הַלְלוּיָהּ הוֹדוּ לַיהוָה כִּי־טוֹב כִּי לְעוֹלָם חַסְדּוֹ׃
Halélouyah hodou laïhva ki-tov ki léʹolame ʹhasdo
מִי יְמַלֵּל גְּבוּרוֹת יְהוָה יַשְׁמִיעַ כָּל־תְּהִלָּתוֹ׃
Mi yémalèl guévourote Ado-naï yachmiaʹ kole-téhilato
אַשְׁרֵי שֹׁמְרֵי מִשְׁפָּט עֹשֵׂה צְדָקָה בְכָל־עֵת׃
Achré chomré michpate ʹosé tsédaka békhol-ʹète
זָכְרֵנִי יְהוָה בִּרְצוֹן עַמֶּךָ פָּקְדֵנִי בִּישׁוּעָתֶךָ׃
Zakhréni Ado-naï birtsone ʹamékha pakdéni bichouʹatékha
לִרְאוֹת בְּטוֹבַת בְּחִירֶיךָ לִשְׂמֹחַ בְּשִׂמְחַת גּוֹיֶךָ לְהִתְהַלֵּל עִם־נַחֲלָתֶךָ׃
Lire-ote bétovate béʹhirékha lismoaʹh bésimʹhate guoyékha léhithalèl ʹime-naʹhalatékha
חָטָאנוּ עִם־אֲבוֹתֵינוּ הֶעֱוִינוּ הִרְשָׁעְנוּ׃
ʹHatanou ʹime-avoténou héʹévinou hirchaʹnou
אֲבוֹתֵינוּ בְמִצְרַיִם לֹא־הִשְׂכִּילוּ נִפְלְאוֹתֶיךָ לֹא זָכְרוּ אֶת־רֹב חֲסָדֶיךָ וַיַּמְרוּ עַל־יָם בְּיַם־סוּף׃
Avoténou vémitsrayime lo-hiskilou nif-léotékha lo zakhrou ète-rov ʹhassadékha vayamrou ʹal-yame béyame-soufe
וַיּוֹשִׁיעֵם לְמַעַן שְׁמוֹ לְהוֹדִיעַ אֶת־גְּבוּרָתוֹ׃
Vayochiʹème lémaʹane chémo léhodiaʹ ète-guévourato
וַיִּגְעַר בְּיַם־סוּף וַיֶּחֱרָב וַיּוֹלִיכֵם בַּתְּהֹמוֹת כַּמִּדְבָּר׃
Vayiguʹar béyame-soufe vayéʹhérav vayolikhème batéhomote kamidbar
וַיּוֹשִׁיעֵם מִיַּד שׂוֹנֵא וַיִּגְאָלֵם מִיַּד אוֹיֵב׃
Vayochiʹème miyade soné vayigualème miyade oyèv
וַיְכַסּוּ־מַיִם צָרֵיהֶם אֶחָד מֵהֶם לֹא נוֹתָר׃
Vaykhasou-mayime tsaréhème éʹhade méhème lo notar
וַיַּאֲמִינוּ בִדְבָרָיו יָשִׁירוּ תְּהִלָּתוֹ׃
Vayaaminou vidvarav yachirou téhilato
מִהֲרוּ שָׁכְחוּ מַעֲשָׂיו לֹא־חִכּוּ לַעֲצָתוֹ׃
Miharou chakhʹhou maʹasav lo-ʹhikou laʹatsato
וַיִּתְאַוּוּ תַאֲוָה בַּמִּדְבָּר וַיְנַסּוּ־אֵל בִּישִׁימוֹן׃
Vayitaouou taava bamidbar vaynasou-èle bichimone
וַיִּתֵּן לָהֶם שֶׁאֱלָתָם וַיְשַׁלַּח רָזוֹן בְּנַפְשָׁם׃
Vayitène lahème chéélatame vaychalaʹh razone bénafchame
וַיְקַנְאוּ לְמֹשֶׁה בַּמַּחֲנֶה לְאַהֲרֹן קְדוֹשׁ יְהוָה׃
Vaykanou lémoché bamaʹhané léaharone kédoch Ado-naï
