּסֶף וְזָהָב מַעֲשֵׂה יְדֵי אָדָם׃
ʹAtsabéhème késèfe vézahav maʹasé yédé adame
פֶּה־לָהֶם וְלֹא יְדַבֵּרוּ עֵינַיִם לָהֶם וְלֹא יִרְאוּ׃
Pé-lahème vélo yédabérou ʹénayime lahème vélo yirou
אָזְנַיִם לָהֶם וְלֹא יִשְׁמָעוּ אַף לָהֶם וְלֹא יְרִיחוּן׃
Aznayime lahème vélo yichmaʹou afe lahème vélo yériʹhoune
יְדֵיהֶם וְלֹא יְמִישׁוּן רַגְלֵיהֶם וְלֹא יְהַלֵּכוּ לֹא־יֶהְגּוּ בִּגְרוֹנָם׃
Yédéhème vélo yémichoune raguléhème vélo yéhalékhou lo-yèhguou biguroname
כְּמוֹהֶם יִהְיוּ עֹשֵׂיהֶם כֹּל אֲשֶׁר־בֹּטֵחַ בָּהֶם׃
Kémohème yihyou ʹoséhème kol achère-botéaʹh bahème
יִשְׂרָאֵל בְּטַח בַּיהוָה עֶזְרָם וּמָגִנָּם הוּא׃
Ysraël bétaʹh baïhva ʹèzrame oumaguiname hou
בֵּית אַהֲרֹן בִּטְחוּ בַיהוָה עֶזְרָם וּמָגִנָּם הוּא׃
Béth aharone bitʹhou vaïhva ʹèzrame oumaguiname hou
יִרְאֵי יְהוָה בִּטְחוּ בַיהוָה עֶזְרָם וּמָגִנָּם הוּא׃
Yiré Ado-naï bitʹhou vaïhva ʹèzrame oumaguiname hou
יְהוָה זְכָרָנוּ יְבָרֵךְ יְבָרֵךְ אֶת־בֵּית יִשְׂרָאֵל יְבָרֵךְ אֶת־בֵּית אַהֲרֹן׃
Ado-naï zékharanou yévarèkh yévarèkh ète-béth ysraël yévarèkh ète-béth aharone
יְבָרֵךְ יִרְאֵי יְהוָה הַקְּטַנִּים עִם־הַגְּדֹלִים׃
Yévarèkh yiré Ado-naï hakétanime ʹime-haguédolime
יֹסֵף יְהוָה עֲלֵיכֶם עֲלֵיכֶם וְעַל־בְּנֵיכֶם׃
Yosèfe Ado-naï ʹalékhème ʹalékhème véʹal-bénékhème
בְּרוּכִים אַתֶּם לַיהוָה עֹשֵׂה שָׁמַיִם וָאָרֶץ׃
Béroukhime atème laïhva ʹosé chamaïm va-aréts
הַשָּׁמַיִם שָׁמַיִם לַיהוָה וְהָאָרֶץ נָתַן לִבְנֵי־אָדָם׃
Hachamayime chamaïm laïhva véhaarèts natane livné-adame
לֹא הַמֵּתִים יְהַלְלוּ־יָהּ וְלֹא כָּל־יֹרְדֵי דוּמָה׃
Lo hamétime yéhallou-yah vélo kole-yordé douma
וַאֲנַחְנוּ נְבָרֵךְ יָהּ מֵעַתָּה וְעַד־עוֹלָם הַלְלוּ־יָהּ׃
Vaanaʹhnou névarèkh yah méʹata véʹade-ʹolame hallou-yah