הֹדוּ לַיהוָה כִּי־טוֹב כִּי לְעוֹלָם חַסְדּוֹ׃
Hodou laïhva ki-tov ki léʹolame ʹhasdo
יֹאמְרוּ גְּאוּלֵי יְהוָה אֲשֶׁר גְּאָלָם מִיַּד־צָר׃
Yomrou guéoulé Ado-naï achère guéalame miyade-tsar
וּמֵאֲרָצוֹת קִבְּצָם מִמִּזְרָח וּמִמַּעֲרָב מִצָּפוֹן וּמִיָּם׃
Ouméaratsote kibétsame mimizraʹh oumimaʹarav mitsafone oumiyame
תָּעוּ בַמִּדְבָּר בִּישִׁימוֹן דָּרֶךְ עִיר מוֹשָׁב לֹא מָצָאוּ׃
Taʹou vamidbar bichimone darèkh ʹir mochav lo matsaou
רְעֵבִים גַּם־צְמֵאִים נַפְשָׁם בָּהֶם תִּתְעַטָּף׃
Réʹévime game-tséméime nafchame bahème titʹatafe
וַיִּצְעֲקוּ אֶל־יְהוָה בַּצַּר לָהֶם מִמְּצוּקוֹתֵיהֶם יַצִּילֵם׃
Vayitsʹakou el-Ado-naï batsar lahème mimétsoukotéhème yatsilème
וַיַּדְרִיכֵם בְּדֶרֶךְ יְשָׁרָה לָלֶכֶת אֶל־עִיר מוֹשָׁב׃
Vayadrikhème bédérèkh yéchara lalékhète el-ʹir mochav
יוֹדוּ לַיהוָה חַסְדּוֹ וְנִפְלְאוֹתָיו לִבְנֵי אָדָם׃
Yodou laïhva ʹhasdo vénifléotav livné adame
כִּי־הִשְׂבִּיעַ נֶפֶשׁ שֹׁקֵקָה וְנֶפֶשׁ רְעֵבָה מִלֵּא־טוֹב׃
Ki-hisbiaʹ néfèche chokéka vénéfèche réʹéva milé-tov
יֹשְׁבֵי חֹשֶׁךְ וְצַלְמָוֶת אֲסִירֵי עֳנִי וּבַרְזֶל׃
Yochvé ʹhochékh vétsalmavète asiré ʹoni ouvarzèl
כִּי־הִמְרוּ אִמְרֵי־אֵל וַעֲצַת עֶלְיוֹן נָאָצוּ׃
Ki-himrou imré-èle vaʹatsate ʹèlyone naatsou
וַיַּכְנַע בֶּעָמָל לִבָּם כָּשְׁלוּ וְאֵין עֹזֵר׃
Vayakhnaʹ béʹamal libame kachlou vééne ʹozèr
וַיִּזְעֲקוּ אֶל־יְהוָה בַּצַּר לָהֶם מִמְּצֻקוֹתֵיהֶם יוֹשִׁיעֵם׃
Vayizʹakou el-Ado-naï batsar lahème mimétsoukotéhème yochiʹème
יוֹצִיאֵם מֵחֹשֶׁךְ וְצַלְמָוֶת וּמוֹסְרוֹתֵיהֶם יְנַתֵּק׃
Yotsième méʹhochèkh vétsalmavète oumosrotéhème yénatèk
יוֹדוּ לַיהוָה חַסְדּוֹ וְנִפְלְאוֹתָיו לִבְנֵי אָדָם׃
Yodou laïhva ʹhasdo vénifléotav livné adame
כִּי־שִׁבַּר דַּלְתוֹת נְחֹשֶׁת וּבְרִיחֵי בַרְזֶל גִּדֵּעַ׃
Ki-chibar daltote néʹhochète ouvriʹhé varzèl guidéaʹ
אֱוִלִים מִדֶּרֶךְ פִּשְׁעָם וּמֵעֲוֺנֹתֵיהֶם יִתְעַנּוּ׃
Évilime midérèkh pichʹame ouméʹaonotéhème yitʹanou
כָּל־אֹכֶל תְּתַעֵב נַפְשָׁם וַיַּגִּיעוּ עַד־שַׁעֲרֵי מָוֶת׃
Kole-okhèl tétaʹèv nafchame vayaguiʹou ʹad-chaʹaré mavète
וַיִּזְעֲקוּ אֶל־יְהוָה בַּצַּר לָהֶם מִמְּצֻקוֹתֵיהֶם יוֹשִׁיעֵם׃
Vayizʹakou el-Ado-naï batsar lahème mimétsoukotéhème yochiʹème
יִשְׁלַח דְּבָרוֹ וְיִרְפָּאֵם וִימַלֵּט מִשְּׁחִיתוֹתָם׃
Yichlaʹh dévaro véyirpaème vimalète michʹhitotame
יוֹדוּ לַיהוָה חַסְדּוֹ וְנִפְלְאוֹתָיו לִבְנֵי אָדָם׃
Yodou laïhva ʹhasdo vénifléotav livné adame
וְיִזְבְּחוּ זִבְחֵי תוֹדָה וִיסַפְּרוּ מַעֲשָׂיו בְּרִנָּה׃
