בְּצֵאת יִשְׂרָאֵל מִמִּצְרָיִם בֵּית יַעֲקֹב מֵעַם לֹעֵז׃
Bétséte ysraël mimitsrayime béth yaʹakov méʹame loʹèz
הָיְתָה יְהוּדָה לְקָדְשׁוֹ יִשְׂרָאֵל מַמְשְׁלוֹתָיו׃
Hayéta yéhouda lékadcho ysraël mamchélotav
הַיָּם רָאָה וַיָּנֹס הַיַּרְדֵּן יִסֹּב לְאָחוֹר׃
Hayame raa vayanose hayardène yisov léaʹhor
הֶהָרִים רָקְדוּ כְאֵילִים גְּבָעוֹת כִּבְנֵי־צֹאן׃
Héharime rakdou khéélime guévaʹote kivné-tsone
מַה־לְּךָ הַיָּם כִּי תָנוּס הַיַּרְדֵּן תִּסֹּב לְאָחוֹר׃
Ma-lékha hayame ki tanouse hayardène tisov léaʹhor
הֶהָרִים תִּרְקְדוּ כְאֵילִים גְּבָעוֹת כִּבְנֵי־צֹאן׃
Héharime tirkédou khéélime guévaʹote kivné-tsone
מִלִּפְנֵי אָדוֹן חוּלִי אָרֶץ מִלִּפְנֵי אֱלוֹהַּ יַעֲקֹב׃
Milifné adone ʹhouli aréts milifné éloah yaʹakov
הַהֹפְכִי הַצּוּר אֲגַם־מָיִם חַלָּמִישׁ לְמַעְיְנוֹ־מָיִם׃
Hahofkhi hatsour agame-mayime ʹhalamiche lémaʹyéno-mayime