לַמְנַצֵּחַ לְדָוִד מִזְמוֹר אֱלֹהֵי תְהִלָּתִי אַל־תֶּחֱרַשׁ׃
Lamnatséaʹh lédavide mizmor élohé téhilati al-téʹhérache
כִּי פִי רָשָׁע וּפִי־מִרְמָה עָלַי פָּתָחוּ דִּבְּרוּ אִתִּי לְשׁוֹן שָׁקֶר׃
Ki fi rachaʹ oufi-mirma ʹalaï pataʹhou dibérou iti léchone chakèr
וְדִבְרֵי שִׂנְאָה סְבָבוּנִי וַיִּלָּחֲמוּנִי חִנָּם׃
Védivré sina sévavouni vayilaʹhamouni ʹhiname
תַּחַת־אַהֲבָתִי יִשְׂטְנוּנִי וַאֲנִי תְפִלָּה׃
Taʹhate-ahavati yisténouni vaani téfila
וַיָּשִׂימוּ עָלַי רָעָה תַּחַת טוֹבָה וְשִׂנְאָה תַּחַת אַהֲבָתִי׃
Vayasimou ʹalaï raʹa taʹhate tova vésina taʹhate ahavati
הַפְקֵד עָלָיו רָשָׁע וְשָׂטָן יַעֲמֹד עַל־יְמִינוֹ׃
Hafkède ʹalav rachaʹ vésatane yaʹamode ʹal-yémino
בְּהִשָּׁפְטוֹ יֵצֵא רָשָׁע וּתְפִלָּתוֹ תִּהְיֶה לַחֲטָאָה׃
Béhichafto yétsé rachaʹ outfilato tihyé laʹhataa
יִהְיוּ־יָמָיו מְעַטִּים פְּקֻדָּתוֹ יִקַּח אַחֵר׃
Yihyou-yamav méʹatime pékoudato yikaʹh aʹhère
יִהְיוּ־בָנָיו יְתוֹמִים וְאִשְׁתּוֹ אַלְמָנָה׃
Yihyou-vanav yétomime véichto almana
וְנוֹעַ יָנוּעוּ בָנָיו וְשִׁאֵלוּ וְדָרְשׁוּ מֵחָרְבוֹתֵיהֶם׃
Vénoaʹ yanouʹou vanav véchiélou védarchou méʹharvotéhème
יְנַקֵּשׁ נוֹשֶׁה לְכָל־אֲשֶׁר־לוֹ וְיָבֹזּוּ זָרִים יְגִיעוֹ׃
Yénakèche noché lékhol-achère-lo véyavozou zarime yéguiʹo
אַל־יְהִי־לוֹ מֹשֵׁךְ חָסֶד וְאַל־יְהִי חוֹנֵן לִיתוֹמָיו׃
Al-yéhi-lo mochèkh ʹhasède véal-yéhi ʹhonène litomav
יְהִי־אַחֲרִיתוֹ לְהַכְרִית בְּדוֹר אַחֵר יִמַּח שְׁמָם׃
Yéhi-aʹharito léhakhrite bédor aʹhère yimaʹh chémame
יִזָּכֵר עֲוֺן אֲבֹתָיו אֶל־יְהוָה וְחַטַּאת אִמּוֹ אַל־תִּמָּח׃
Yizakhèr ʹaone avotav el-Ado-naï véʹhatate imo al-timaʹh
יִהְיוּ נֶגֶד־יְהוָה תָּמִיד וְיַכְרֵת מֵאֶרֶץ זִכְרָם׃
Yihyou néguède-Ado-naï tamide véyakhrète méérèts zikhrame
יַעַן אֲשֶׁר לֹא זָכַר עֲשׂוֹת חָסֶד וַיִּרְדֹּף אִישׁ־עָנִי וְאֶבְיוֹן וְנִכְאֵה לֵבָב לְמוֹתֵת׃
Yaʹane achère lo zakhar ʹasote ʹhasède vayirdofe iche-ʹani véèvyone vénikhé lévav lémotète