Véyizbéʹhou zivʹhé toda visapérou maʹasav bérina
יוֹרְדֵי הַיָּם בָּאֳנִיּוֹת עֹשֵׂי מְלָאכָה בְּמַיִם רַבִּים׃
Yordé hayame baoniote ʹosé mélakha bémayime rabime
הֵמָּה רָאוּ מַעֲשֵׂי יְהוָה וְנִפְלְאוֹתָיו בִּמְצוּלָה׃
Héma raou maʹassé Ado-naï vénifléotav bimtsoula
וַיֹּאמֶר וַיַּעֲמֵד רוּחַ סְעָרָה וַתְּרוֹמֵם גַּלָּיו׃
Vayomèr vayaʹamède rouaʹh séʹara vatéromème galav
יַעֲלוּ שָׁמַיִם יֵרְדוּ תְהוֹמוֹת נַפְשָׁם בְּרָעָה תִתְמוֹגָג׃
Yaʹalou chamaïm yèrdou téhomote nafchame béraʹa titmogagu
יָחוֹגּוּ וְיָנוּעוּ כַּשִּׁכּוֹר וְכָל־חָכְמָתָם תִּתְבַּלָּע׃
Yaʹhoguou véyanouʹou kachikor vékhol-ʹhakhmatame titbalaʹ
וַיִּצְעֲקוּ אֶל־יְהוָה בַּצַּר לָהֶם וּמִמְּצוּקֹתֵיהֶם יוֹצִיאֵם׃
Vayitsʹakou el-Ado-naï batsar lahème oumimétsoukotéhème yotsième
יָקֵם סְעָרָה לִדְמָמָה וַיֶּחֱשׁוּ גַּלֵּיהֶם׃
Yakème séʹara lidmama vayéʹhéchou galéhème
וַיִּשְׂמְחוּ כִי־יִשְׁתֹּקוּ וַיַּנְחֵם אֶל־מְחוֹז חֶפְצָם׃
Vayisméʹhou khi-yichtokou vayanʹhème el-méʹhoz ʹhèftsame
יוֹדוּ לַיהוָה חַסְדּוֹ וְנִפְלְאוֹתָיו לִבְנֵי אָדָם׃
Yodou laïhva ʹhasdo vénifléotav livné adame
וִירֹמְמוּהוּ בִּקְהַל־עָם וּבְמוֹשַׁב זְקֵנִים יְהַלְלוּהוּ׃
Virommouhou bikhal-ʹame ouvmochav zékénime yéhallouhou
יָשֵׂם נְהָרוֹת לְמִדְבָּר וּמֹצָאֵי מַיִם לְצִמָּאוֹן׃
Yasème néharote lémidbar oumotsaé mayime létsimaone
אֶרֶץ פְּרִי לִמְלֵחָה מֵרָעַת יֹשְׁבֵי בָהּ׃
Érèts péri limléʹha méraʹate yochvé va
יָשֵׂם מִדְבָּר לַאֲגַם־מַיִם וְאֶרֶץ צִיָּה לְמֹצָאֵי מָיִם׃
Yasème midbar laagame-mayime véérèts tsiya lémotsaé mayime
וַיּוֹשֶׁב שָׁם רְעֵבִים וַיְכוֹנְנוּ עִיר מוֹשָׁב׃
Vayochèv chame réʹévime vaykhonnou ʹir mochav
וַיִּזְרְעוּ שָׂדוֹת וַיִּטְּעוּ כְרָמִים וַיַּעֲשׂוּ פְּרִי תְבוּאָה׃
Vayizréʹou sadote vayitéʹou khéramime vayaʹasou péri tévoua
וַיְבָרֲכֵם וַיִּרְבּוּ מְאֹד וּבְהֶמְתָּם לֹא יַמְעִיט׃
Vayvarakhème vayirbou méode ouvhèmtame lo yamʹite
וַיִּמְעֲטוּ וַיָּשֹׁחוּ מֵעֹצֶר רָעָה וְיָגוֹן׃
Vayimʹatou vayachoʹhou méʹotsèr raʹa véyagone
שֹׁפֵךְ בּוּז עַל־נְדִיבִים וַיַּתְעֵם בְּתֹהוּ לֹא־דָרֶךְ׃
Chofèkh bouz ʹal-nédivime vayatʹème bétohou lo-darèkh
וַיְשַׂגֵּב אֶבְיוֹן מֵעוֹנִי וַיָּשֶׂם כַּצֹּאן מִשְׁפָּחוֹת׃
Vaysaguèv èvyone méʹoni vayasème katsone michpaʹhote
יִרְאוּ יְשָׁרִים וְיִשְׂמָחוּ וְכָל־עַוְלָה קָפְצָה פִּיהָ׃
Yirou yécharime véyismaʹhou vékhol-ʹavla kaftsa piha
מִי־חָכָם וְיִשְׁמָר־אֵלֶּה וְיִתְבּוֹנְנוּ חַסְדֵי יְהוָה׃
Mi-ʹhakhame véyichmar-élé véyitbonnou ʹhasdé Ado-naï