תִּפְתַּח־אֶרֶץ וַתִּבְלַע דָּתָן וַתְּכַס עַל־עֲדַת אֲבִירָם׃
Tiftaʹh-érèts vativlaʹ datane vatékhase ʹal-ʹadate avirame
וַתִּבְעַר־אֵשׁ בַּעֲדָתָם לֶהָבָה תְּלַהֵט רְשָׁעִים׃
Vativʹar-èche baʹadatame léhava télahète réchaʹime
יַעֲשׂוּ־עֵגֶל בְּחֹרֵב וַיִּשְׁתַּחֲווּ לְמַסֵּכָה׃
Yaʹasou-ʹéguèl béʹhorèv vayichtaʹhavou lémasékha
וַיָּמִירוּ אֶת־כְּבוֹדָם בְּתַבְנִית שׁוֹר אֹכֵל עֵשֶׂב׃
Vayamirou ète-kévodame bétavnite chor okhèl ʹésèv
שָׁכְחוּ אֵל מוֹשִׁיעָם עֹשֶׂה גְדֹלוֹת בְּמִצְרָיִם׃
Chakhʹhou èle mochiʹame ʹosé guédolote bémitsrayime
נִפְלָאוֹת בְּאֶרֶץ חָם נוֹרָאוֹת עַל־יַם־סוּף׃
Niflaote béérèts ʹhame noraote ʹal-yame-soufe
וַיֹּאמֶר לְהַשְׁמִידָם לוּלֵי מֹשֶׁה בְחִירוֹ עָמַד בַּפֶּרֶץ לְפָנָיו לְהָשִׁיב חֲמָתוֹ מֵהַשְׁחִית׃
Vayomèr léhachmidame loulé moché véʹhiro ʹamade bapérèts léfanav léhachiv ʹhamato méhachʹhite
וַיִּמְאֲסוּ בְּאֶרֶץ חֶמְדָּה לֹא־הֶאֱמִינוּ לִדְבָרוֹ׃
Vayimasou béérèts ʹhèmda lo-hééminou lidvaro
וַיֵּרָגְנוּ בְאָהֳלֵיהֶם לֹא שָׁמְעוּ בְּקוֹל יְהוָה׃
Vayéragunou véaholéhème lo chamʹou békol Ado-naï
וַיִּשָּׂא יָדוֹ לָהֶם לְהַפִּיל אוֹתָם בַּמִּדְבָּר׃
Vayisa yado lahème léhapil otame bamidbar
וּלְהַפִּיל זַרְעָם בַּגּוֹיִם וּלְזָרוֹתָם בָּאֲרָצוֹת׃
Oulhapil zarʹame baguoyime oulzarotame baaratsote
וַיִּצָּמְדוּ לְבַעַל פְּעוֹר וַיֹּאכְלוּ זִבְחֵי מֵתִים׃
Vayitsamdou lévaʹal péʹor vayokhlou zivʹhé métime
וַיַּכְעִיסוּ בְּמַעַלְלֵיהֶם וַתִּפְרָץ־בָּם מַגֵּפָה׃
Vayakhʹisou bémaʹalléhème vatifrats-bame maguéfa
וַיַּעֲמֹד פִּינְחָס וַיְפַלֵּל וַתֵּעָצַר הַמַּגֵּפָה׃
Vayaʹamode pinʹhase vayfalèl vatéʹatsar hamaguéfa
וַתֵּחָשֶׁב לוֹ לִצְדָקָה לְדֹר וָדֹר עַד־עוֹלָם׃
Vatéʹhachèv lo litsdaka lédor vador ʹad-ʹolame
וַיַּקְצִיפוּ עַל־מֵי מְרִיבָה וַיֵּרַע לְמֹשֶׁה בַּעֲבוּרָם׃
Vayaktsifou ʹal-mé mériva vayéraʹ lémoché baʹavourame
כִּי־הִמְרוּ אֶת־רוּחוֹ וַיְבַטֵּא בִּשְׂפָתָיו׃
Ki-himrou ète-rouʹho vayvaté bisfatav
לֹא־הִשְׁמִידוּ אֶת־הָעַמִּים אֲשֶׁר אָמַר יְהוָה לָהֶם׃