וַיֶּאֱהַב קְלָלָה וַתְּבוֹאֵהוּ וְלֹא־חָפֵץ בִּבְרָכָה וַתִּרְחַק מִמֶּנּוּ׃
Vayééhav kélala vatévoéhou vélo-ʹhafèts bivrakha vatirʹhak miménou
וַיִּלְבַּשׁ קְלָלָה כְּמַדּוֹ וַתָּבֹא כַמַּיִם בְּקִרְבּוֹ וְכַשֶּׁמֶן בְּעַצְמוֹתָיו׃
Vayilbache kélala kémado vatavo khamayime békirbo vékhachémène béʹatsmotav
תְּהִי־לוֹ כְּבֶגֶד יַעְטֶה וּלְמֵזַח תָּמִיד יַחְגְּרֶהָ׃
Téhi-lo kévéguède yaʹté oulmézaʹh tamide yaʹhguéréha
זֹאת פְּעֻלַּת שֹׂטְנַי מֵאֵת יְהוָה וְהַדֹּבְרִים רָע עַל־נַפְשִׁי׃
Zote péʹoulate sotnaï méète Ado-naï véhadovrime raʹ ʹal-nafchi
וְאַתָּה יְהוִה אֲדֹנָי עֲשֵׂה־אִתִּי לְמַעַן שְׁמֶךָ כִּי־טוֹב חַסְדְּךָ הַצִּילֵנִי׃
Véata Ado-naï ado-naï ʹassé-iti lémaʹane chémékha ki-tov ʹhasdékha hatsiléni
כִּי־עָנִי וְאֶבְיוֹן אָנֹכִי וְלִבִּי חָלַל בְּקִרְבִּי׃
Ki-ʹani véèvyone anokhi vélibi ʹhalal békirbi
כְּצֵל־כִּנְטוֹתוֹ נֶהֱלָכְתִּי נִנְעַרְתִּי כָּאַרְבֶּה׃
Kétsèl-kintoto néhélakhti ninʹarti kaarbé
בִּרְכַּי כָּשְׁלוּ מִצּוֹם וּבְשָׂרִי כָּחַשׁ מִשָּׁמֶן׃
Birkaï kachlou mitsome ouvsari kaʹhache michamène
וַאֲנִי הָיִיתִי חֶרְפָּה לָהֶם יִרְאוּנִי יְנִיעוּן רֹאשָׁם׃
Vaani hayiti ʹhèrpa lahème yirouni yéniʹoune rochame
עָזְרֵנִי יְהוָה אֱלֹהָי הוֹשִׁיעֵנִי כְחַסְדֶּךָ׃
ʹAzréni Ado-naï Élohé hochiʹéni khéʹhasdékha
וְיֵדְעוּ כִּי־יָדְךָ זֹּאת אַתָּה יְהוָה עֲשִׂיתָהּ׃
Véyédéʹou ki-yadkha zote ata Ado-naï ʹasita
יְקַלְלוּ־הֵמָּה וְאַתָּה תְבָרֵךְ קָמוּ וַיֵּבֹשׁוּ וְעַבְדְּךָ יִשְׂמָח׃
Yékallou-héma véata tévarèkh kamou vayévochou véʹavdékha yismaʹh
יִלְבְּשׁוּ שׂוֹטְנַי כְּלִמָּה וְיַעֲטוּ כַמְעִיל בָּשְׁתָּם׃
Yilbéchou sotnaï kélima véyaʹatou khamʹil bachtame
אוֹדֶה יְהוָה מְאֹד בְּפִי וּבְתוֹךְ רַבִּים אֲהַלְלֶנּוּ׃
Odé Ado-naï méode béfi ouvtokh rabime ahallénou
כִּי־יַעֲמֹד לִימִין אֶבְיוֹן לְהוֹשִׁיעַ מִשֹּׁפְטֵי נַפְשׁוֹ׃
Ki-yaʹamode limine èvyone léhochi-aʹ michofté nafcho