Lo-hichmidou ète-haʹamime achère amar Ado-naï lahème
וַיִּתְעָרְבוּ בַגּוֹיִם וַיִּלְמְדוּ מַעֲשֵׂיהֶם׃
Vayitʹarvou vaguoyime vayilmédou maʹaséhème
וַיַּעַבְדוּ אֶת־עֲצַבֵּיהֶם וַיִּהְיוּ לָהֶם לְמוֹקֵשׁ׃
Vayaʹavdou ète-ʹatsabéhème vayihyou lahème lémokèche
וַיִּזְבְּחוּ אֶת־בְּנֵיהֶם וְאֶת־בְּנוֹתֵיהֶם לַשֵּׁדִים׃
Vayizbéʹhou ète-bénéhème véète-bénotéhème lachédime
וַיִּשְׁפְּכוּ דָם נָקִי דַּם־בְּנֵיהֶם וּבְנוֹתֵיהֶם אֲשֶׁר זִבְּחוּ לַעֲצַבֵּי כְנָעַן וַתֶּחֱנַף הָאָרֶץ בַּדָּמִים׃
Vayichpékhou dame naki dame-bénéhème ouvnotéhème achère zibéʹhou laʹatsabé khénaʹane vatéʹhénafe haaréts badamime
וַיִּטְמְאוּ בְמַעֲשֵׂיהֶם וַיִּזְנוּ בְּמַעַלְלֵיהֶם׃
Vayitméou vémaʹaséhème vayiznou bémaʹalléhème
וַיִּחַר־אַף יְהוָה בְּעַמּוֹ וַיְתָעֵב אֶת־נַחֲלָתוֹ׃
Vayiʹhar-afe Ado-naï béʹamo vaytaʹèv ète-naʹhalato
וַיִּתְּנֵם בְּיַד־גּוֹיִם וַיִּמְשְׁלוּ בָהֶם שֹׂנְאֵיהֶם׃
Vayiténème béyade-guoyime vayimchélou vahème sonéhème
וַיִּלְחָצוּם אוֹיְבֵיהֶם וַיִּכָּנְעוּ תַּחַת יָדָם׃
Vayilʹhatsoume oyvéhème vayikanʹou taʹhate yadame
פְּעָמִים רַבּוֹת יַצִּילֵם וְהֵמָּה יַמְרוּ בַעֲצָתָם וַיָּמֹכּוּ בַּעֲוֺנָם׃
Péʹamime rabote yatsilème véhéma yamrou vaʹatsatame vayamokou baʹaoname
וַיַּרְא בַּצַּר לָהֶם בְּשָׁמְעוֹ אֶת־רִנָּתָם׃
Vayar batsar lahème béchamʹo ète-rinatame
וַיִּזְכֹּר לָהֶם בְּרִיתוֹ וַיִּנָּחֵם כְּרֹב חסדו [חֲסָדָיו׃]
Vayizkor lahème bérito vayinaʹhème kérov ʹhasadav
וַיִּתֵּן אוֹתָם לְרַחֲמִים לִפְנֵי כָּל־שׁוֹבֵיהֶם׃
Vayitène otame léraʹhamime lif-né kole-chovéhème
הוֹשִׁיעֵנוּ יְהוָה אֱלֹהֵינוּ וְקַבְּצֵנוּ מִן־הַגּוֹיִם לְהֹדוֹת לְשֵׁם קָדְשֶׁךָ לְהִשְׁתַּבֵּחַ בִּתְהִלָּתֶךָ׃
Hochiʹénou Ado-naï élo-hénou vékabétsénou mine-haguoyime léhodote léchème kadchékha léhichtabéaʹh bithilatékha
בָּרוּךְ־יְהוָה אֱלֹהֵי יִשְׂרָאֵל מִן־הָעוֹלָם וְעַד הָעוֹלָם וְאָמַר כָּל־הָעָם אָמֵן הַלְלוּ־יָהּ׃
Baroukh-Ado-naï élohé ysraël mine-haʹolame véʹade haʹolame véamar kole-haʹame amène hallou-yah